2 Mbai 10:16 - Mbeti ti Nzapa - Tënë so amu fini

¹⁶ So azo ti Israel kue abaa atene, gbia ama tënë ti ala pepe, ala kiri tënë na gbia, atene: “Nyen laa ayeke na popo ti e na David, nyen? Nyen laa abongbi e na molenge ti Yese, nyen? Azo ti Israel, zo oko oko akiri na da ti lo! Ti mo, *hale ti David, fadeso, mo baa ndo na ndö ti da ti mo!” Na pekoni, azo ti Israel kue akiri na da ti ala.

2 Mbai 10:16 ပူးပေါင်းရင်းမြစ်များ

2 Samuel 15:13

Mbeni zo ague, atene na David: “Be ti azo ti Israel kue akiri na mbage ti Absalom.”

2 Samuel 16:11

David atene na Abishai nga na azo ti yangbo ti lo kue, atene: “So molenge ti mbi so asigigi na ya ti mbi aye ti fâ mbi so, fade zo ti mara ti Benjamin so asara ye tongaso pepe? Ala zia lo, lo deba mbi tongana KOTA GBIA laa amu yanga na lo.

2 Samuel 20:1

Mbeni zo ti bingo kpale ayeke lani kâ, iri ti lo ayeke Sheba, molenge ti Bikri, zo ti mara ti Benjamin. Sheba ahuru tatalita, atene: “Nyen laa abongbi e na David, nyen? Mbeni ye abongbi e na molenge ti Yese? Azo ti Israel, ayeke nzoni zo oko oko akiri na da ti lo.”

1 Agbia 11:13

Fade mbi yeke zi kodro ni kue pepe. Ndali ti babâ ti mo David, zo ti kua ti mbi nga ndali ti Jérusalem, gbata so mbi soro ni ndali ti mbi, fade mbi yeke zia mbeni mara oko na molenge ti mo.”

1 Mbai 17:14

Mbi yeke sara titene lo ngba gbia kpu na kpu na ndö ti azo ti mbi nga na ya ti kodro-gbia ti mbi. Biani, lengo-gbia ti lo ayeke kpengba kpu na kpu.’ ”

2 Mbai 10:17

Roboam angba ti le-gbia gi na ndö ti azo ti Israel so ayeke lango na ya ti agbata ti sese ti Juda.

2 Mbai 10:19

Lege so azo ti Israel ti Banga ake ti duti na gbe ti komandema ti azo ti sewa ti David ngbii asi laso laa.

Abia (Psaumes) 132:17

Na Sion, mbi yeke sara si mbeni ngangu gbia abaa gigi. Na ya ti sewa ti gbia so mbi soro lo so, mbi yeke zia wâ na ya ti lamba si wâ ni ayeke mingo pepe.

Abia (Psaumes) 76:10

na ndembe so mo londo ti fâ ngbanga, ti soo asenge zo kue ti sese. Luti kete

Ésaïe 11:1

Fade mbeni kete keke ayeke sigigi na tere ti nduru keke ti Yese; kete keke ayeke sigigi na gere ni.

Amos 9:11

“Gbata ti David ayeke tongana mbeni da so atuku na sese awe. Na lango ni so, fade mbi yeke kiri ti yo ni na nduzu, mbi yeke kanga adu ti da ni, mbi yeke kiri ti leke da ni kue; mbi yeke sara si akiri aluti na nduzu tongana ti kozo.

Nzoni Tënë so Luc asu na mbeti 19:14

Me amba ti lo azo ti kodro ni aye tënë ti lo pepe. Nilaa ala tokua ambeni zo na peko ti lo titene ala gue, atene: ‘E ye si koli so ale-gbia na ndö ti e pepe.’

Nzoni Tënë so Luc asu na mbeti 19:27

Âdu ti awato ti mbi so aye titene mbi le-gbia na ndö ti ala pepe so, ala mu ala, aga na ala na ndo so si ala fâ go ti ala na le ti mbi.’ ”

Jean 6:66

Gi na peko ti tënë so, mingi ti adisiple ti Jésus agboto tere ti ala si ala kiri ague na peko ti lo pepe.

Jean 7:53

Na pekoni, zo oko oko akiri na da ti lo.

Awatokua 2:30

Lo yeke lani wayanga-Nzapa si lo hinga ye so Nzapa adeba yanga ti sara na lo: fade mbeni *hale ti lo ayeke duti na ndö ti mbata ti gbia na peko ti lo.

1 Korente 15:25

Biani, alingbi Christ ale-gbia ngbii Nzapa azia awato ti lo kue na gbe ti gere ti lo.

Aye so Nzapa afa 22:16

“Mbi Jésus, mbi tokua ange ti mbi ti gue ti fa peko ti aye so na *a-Eglize. Mbi yeke *hale ti sewa ti David, mbi yeke tongoro ti ndaperere so ayeke za mingi.”

Awafango-ngbanga 8:35

Na peko ti anzoni ye so kue Yerubaal, so ti tene Gédéon asara na azo ti Israel, azo ti Israel asara nzoni na azo ti sewa ti lo oko pepe.

1 Samuel 20:27

Na ndade ni nga, na use lango ti matanga ti fini nze ni, ndo ti David angba senge. Nilaa Saul ahunda molenge ti lo Jonatan, atene: “Biri na laso, molenge ti Yese aga na tengo kobe ni pepe ngbanga ti nyen?”

1 Samuel 22:13

Saul atene na lo: “Mo na molenge ti Yese aleke tënë na tere ti mbi na hondengo ni ngbanga ti nyen? Mo mu na lo kobe, mo mu nga na lo yongoro zeme si mo hunda Nzapa ndali ti lo titene lo leke kuku si mbi ti daa. Ye ni laa e yeke baa laso so.”

1 Samuel 22:7

Saul atene na azo ti kua ni: “Ala, azo ti Benjamin, ala ma mbi nzoni! Fade molenge ti Yese ayeke mu na ala kue ayaka na ayaka ti *vinye tongana ti so mbi mu na ala so? Lo yeke mu ande ala titene ala ga amakonzi na ndö ti aturugu saki oko wala na ndö ti aturugu ngbangbo oko?

1 Samuel 22:9

Doeg, zo ti Edom so ayeke lani na popo ti azo ti kua ti Saul akiri tënë, atene: “Mbi baa molenge ti Yese asi na Nob na ndo ti Ahimelek, molenge ti Ahitub.