2 Korente 9:14 - Mbeti ti Nzapa - Tënë so amu fini

¹⁴ Ndali ti nzoni be so Nzapa asara na ala mingi so, azo ni ayeke ye tënë ti ala, azo ti Korente mingi si azo ni ayeke sambela ndali ti ala.

2 Korente 9:14 ပူးပေါင်းရင်းမြစ်များ

2 Samuel 13:29

Azo ti kua ti Absalom asara na Amnon alingbi gi na tënë so Absalom atene na ala. Amolenge ti gbia ni kue alondo, zo oko oko ako na ndö ti *pâkârâ ti lo si lo kpe.

Amato 11:26

Zo so ayeke bongbi ale ti kobe ti bata ni batango, fade azo ti kodro ayeke deba lo. Me zo so ayeke ka ale ti kobe ni, azo ti kodro ayeke sara tufa na ndö ti lo.

Nzoni Tënë so Luc asu na mbeti 16:9

Jésus akiri atene: “Ti mbi, mbi tene na ala: nginza ayeke handa azo titene ala sara aye ti kirikiri. Ti ala, ayeke nzoni ala mu nginza ti gi ti wara na a-ita; tongana nginza ni ayeke mbeni pepe, fade a-ita ni ayeke yamba ala na ya ti ada so ayeke ngba kpu na kpu.

Rome 1:11

Biani, nzara ti bango ala agbu mbi mingi si mbi lingbi ti kangbi na ala matabisi so aga na lege ti Yingo-Vuru, tongaso si ala kpengba.

2 Korente 1:11

Ala nga, ala yeke mu maboko na e na lege ti sambela ti ala. Tongaso, fade Nzapa ayeke ma sambela so azo mingi ayeke sambela ndali ti e si lo yeke sara ande nzoni be na e. Ndani laa azo mingi ayeke mu singila na lo ndali ti e.

2 Korente 8:1

A-ita, e ye ti fa na ala tënë ti nzoni be so Nzapa asara na *a-Eglize so ayeke na sese ti Masedoane.

2 Korente 9:13

Fade azo ni ayeke baa ye so ala sara so si ala yeke gonda Nzapa ndali ti so, ala azo ti Korente, ala ma Nzoni Tënë ti Christ si ala yeke sara ye alingbi na ni. Azo ni ayeke gonda nga Nzapa ndali ti so ala bongbi aye ti ala oko na nzoni be ti mu na azo ti Nzapa so ayeke na Jérusalem nga na azo ti Nzapa kue.

2 Korente 9:15

E mu singila na Nzapa ndali ti nzoni ye so lo mu na e, mbeni ye ti lingbi na ni ayeke daa pepe!

Filipe 1:8

Na le ti Nzapa, mbi ye ala kue na be ti mbi oko tongana ti so Jésus Christ aye na ala.

Filipe 2:26

Lo yeke na nzara mingi ti kiri ti baa ala kue, me be ti lo aduti nzoni pepe, ngbanga ti so ala ma tënë ti kobela ti lo.

Filipe 4:1

Tongaso, a-ita ti mbi so mbi ye ala mingi, nzara ti kiri ti baa ala asara mbi mingi! Ala zia ngia na be ti mbi mingi si tere ti mbi anzere mingi ndali ti ala! A-ita ti mbi so mbi ye ala mingi, na lege ti gango so ala ga oko na *Kota Gbia, ayeke nzoni ala ngba ti gbu tënë ti Nzapa ngangu tongaso.

1 Timothée 1:14

Kota Gbia ti e Christ Jésus asara nzoni be na mbi ahon ndoni: lo mu na mbi mabe na ndoye so aga na lege so mbi ga oko na Jésus Christ.