2 Mbai 10:11 - Mbeti ti Nzapa - Tënë so amu fini

¹¹ Babâ ti mbi azia lani nengo kungba na ndö ti go ti ala. Ti mbi, fade mbi yeke zia na ndö ti go ti ala kungba so akiri ane ahon ndoni. Babâ ti mbi apika ala lani na zaza. Ti mbi, fade mbi yeke pika ala na fimbo so wen ayeke na yanga ni.’ ”

2 Mbai 10:11 ပူးပေါင်းရင်းမြစ်များ

2 Mbai 10:10

Amaseka so lo na ala akono legeoko so atene na lo: “Azo so atene, babâ ti mo azia nengo kungba na ndö ti go ti ala si ala hunda na mo ti zi mbage ni na ndö ti ala so, tënë so mo yeke tene na ala ayeke so: ‘Kete li ti maboko ti mbi so akono ahon ngbonda ti babâ ti mbi.

2 Mbai 10:12

Na peko ti lango ota ni, Yeroboam na azo ni kue aga awara Roboam, tongana ti so gbia atene na ala, atene: “Ala kiri aga abaa mbi na peko ti lango ota.”

Sigingo 5:18

Fadeso, ala kiri na yanga ti kua ti ala! A yeke kiri ti mu na ala pere pepe, me ala yeke sara gi wungo ti abiriki so a hunda na ala.”

Ésaïe 47:6

Mbi sara lani ngonzo na tere ti azo ti mbi. Tongaso mbi zia kamene na le ti azo so ayeke ti mbi si mbi zia ala na maboko ti mo. Me mo baa mawa ti ala oko pepe, mo sara si komandema ti mo ane tongana *zuge na ndö ti ambakoro.

Ésaïe 58:6

Kengo kobe so mbi ye ayeke so: ti zi zingiri na tere ti azo so a kanga ala na mbana, ti zi ala na gbe ti nengo kungba, ti zi azo so amba ti ala asara ngangu na ala, ti fâ ya ti *zuge kue,

Matthieu 11:29

Ala yeda ti yo *zuge ti mbi, ala manda ye so mbi fa na ala, ngbanga ti so mbi yeke zo so mbi yeke sara ngangu na zo pepe si mbi yeke gi kota ndo pepe. Fade ala yeke wara lege ti wu tere ti ala.

Nzoni Tënë so Luc asu na mbeti 10:19

Ala ma! Mbi mu na ala ngangu ti do angbo na akparakongo na gere ti ala; mbi mu nga na ala ngangu ti hon ndö ti wato. Mbeni ye ti sarango sioni na ala ayeke daa pepe.

Aye so Nzapa afa 9:10

Damba ti ala akpa damba ti akparakongo so yanga ni ti kpongo na zo ayeke daa; ngangu ti ala ayeke na ya ti damba ti ala ni. Na ngangu so laa ala yeke sara pasi na azo na ya ti nze oku.

Aye so Nzapa afa 9:3

Agbadola alondo na ya ti guru ni si ayeke sigigi, ala mu ndö ti sese kue; a mu na agbadola ni gi mara ti ngangu so akparakongo ti sese ayeke na ni.

Aye so Nzapa afa 9:5

A mu lege na agbadola ni ti fâ azo ni pepe, me ti sara pasi na ala na ya ti nze oku. Tongana ala kpo zo, mo baa mo tene, kparakongo laa akpo zo ni.

1 Samuel 8:18

Na lango ni so, ala yeke dekongo ndali ti gbia so ala wani asoro lo. Me KOTA GBIA ayeke kiri tënë na ala oko pepe.”