2 Korente 9:7 - Mbeti ti Nzapa - Tënë so amu fini

⁷ Alingbi zo oko oko amu ye tongana ti so lo leke na be ti lo, na vundu pepe, wala mbeni zo agbu lo na ngangu pepe titene lo mu ni. Biani, Nzapa aye zo so ayeke mu ye na ngia.

2 Korente 9:7 ပူးပေါင်းရင်းမြစ်များ

1 Mbai 29:17

Nzapa ti mbi, mbi hinga so mo laa mo yeke baa ya ti be ti zo si mo yeda na ye so ayeke mbirimbiri. Ti mbi, na be so ayeke mbirimbiri laa mbi mu aye so kue na mo na be ti mbi wani. Fadeso, mbi yeke na ngia ti baa azo ti mo so abongbi ge ti mu ye na mo na be ti ala wani.

1 Mbai 29:9

Azo ni kue ayeke na ngia, ngbanga ti so ala mu aye na KOTA GBIA na be ti ala kue nga na nzoni be. Be ti David asi singo na kota ngia.

Sigingo 25:2

“Mo tene na azo ti Israel, mo tene: Ala bongbi ambeni ye ti ala aga na ni na mbi. Fade ala yamba aye ni na maboko ti azo so kue aga na ni na nzoni be.

Sigingo 35:5

Aye so ala yeke na ni, ala bongbi ambeni aga na ni na KOTA GBIA. Azo so kue aye ti mu ye na nzoni be, fade ala yeke ga na ni na KOTA GBIA; ala lingbi ti ga na aye tongana: lôro, wen ti nginza, bengba wen,

Amato 11:25

Zo so ayeke mu ye na azo na nzoni be, fade lo yeke wara anzoni ye gbani gbani na peko ni. Zo so amu ngu na azo ti nyon, a yeke mu nga na lo ngu ti nyon.

Amato 22:9

Zo so ayeke sara nzoni be na azo, fade tufa ayeke ga na ndö ti lo, ngbanga ti so lo mu kobe na awayere.

Ésaïe 32:5

A yeke kiri ti di iri ti zo ti buba pepe, atene “ne-ne zo”. A yeke kiri ti tene na zo ti handango ndo pepe, atene “zo ti nzoni be.”

Ésaïe 32:8

Me ne-ne zo ayeke leke na be ti lo ti sara gi nzoni ye, lo yeke sara gi ye so ane.

Awatokua 20:35

Lakue, mbi fa na ala ti sara kua si fade ala lingbi ti mu maboko na azo ti mawa. Ala dabe ti ala na atënë so *Kota Gbia Jésus wani atene: ‘Mungo ye anzere ahon warango ye!’ ”

Rome 12:8

Zo so ayeke na matabisi ti mungo wango, alingbi lo mu wango. Zo so ayeke mu ye na azo, alingbi lo mu ni na vurungo be. Zo so ayeke na li ti bongbi, alingbi lo mu be ti lo kue na kua ni. Zo so ayeke mu maboko na azo ti mawa, alingbi lo sara ni na nzerengo be.

2 Korente 8:12

Biani, tongana zo ayeke na nzara ti mu ye si lo mu ni alingbi na ye so lo yeke na ni, Nzapa ayeke yamba ye ni; me ye so zo ayeke na ni pepe, Nzapa ayeke hunda ni pepe.

Ndia ti fani use ni 15:14

Fade ala yeke mu na lo mbage ti anzoni ye so *KOTA GBIA asara tufa na ndö ti ala si ala wara ni so: ataba na angasa, *ble na vin.

Philémon 1:14

Me mbi ye ti sara mbeni ye pepe gi tongana mbi hinga tënë ti be ti mo si. Titene mo sara nzoni na mbi, mbi ye ti gbu mo na ngangu pepe, me mbi ye mo sara ye so be ti mo afa na mo ti sarango ni.

Jacques 5:9

A-ita, ala dema na iri ti amba ti ala pepe, tongaso si Nzapa afâ ngbanga na li ti ala pepe. Ala baa, wafango-ngbanga ayeke luti na yanga ti da!

1 Pierre 4:9

Ala yamba amba ti ala nzoni na ndo ti ala, me na dikongo tënë na gbe ti go ti ala pepe.