2 Korente 9:4 - Mbeti ti Nzapa - Tënë so amu fini

⁴ Tongana ala de ti leke aye ni pepe si mbi na azo ti Masedoane e si kâ, fade kamene ayeke sara e, ngbanga ti so e tene na azo, e tene, ala leke ye kue awe. Ti ala kamene ni, mbi yeke zi yanga ti mbi daa pepe!

2 Korente 9:4 ပူးပေါင်းရင်းမြစ်များ

Rome 15:26

Biani, azo ti Christ ti Masedoane na ala ti Akayi aleke na be ti ala ti bi nginza ti tokua na azo ti Nzapa so ayeke na ya ti mawa.

1 Korente 16:2

Na layenga, fade zo oko oko ayeke mu mbeni nginza, lo zia ni nde na da ti lo alingbi na ye so lo wara. Tongaso, ala to nda ti bongbi nginza ni kozoni si mbi si.

2 Korente 11:17

Tënë so mbi ye ti tene so, ti be ti *Kota Gbia laa pepe, me mbi yeke tene tënë ni tongana zo so mbeni ye ayeke sara li ti lo. Mbi hinga biani so, mbi yeke na ye so mbi lingbi ti gonda tere ti mbi ndali ni.

2 Korente 8:24

Tongaso a-ita, ala fa na azo ni na le ti a-Eglize atene, ala ye azo ni biani. Tongaso, fade azo ahinga atene, e yeke gonda tere ti e na legeni ndali ti ala, azo ti Korente.

2 Korente 9:2

Mbi hinga nzara ti be ti ala si mbi gonda tere ti mbi ndali ti ala na le ti azo ti Masedoane, mbi tene: “Azo ti Akayi aleke ye ti ala kue na ngu so ahon so awe.” Nilaa nzara ti sarango nzoni ye ti ala azia nga nzara na be ti azo ti ambeni *Eglize mingi.

Philémon 1:19

Mbi Paul laa mbi yeke su tënë so na maboko ti mbi wani: fade mbi yeke futa yongo ni na mo. – Mbi ye ti dabe ti mo na ndö ti mbeni ye: yongo ti mbi ayeke na li ti mo, yongo ni ayeke fini ti mo wani. –