2 Mbai 1:12 - Mbeti ti Nzapa - Tënë so amu fini

¹² mbi mu na mo ndara na hingango ndo awe. Na ndö ni, mbi yeke mu na mo mosoro, anzoni ye nga na gonda. Mo yeke wara ni ahon agbia so kue aga kozo ti mo wala ala so ayeke ga na peko ti mo.”

2 Mbai 1:12 ပူးပေါင်းရင်းမြစ်များ

1 Agbia 10:24

Azo ti sese kue ayeke gi lege ti baa Salomon titene ala ma tënë ti ndara so Nzapa azia na be ti lo.

1 Mbai 29:12

Mosoro na gonda alondo na mo; mo laa mo yeke na komandema na ndö ti aye kue. Ngangu na komandema ayeke na maboko ti mo; mo yeke na ngangu ti zia zo na kota ndo nga ti kpengba zo.

1 Mbai 29:25

KOTA GBIA aya iri ti Salomon si lo ga kota zo mingi na le ti azo ti Israel kue. Lo sara si komandema ti Salomon awara gonda mingi ahon ti agbia ti Israel so ayeke kozoni na lo.

2 Mbai 9:22

Gbia Salomon ahon agbia ti sese kue na mosoro nga na ndara.

Néhémie 13:26

Mbi tene na ala, mbi tene: “Ndali ti mungo awali wande laa Salomon, gbia ti azo ti Israel, asara siokpari pepe? Na popo ti amara mingi, mbeni gbia ti lingbi na lo ayeke daa pepe. Nzapa ti lo aye lo si amu lo ti ga gbia ti Israel kue. Andaa awali wande asara si Salomon ati na ya ti siokpari.

Zo ti bongbingo azo 2:9

Mbi ga kota zo, mbi wara ye mingi ahon azo so kue ale-gbia na Jérusalem kozo ti mbi. Me ndara ti mbi angba na mbi.

Zo ti bongbingo azo 5:19

Me tongana Nzapa angba ti zia ngia na be ti zo ni, zo ni ayeke gbu li ti lo mingi na ndö ti fini ti lo pepe.

Matthieu 6:33

Ala gi lege ti *Kodro-gbia ti Nzapa kozoni, ala sara nga ye so ayeke mbirimbiri na le ti lo; fade lo yeke mu na ala tanga ti aye kue na ndö ni.

Efeze 3:20

Nzapa alingbi ti sara na e ye ahon ye so kue e yeke hunda na lo wala ye so kue e yeke gbu li ti e daa! Lo yeke sara ni na lege ti ngangu ti lo wani so ayeke na ya ti e.

Jacques 1:5

Tongana ndara atia mbeni zo na popo ti ala, ayeke nzoni lo hunda na Nzapa, fade Nzapa ayeke mu ni na lo. Biani, Nzapa ayeke mu ye na zo na nzoni be, lo yeke hunda yanga ti zo na peko ni pepe.