2 Korente 9:5 - Mbeti ti Nzapa - Tënë so amu fini

⁵ Ndani laa, mbi baa nzoni na le ti mbi ti hunda na a-ita so ti hon kozoni na ndo ti ala kâ si ala leke aye so ala ye ti mu ni. Tongaso, na ndembe so mbi yeke si ande, aye so lani ala mu zendo ti mungo ni so, andaa ala leke ni kue awe. Ye so laa ayeke fa atene, ala yeke mu ye na nzoni be, me na sioni be pepe.

2 Korente 9:5 ပူးပေါင်းရင်းမြစ်များ

Tongo nda ti aye 33:11

Tongaso, ayeke nzoni mo yeda ti mu kadoo so mbi tokua na mo, ngbanga ti so Nzapa laa asara nzoni be na mbi si lo mu na mbi aye so kue alingbi na mbi.” Lo voro Ezau ngbii si Ezau ayeda ti mu aye ni.

2 Agbia 5:15

Lo kiri na tere ti Élisée, lo na azo so kue amu peko ti lo. Lo ga lo luti na dawa ti Élisée si lo tene: “Fadeso mbi hinga, mbi tene, na ndö ti sese kue, taa Nzapa ayeke daa pepe, gi na sese ti Israel oko. Mbi gbu gere ti mo titene mo mu na maboko ti mbi, zo ti kua ti mo, kadoo so mbi yeke mu na mo.”

1 Korente 16:2

Na layenga, fade zo oko oko ayeke mu mbeni nginza, lo zia ni nde na da ti lo alingbi na ye so lo wara. Tongaso, ala to nda ti bongbi nginza ni kozoni si mbi si.

2 Korente 8:6

Ndani laa e mu wango mingi na Tite titene lo hunzi kua ti nzoni be so lo to nda ni na ndo ti ala, azo ti Eglize ti Korente.

2 Korente 9:3

Mbi yeke tokua a-ita so na ala titene ala, azo ti Korente, ala leke aye kue biani tongana ti so mbi tene tënë ni so si gondango tere ti mbi angba gi senge gondango tere pepe.

2 Korente 9:6

Alingbi ala hinga ye so: zo so alu ale ti kobe gi kete kete, fade lo yeke fâ ni nga gi kete kete; zo so alu ale ti kobe mingi mingi, fade lo yeke fâ ni nga mingi mingi.

Filipe 4:17

Mbi yeke tumba peko ti ye ti azo pepe; me ye so mbi yeke gi ayeke titene azo ni awara nzoni mingi na lege ti kua so ala yeke sara.

Awafango-ngbanga 1:15

Lo kiri tënë na lo: “Sara nzoni be na mbi! Sese so ayeke na Mbongo si mo mu na mbi so ayeke kuru ni. Mbi ye titene mo mu na mbi adu ti ngu nga”. Tongaso Kaleb amu na lo du ti ngu ti mbage ti nduzu na du ti ngu ti mbage ti gbeni.

1 Samuel 25:27

Akadoo so mbi ga na ni na mo so, ayeke nzoni babâ ti mbi amu ni, akangbi na amaseka-koli so ayeke tambula na peko ti lo.

1 Samuel 30:26

So David asi na Siklag awe, lo tokua ambeni ye so ala gbu na peko ti bira so na *akangba ti Juda, ala so ayeke akamarade ti lo; lo tene na ala: “Aye so e gbu na peko ti bira na maboko ti awato ti KOTA GBIA so, ti ala laa.”