2 Mbai 10:15 - Mbeti ti Nzapa - Tënë so amu fini

¹⁵ Tongaso, gbia ama tënë ti azo ni pepe. Nzapa asara ye ni tongaso titene ye ni asi alingbi na tënë so *KOTA GBIA atene na Yeroboam, molenge ti Nebat na lege ti wayanga-Nzapa Ahia, zo ti kodro ti Silo.

2 Mbai 10:15 ပူးပေါင်းရင်းမြစ်များ

2 Samuel 17:14

Absalom na azo ti Israel kue atene: “Wango so Hushai, zo ti mara ti Arki amu so ayeke nzoni mingi ahon wango ti Ahitofel.” Andaa *KOTA GBIA aye ti buba ya ti nzoni wango so Ahitofel amu si fade Absalom awara kpale.

1 Agbia 12:15

Tongaso, gbia ama tënë ti azo ni pepe. *KOTA GBIA asara ye ni tongaso titene ye ni asi alingbi na tënë so lo tene na Yeroboam, molenge ti Nebat na lege ti wayanga-Nzapa Ahia, zo ti kodro ti Silo.

1 Agbia 12:24

Tënë so *KOTA GBIA atene ayeke so: ‘Ala gue, atiri bira na a-ita, azo ti Israel pepe! Ayeke nzoni zo oko oko akiri na ndo ti lo. Biani, mbi laa mbi yeda si ye so asi.’ ” Azo ni ama yanga ti KOTA GBIA si ala kiri na ndo ti ala, alingbi na yanga so KOTA GBIA amu.

1 Agbia 22:20

KOTA GBIA ahunda ndo, atene: ‘Zo wa laa ayeke handa ande Akab titene lo gue, lo tiri bira na Ramot, na sese ti Galaad si azo afâ lo kâ, zo wa?’ Mbeni zo atene ti lo ge nde, mbeni atene ti lo kâ nde.

2 Mbai 10:14

Lo kiri tënë na azo ni alingbi na wango so amaseka amu na lo, lo tene: “Fade mbi yeke kiri ti zia nengo kungba na ndö ti go ti ala. Mbi wani, mbi yeke zia na ndö ti go ti ala kungba so akiri ane ahon ndoni. Babâ ti mbi apika ala lani na zaza. Ti mbi, fade mbi yeke pika ala na fimbo so wen ayeke na yanga ni.”

2 Mbai 11:4

Tënë so KOTA GBIA atene ayeke so: ‘Ala gue, atiri bira na a-ita ti ala pepe! Ayeke nzoni zo oko oko akiri na ndo ti lo. Biani, mbi laa mbi yeda si ye so asi.’ ” Azo ni ama yanga ti KOTA GBIA, ala kiri na ndo ti ala si ala zia ti gue ti tiri bira na Yeroboam.

2 Mbai 22:7

Nzapa agbu ndembe so Ahazia ague ti baa Yoram ti sara si Ahazia awara kuâ. Gi so Ahazia asi tongaso, lo na Yoram ague ti tengbi Yehu, molenge ti Nimshi. Andaa KOTA GBIA atuku mafuta na li ti Yehu ti ga gbia titene lo fâ azo ti sewa ti Akab kue ti hunzi ala.

2 Mbai 9:29

Tanga ti atënë na ndö ti Salomon, na tongo nda ni ngbii asi na ndani, na aye so kue lo sara, a su tënë ni na ya ti “Mbeti ti aye so wayanga-Nzapa Natan asara”, “Mbeti ti aye so Ahia, zo ti Silo atene na peko ti yanga ti Nzapa” nga na ya ti “Mbeti ti aye so zo ti bango nda ti aye Yedo abaa na ya ti mbeni ye tongana bango-li”. Ota mbeti ni so ayeke tene tënë na ndö ti Yeroboam, molenge ti Nebat.

Ésaïe 19:14

KOTA GBIA azia na ya ti Ezipte yingo ti turnengo li ti zo. Biani, amakonzi ni ayeke hon na Ezipte kirikiri na ya ti aye so kue kodro ni ayeke sara. Ezipte ayeke tongana zo so samba ahon ndö ti lo si lo yeke hon kirikiri na ya ti ye so lo de awe.

Jean 19:24

Aturugu ni atene na popo ti ala: “E suru ya ti bongo ni pepe, me e bi *dee ti hinga zo so ayeke wara ni.” Ye so asi si tënë ti Mbeti ti Nzapa aga taa-tënë; tënë ni atene: “Ala kangbi ya ti abongo ti mbi na popo ti ala si ala bi dee ti hinga zo so ayeke mu yongoro bongo ti mbi.” Ye so aturugu asara laa.

Awatokua 2:23

A zia koli so na maboko ti ala, ala kanga lo na ndö ti keke ti kroa si ala fâ lo. Andaa Nzapa ahinga kozoni si lo leke na be ti lo awe.

Awatokua 4:28

Tongaso ala sara ye so kue mo leke kozoni na be ti mo na lege ti ngangu ti mo.

Ndia ti fani use ni 2:30

Me Sihon, gbia ti Heshebon, ake titene e hon na ndo ti lo. Andaa KOTA GBIA Nzapa ti ala, azo ti Israel asara lani si li ti lo akpengba si be ti lo akpengba, tongaso si lo lingbi ti zia lo na maboko ti ala; nilaa ye ni asi lani tongaso.

Awafango-ngbanga 14:4

Babâ na mama ti lo ahinga pepe atene, *KOTA GBIA laa ayeke pusu Samson ti sara ye so. Biani, lo yeke gi mbeni lege titene lo sara bira na azo ti Filistii. Na ngoi ni so, azo ti Filistii laa ayeke na ndö ti azo ti Israel.

1 Samuel 2:25

Tongana zo asara sioni na mba ti lo, fade Nzapa ayeke gbu koko ti lo. Me tongana zo asara sioni na KOTA GBIA, zo wa laa ayeke gbu ande koko ti lo, zo wa?” Me amolenge ni ama tënë ti babâ ti ala pepe, ngbanga ti so KOTA GBIA aleke na be ti lo ti sara si ala kui.