2 Mbai 1:8 - Mbeti ti Nzapa - Tënë so amu fini

⁸ Salomon akiri tënë na Nzapa: “Mo sara nzoni be mingi na babâ ti mbi David si mo zia mbi gbia na plase ti lo.

2 Mbai 1:8 ပူးပေါင်းရင်းမြစ်များ

2 Samuel 22:51

KOTA GBIA asara akota ye mingi ndali ti gbia so lo soro lo, lo sara nzoni be na zo so lo tuku mafuta na li ti lo: lo sara ni ndali ti David na *ahale ti lo kpu na kpu.

1 Agbia 3:6

Salomon akiri tënë, lo tene: “Mo sara nzoni be mingi na babâ ti mbi David, zo ti kua ti mo. Lani lo sara ye na le ti mo na lege ti taa-tënë, na lege ti mbirimbiri nga na legeni mbirimbiri. Nilaa mo ngba ti sara nzoni be na lo si mo mu na lo mbeni molenge-koli titene lo duti laso gbia na ndö ti mbata ti lo ti gbia.

1 Mbai 17:16

Gbia David ague, aduti na dawa ti *KOTA GBIA si lo tene: “KOTA GBIA Nzapa, mbi yeke zo wa? Asewa ti mbi ayeke zo wa si mo mu mbi, mo zia mbi na ndo so?

1 Mbai 28:5

KOTA GBIA amu na mbi amolenge-koli mingi. Na popo ti amolenge ni, lo soro Salomon, molenge ti mbi titene lo duti na ndö ti mbata ti gbia na sese ti Israel si lo le-gbia na iri ti KOTA GBIA.

1 Mbai 29:23

Salomon aduti na ndö ti mbata ti gbia so KOTA GBIA amu na lo. Lo ga gbia na plase ti babâ ti lo David. Aye so kue lo yeke sara aga nzoni si azo ti Israel kue ayeke ma yanga ti lo.

1 Mbai 29:28

David aduti nzoni na ya ti mbakoro ti lo si lo kui; lo te gigi alingbi na lo, lo yeke na gba ti mosoro si azo agonda lo mingi. Salomon, molenge ti lo, aga gbia na peko ti lo.

Abia (Psaumes) 86:13

Biani, mo sara nzoni be na mbi mingi, mo zi mbi na ndo ti akuâ, mo sigigi na mbi.

Abia (Psaumes) 89:49

Zo wa laa alingbi ti duti na fini si lo yeke kui ande pepe, zo wa? Zo wa laa alingbi ti kpe ndo ti akuâ, zo wa?

Ésaïe 55:3

Ala dingi mê ti ala, ala ma mbi, ala ga na mbi. Ala ma mbi si fade ala yeke duti na fini. *KOTA GBIA atene: “Mbi na ala, e yeke sara *mbuki so ayeke ngba lakue lakue; mbi yeke mu na ala anzoni ye so mbi mu zendo ni na David.