2 Mbai 1:15 - Mbeti ti Nzapa - Tënë so amu fini

¹⁵ Gbia asara si wen ti nginza na lôro asi singo na Jérusalem tongana têne; lo sara si keke ti sedre asi singo tongana keke ti sikomor na *Kodro-ti-gbeni.

2 Mbai 1:15 ပူးပေါင်းရင်းမြစ်များ

1 Mbai 27:28

Baal-Hanan, zo ti kodro ti Bet-Geder ayeke baa ndo na ndö ti azo ti batango yaka ti akeke ti olive na ti sikomor so ayeke na *Kodro-ti-gbeni. Yoash ayeke baa ndo na ndö ti mafuta so a bata ni batango.

2 Mbai 1:12

mbi mu na mo ndara na hingango ndo awe. Na ndö ni, mbi yeke mu na mo mosoro, anzoni ye nga na gonda. Mo yeke wara ni ahon agbia so kue aga kozo ti mo wala ala so ayeke ga na peko ti mo.”

2 Mbai 9:27

Gbia asara si wen ti nginza asi singo na Jérusalem tongana têne; lo sara si keke ti sedre asi singo tongana akeke ti sikomor na *Kodro-ti-gbeni.

Ésaïe 60:17

Mbi yeke sara titene ala ga na lôro na plase ti bengba wen, ala ga na wen ti nginza na plase ti wen, ala ga na bengba wen na plase ti keke, ala ga na wen na plase ti têne. Mbi yeke sara titene siriri ale-gbia na ndö ti ala, mbirimbiri asara komandema na ndö ti ala.

Ésaïe 9:10

Tongaso KOTA GBIA airi awato ti Resen ti ga na tere ti azo ti Israel; lo pusu azo so ake ala ti ga na tere ti ala:

Amos 7:14

Amos akiri tënë na Amasia, atene: “Mbi yeke wayanga-Nzapa pepe, mbi yeke nga na ya ti mbeni bongbi ti awayanga-Nzapa pepe; kua ti mbi ayeke ti batango anyama, ti lekengo tere ti akeke ti sikomor.

Nzoni Tënë so Luc asu na mbeti 19:4

Tongaso lo kpe, lo hon na li ni, lo ko na ya ti keke ti sikomor titene lo baa Jésus na hongo ti lo na lege ni so.

Ndia ti fani use ni 17:17

Alingbi gbia ni aduti na gba ti awali pepe; tongaso pepe, fade awali ni ayeke sara titene be ti lo ahon yongoro na KOTA GBIA. Alingbi lo duti nga na gba ti nginza nga na gba ti lôro pepe.