2 Korente 9:6 - Mbeti ti Nzapa - Tënë so amu fini

⁶ Alingbi ala hinga ye so: zo so alu ale ti kobe gi kete kete, fade lo yeke fâ ni nga gi kete kete; zo so alu ale ti kobe mingi mingi, fade lo yeke fâ ni nga mingi mingi.

2 Korente 9:6 ပူးပေါင်းရင်းမြစ်များ

Amato 11:18

Futa so zo ti sioni awara ayeke senge ye; me zo so asara ye ti mbirimbiri, lo yeke wara nzoni ye na peko ni biani.

Amato 19:17

Zo so abaa mawa ti wayere, andaa boon laa zo ni asara na KOTA GBIA; fade KOTA GBIA ayeke kiri peko ni na lo.

Amato 22:9

Zo so ayeke sara nzoni be na azo, fade tufa ayeke ga na ndö ti lo, ngbanga ti so lo mu kobe na awayere.

Zo ti bongbingo azo 11:1

Mo bi mapa ti mo na le ti ngu, gbanda gbaa, mo yeke kiri ti wara ni.

Zo ti bongbingo azo 11:6

Na ndaperere, mo lu ale ti kobe ti mo; mo ngba gi ti sara kua ngbii asi na lakui. Mo hinga pepe kua wa laa ayeke ga ande nzoni, wala akua ni kue!

Nzoni Tënë so Luc asu na mbeti 6:38

Ala mu ye na azo si Nzapa amu nga ye na ala. Fade a yeke mu ye ti hakango na ye, a haka ye na ya ni, a pete ndö ni, a yingi ni ngbii asi meke meke si a tuku ni na yanga ti bongo ti ala. Ye so ala yeke mu ti haka na ye na amba ti ala, gi ni laa a yeke mu nga ti haka na ye na ala.”

1 Korente 1:12

Tënë so mbi ye ti tene ayeke so: na popo ti ala, mbeni ayeke tene, ni yeke zo ti Paul, mbeni ayeke tene, ni yeke zo ti Apolos, mbeni ayeke tene, ni yeke zo ti Sefas si mbeni ayeke tene, ni yeke zo ti Christ.

1 Korente 15:20

Me ye ni ayeke tongaso pepe: Christ azingo na kuâ kozoni ti fa biani so azo so akui ayeke zingo ande na kuâ.

1 Korente 7:29

A-ita, tënë so mbi ye ti tene ayeke so: ngoi angba mingi pepe. Ti fadeso, akoli so ayeke na wali, alingbi ala duti tongana ti so ala yeke fade na wali pepe.

2 Korente 9:10

Nzapa so ayeke mu ale ti kobe na zo ti lungo ni si lo yeke mu kobe na zo titene lo te, lo yeke mu nga ale ti kobe na ala si lo yeke sara titene ale ti kobe ni akiri aga mingi. Lo yeke sara titene azo awara ye mingi na lege ti nzoni be ti ala.

2 Korente 9:5

Ndani laa, mbi baa nzoni na le ti mbi ti hunda na a-ita so ti hon kozoni na ndo ti ala kâ si ala leke aye so ala ye ti mu ni. Tongaso, na ndembe so mbi yeke si ande, aye so lani ala mu zendo ti mungo ni so, andaa ala leke ni kue awe. Ye so laa ayeke fa atene, ala yeke mu ye na nzoni be, me na sioni be pepe.

Galasii 3:17

Tënë so mbi ye ti tene ayeke so: Nzapa asara *mbuki na popo ti lo na Abraham, lo leke gere ti mbuki ni mbirimbiri. Ngu ngbangbo osio na baleota na pekoni si *Ndia abaa gigi. Ndia alingbi ti mingo ngangu ti mbuki ni pepe si peko ti zendo ti Nzapa aga senge ye pepe.

Galasii 5:16

Tënë so mbi ye ti tene na ala ayeke so: ala zia Yingo ti Nzapa afa lege na fini ti ala, tongaso si ala sara ye na lege ti asioni nzara ti be ti ala pepe.

Efeze 4:17

Tongaso, na iri ti *Kota Gbia, mbi yeke tene tënë so biani na ala: ala kiri asara ye tongana ti azo ti amara nde pepe, ngbanga ti so atënë ti be ti azo ti amara nde ayeke buba ye.

Kolose 2:4

Mbi yeke tene tënë so na ala titene zo oko ahanda ala na anzerengo tënë pepe.

Ahebro 6:10

Biani, Nzapa ayeke kirikiri pepe. Yengo so ala ye ando lo na ni nga na sarango nzoni so ala yeke sara na a-ita ti ala, azo ti Nzapa si ala ngba daa laso so, fade Nzapa ayeke girisa ni pepe.