2 Korente 9:13 - Mbeti ti Nzapa - Tënë so amu fini

¹³ Fade azo ni ayeke baa ye so ala sara so si ala yeke gonda Nzapa ndali ti so, ala azo ti Korente, ala ma Nzoni Tënë ti Christ si ala yeke sara ye alingbi na ni. Azo ni ayeke gonda nga Nzapa ndali ti so ala bongbi aye ti ala oko na nzoni be ti mu na azo ti Nzapa so ayeke na Jérusalem nga na azo ti Nzapa kue.

2 Korente 9:13 ပူးပေါင်းရင်းမြစ်များ

Abia (Psaumes) 50:23

Zo so sandaga ti lo ayeke singila so lo mu na mbi, lo laa lo yeke zo ti gondango mbi. Zo so abata lege ti lo mbirimbiri, mbi yeke fa na lo so mbi yeke wasongo- azo.

Matthieu 5:16

Legeoko nga, alingbi lumiere ti ala aza na dawa ti azo kue. Tongaso, fade azo ni ayeke baa anzoni sarango ye ti ala si ala yeke gonda Babâ ti ala, azo ti mbi, so ayeke na yayu.

Matthieu 9:8

So azo ni abaa ye so, mbeto asara ala. Ala gonda Nzapa ndali ti so lo mu ngangu na azo ti sara aye tongaso.

Nzoni Tënë so Luc asu na mbeti 6:46

“Ngbanga ti nyen laa ala yeke iri mbi: ‘*Kota Gbia, Kota Gbia’, me ala sara ye alingbi na tënë so mbi tene so pepe?

Jean 15:8

Fade Babâ ti mbi ayeke wara gonda na lege so: tongana ala le mingi, so afa atene, ala yeke adisiple ti mbi.

Awatokua 11:18

So ala ma tënë so, be ti ala ade si ala gonda Nzapa, atene: “Nzapa amu nga lege na azo ti amara nde ti zia ngbene lege ti sarango ye ti ala si ala wara fini!”

Awatokua 4:21

Tongaso azo ti fango ngbanga ni akiri asuku na ala ngangu si na pekoni, ala zi ala. Ala baa so lege ti fâ ngbanga na li ti ala ayeke daa pepe, ngbanga ti so azo kue ayeke gonda Nzapa ndali ti ye so asi.

Rome 10:16

Me azo kue laa ayeda na Nzoni Tënë ni pepe, nilaa Ésaïe atene: “Kota Gbia, zo wa laa ayeda na tënë so e fa?”

Rome 12:8

Zo so ayeke na matabisi ti mungo wango, alingbi lo mu wango. Zo so ayeke mu ye na azo, alingbi lo mu ni na vurungo be. Zo so ayeke na li ti bongbi, alingbi lo mu be ti lo kue na kua ni. Zo so ayeke mu maboko na azo ti mawa, alingbi lo sara ni na nzerengo be.

Rome 15:31

Ala sambela si azuife so ayeke na Judée so ake tënë ti Nzapa asara sioni na mbi pepe. Ala sambela nga si ye so mbi yeke gue na ni na Jérusalem, azo ti Nzapa so ayeke kâ alingbi ti yamba ni na ngia.

Rome 16:26

Fadeso, a fa tënë ni polele na ya ti ambeti ti awayanga-Nzapa. Nzapa so ayeke kpu na kpu, lo mu yanga si a fa tënë so na azo ti amara kue titene ala ma na be si ala ma yanga ti lo.

2 Korente 10:5

E yeke buba nga aye so kue azo ti baba ayeke mu ti kanga lege na amba ti ala ti hinga Nzapa. E yeke kanga lege na atënë ti be ti azo kue ti sara si atënë ti be ti ala aga ngbaa si ala ma yanga ti Christ.

2 Korente 2:12

Mbi si na gbata ti Troas ti fa Nzoni Tënë ti Christ, me ataa so *Kota Gbia azi lege kota na mbi titene mbi sara kua,

2 Korente 8:4

ala voro e mingi titene e zia nga na ala lege ti mu nginza ndali ti azo ti Nzapa so ayeke na Judée.

2 Korente 9:14

Ndali ti nzoni be so Nzapa asara na ala mingi so, azo ni ayeke ye tënë ti ala, azo ti Korente mingi si azo ni ayeke sambela ndali ti ala.

Galasii 1:24

Nilaa, azo ti Christ ayeke gonda Nzapa ndali ti mbi.

1 Timothée 6:12

Tiri nzoni bira ti mabe na legeni titene mo gbu fini so angba lakue lakue. Biani, Nzapa airi mo ando ti wara fini ni so si mo tene tënë ti mabe ni pendere na le ti azo mingi so.

1 Timothée 6:13

Mbi mu yanga na mo na le ti Nzapa so ayeke mu fini na aye kue nga na le ti Jésus Christ so atene pendere tënë ti mabe na le ti Ponse Pilate.

Ahebro 10:23

Ye so e zia be ti e ti ku si e ngba ti tene tënë ni polele na le ti azo, ayeke nzoni be ti e awoko daa pepe, ngbanga ti so Nzapa ayeke bata tënë ti yanga ti lo si ye so lo mu zendo ti mungo ni, lo yeke mu ni.

Ahebro 13:16

Ala girisa ti sara nzoni be na azo pepe, ala girisa ti mu maboko na amba ti ala na popo ti ala pepe; amara ti asandaga tongaso laa anzere na be ti Nzapa.

Ahebro 3:1

Tongaso, a-ita azo ti Nzapa, ala so lo iri ala ti ga azo ti lo, ayeke nzoni ala baa ndo na Jésus, lo so Nzapa atokua lo titene lo ga kota wayango-sandaga ti mabe so e yeke fa tënë ni.

Ahebro 4:14

E yeke na kota wayango-sandaga so ahon atanga ni kue, lo gue ngbii lo si na le ti Nzapa kâ na yayu: ayeke Jésus, Molenge ti Nzapa. Nilaa, ayeke nzoni e gbu mabe ti e ngangu, mabe so e yeke fa tënë ni.

Ahebro 5:9

So lo sara aye so kue lo lingbi fade ti sara awe, Jésus aga zo ti songo azo so kue ayeke ma yanga ti lo si lo yeke sara titene ala duti na fini lakue lakue.

1 Pierre 2:9

Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.

1 Pierre 4:11

Tongana mbeni zo ayeke fa tënë, alingbi lo fa gi tënë ti Nzapa. Tongana mbeni zo ayeke sara kua ndali ti amba ti lo, alingbi lo sara ni na ngangu so Nzapa amu na lo, tongaso si na ya ti aye kue, azo agonda Nzapa na lege ti Jésus Christ. Gonda na ngangu ayeke ti Nzapa, kpu na kpu! Amen.

Ruth 2:19

Kogara ti lo ahunda lo, atene: “Mo ro ale ti kobe laso na ndo wa? Mo sara kua ni na yaka ti zo wa? Nzapa asara tufa na ndö ti zo so asara nzoni be na mo so-oo!” Ruth afa na kogara ti lo ndo so lo sara kua daa so; lo tene: “Laso mbi sara kua na yaka ti mbeni koli so iri ti lo ayeke Booz.”