2 Mbai 1:6 - Mbeti ti Nzapa - Tënë so amu fini

⁶ Kâ, Salomon ague na tere ti gbalaka ti bengba wen, na dawa ti KOTA GBIA, nduru na da ti bongo so KOTA GBIA na azo ti lo ayeke wara tere daa; lo ya anyama saki oko na *sandaga so a yeke gbi ni kue na wâ.

2 Mbai 1:6 ပူးပေါင်းရင်းမြစ်များ

1 Agbia 3:4

Mbeni lâ, Salomon ague na Gabaon ti mu *sandaga na Nzapa, ngbanga ti so Gabaon ayeke mbeni kota ndo so azo aleke na nduzu ti mu asandaga daa. Salomon aya anyama saki oko na sandaga so a yeke gbi ni kue na wâ na ndö ti gbalaka ni.

1 Agbia 8:5

Gbia Salomon na azo ti Israel so kue abongbi na tere ti lo na dawa ti sanduku ni, amu gba ti ataba na angasa nga na gba ti abagara na *sandaga; zo alingbi ti diko ala pepe wala ti hinga wungo ti ala pepe.

1 Agbia 8:63

Salomon amu sandaga ti beoko na KOTA GBIA: abagara saki baleuse na use, ataba na angasa saki ngbangbo oko na baleuse. Lege so lo na azo ti Israel kue asara matanga ti ziango kota da ni nde ndali ti KOTA GBIA laa.

1 Mbai 29:21

Lango oko na pekoni, ala ya na *KOTA GBIA *asandaga ti beoko na asandaga so a yeke gbi ni kue na wâ. Ala mu akoli-bagara 1 000, akoli-taba 1 000, akete taba 1 000 si ala mu asandaga ti samba so alingbi na ni. Ala mu gba ti asandaga alingbi na wungo ti azo ti Israel kue.

2 Mbai 8:12

Tongaso, Salomon amu *asandaga so a yeke gbi ni kue na wâ na KOTA GBIA na ndö ti gbalaka so lo sara ndali ti KOTA GBIA na dawa ti yanga ti kubu so a yeke hon daa ti li na ya ti kota da ti Nzapa.

Ésaïe 40:16

Anyama kue ti Liban alingbi pepe titene a mu na *sandaga so a yeke gbi ni kue na wâ. Akeke ni alingbi nga pepe titene a sara na wâ ti gbi na sandaga ni.