2 Korente 9:8 - Mbeti ti Nzapa - Tënë so amu fini

⁸ Nzapa ayeke na ngangu ti mu na ala mara ti anzoni ye kue ahon ndoni. Tongaso, ala yeke na ye lakue so alingbi na ala si ala yeke nga na mbeni na ndö ni ti sara na anzoni kua kue.

2 Korente 9:8 ပူးပေါင်းရင်းမြစ်များ

2 Mbai 25:9

Amasia atene na zo ti Nzapa ni: “Ka gba ti nginza so mbi mu na aturugu so, fade a sara na ni nyen?” – Zo ti Nzapa ni akiri tënë, atene: “KOTA GBIA alingbi ti mu na mo ye mingi ahon so!”

Abia (Psaumes) 84:11

Dutingo lango oko na ya ti gbagba ti kota da ti mo ayeke nzoni ahon dutingo lango saki oko na mbeni ndo nde. Ti mbi, mbi ye ti duti gi na yanga ti da ti Nzapa ahon ti sara kodro na da ti azo ti sioni.

Amato 10:22

Tufa ti KOTA GBIA laa ayeke sara si zo awara mosoro; ngangu so zo asara azia ye oko daa pepe.

Amato 11:24

Ambeni zo ayeke mu ye mingi na amba ti ala si ala ga azo ti mosoro ahon ndoni. Me ambeni zo agbanzi ye gi ndali ti ala wani si ala ga awayere.

Amato 28:27

Zo so ayeke mu ye na awayere, fade ye ayeke tia lo pepe; me zo so ayeke baa ndo na ala pepe, azo mingi ayeke deba lo.

Amato 3:9

Mo ne KOTA GBIA na mungo na lo aye ti mo; mo mu na lo akozo le ti kobe ti mo.

Aggée 2:8

Nginza ayeke ti mbi, lôro ayeke ti mbi; so tënë ti yanga ti KOTA GBIA so ayeke na ndö ti dunia kue laa.

Malashii 3:10

Adime ti aye so ala wara, ala ga na ni kue na ya ti kubu ti batango mosoro ti da ti mbi titene kobe aduti lakue na ya ti da ti mbi. Ala sara tongaso ti tara mbi, ala baa tongana mbi zi fenetere ti yayu ti tuku anzoni ye ti mbi gbani gbani na ndö ti ala pepe si. Tënë so KOTA GBIA so ayeke na ndö ti dunia kue atene laa.

Awatokua 9:36

Na gbata ti Zope, mbeni wali ayeke daa so ayeke disiple ti Jésus, iri ti lo ayeke Tabita. Iri ti lo na yanga ti greke ayeke Dorkas, nda ni atene “Dengbe”. Lo mu ngoi ti lo kue ti sara anzoni ye na azo, ti mu maboko na azo ti mawa.

1 Korente 15:58

Tongaso, a-ita ti mbi so mbi ye ala mingi, ala luti ngangu, ye ayingi ala pepe! Ala ngba lakue na sarango kua ti Kota Gbia. Ayeke nzoni, ala hinga atene, kua so ala yeke sara na Kota Gbia, peko ni ayeke ngba senge pepe.

2 Korente 13:3

ngbanga ti so ala ye ti baa mbeni ye so afa atene, Christ laa ayeke tene tënë na lege ti mbi. Tongana Christ ayeke baa lege ti ala, lo yeke woko pepe, me lo yeke fa ngangu ti lo na popo ti ala.

2 Korente 8:19

Gi so oko pepe, me azo ti a-Eglize asoro lo titene e na lo, e tambula ti gue na aye so ala mu na nzoni be. Kua so e yeke sara, e yeke sara ni ti gonda na *Kota Gbia wani; e yeke sara nga ni ti fa nzara ti be ti e.

2 Korente 8:2

A-Eglize ni ayeke na ya ti pasi mingi, me be ti azo ni asi singo na ngia; ataa so ala yeke na ya ti kota mawa, ala mu ye ahon ndoni.

2 Korente 8:7

E hinga so ala yeke na ye kue gbani gbani: ala yeke na mabe, ala hinga ti tene tënë nzoni, ala hinga ye, ala yeke na nzara ti sarango kua si ala ye e. Tongaso, ala fa atene, ala yeke na ye mingi na lege ti mungo ye na nzoni be.

2 Korente 9:11

Fade lo yeke sara titene lakue, ala wara anzoni ye mingi si ala sara nga nzoni be lakue. Tongaso si azo mingi awara lege ti mu singila na Nzapa ndali ti aye so ala, azo ti Korente ayeke mu ni si e yeke mu na azo so.

Efeze 2:10

Taa-tënë, Nzapa laa asara e; na gango so e ga oko na Jésus Christ, Nzapa aleke e titene e mu tere ti e kue ti sara anzoni ye so lo leke kozoni titene e sara.

Efeze 3:20

Nzapa alingbi ti sara na e ye ahon ye so kue e yeke hunda na lo wala ye so kue e yeke gbu li ti e daa! Lo yeke sara ni na lege ti ngangu ti lo wani so ayeke na ya ti e.

Filipe 4:11

Ndali ti so mbeni ye atia mbi si mbi yeke tene tënë tongaso? Oko pepe. Mbi hinga ti zia be ti mbi gi na ndö ti ye so mbi yeke na ni.

Kolose 1:10

Tongaso, fade dutingo ti ala ayeke lingbi na ti so be ti *Kota Gbia aye si ala sara ye so anzere na be ti lo. Ye ti peko ni ayeke so ala yeke sara mara ti anzoni ye nde nde si hingango so ala hinga na Nzapa ayeke gue lakue na nduzu.

2 Tesalonike 2:17

ti mu ngangu na be ti ala, ti sara si ala kpengba na ya ti aye so kue ala yeke sara, nga na lege ti atënë so ala yeke tene ti sara nzoni na azo!

2 Timothée 2:21

Zo so azia lege ti sarango aye ti sioni so mbi yeke tene tënë ni so, fade lo yeke ga tongana sembe so a bata ni ndali ti alango ti matanga, lo yeke ga tongana sembe so a zia ni nde titene wa ni asara na kua na ndembe so lo ye ti sara nzoni ye kue.

2 Timothée 3:17

si zo ti Nzapa akpengba, lo wara anzoni ye so kue alingbi titene lo sara na nzoni kua.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

Tite 3:14

Alingbi azo ti e nga amanda lege ti mu tere ti ala kue ti sara anzoni ye. Tongaso, tongana mbeni ye atia, ala lingbi ti mu maboko ndali ni, ala duti gi senge pepe.

Tite 3:8

Tënë so ayeke taa-tënë. Mbi ye mo tene tënë na ndö ni ngangu si azo so ama na be na Nzapa azia be ti ala na sarango anzoni ye. So laa ayeke nzoni si azo alingbi ti wara ye daa.

1 Pierre 4:10

Nzapa amu amatabisi nde nde na zo oko oko. Tongaso, ayeke nzoni zo oko oko amu matabisi ni ti sara na nzoni na amba ti lo. Fade ala yeke ga anzoni ndombe ti aye nde nde ti Nzapa so lo mu na ala na lege ti nzoni be ti lo.