2 Korente 9:11 - Mbeti ti Nzapa - Tënë so amu fini

¹¹ Fade lo yeke sara titene lakue, ala wara anzoni ye mingi si ala sara nga nzoni be lakue. Tongaso si azo mingi awara lege ti mu singila na Nzapa ndali ti aye so ala, azo ti Korente ayeke mu ni si e yeke mu na azo so.

2 Korente 9:11 ပူးပေါင်းရင်းမြစ်များ

2 Mbai 31:10

Kota wayango-sandaga Azaria, zo ti kete mara ti Sadok akiri tënë na lo, atene: “Aye so azo azi na ndö ti aye so ala wara si ngbene ye, ala to nda ti ga na ni na ya ti kota da ti KOTA GBIA, e te kobe, ya ti e asi, e zia tanga ni angba gbani, ngbanga ti so KOTA GBIA asara tufa na ndö ti azo ti lo. Gba ni laa angba ge ahon ndoni so.”

Matthieu 20:15

Mbi lingbi ti sara ye so be ti mbi aye na nginza ti mbi pepe? Be ti mo aso, ngbanga ti so mbi yeke zo ti nzoni be?’

Matthieu 25:17

Lo so lo wara ale ti lôro ngbangbo use so asara nga legeoko tongaso si lo wara ambeni le ti lôro ngbangbo use na ndö ni.

Rome 12:8

Zo so ayeke na matabisi ti mungo wango, alingbi lo mu wango. Zo so ayeke mu ye na azo, alingbi lo mu ni na vurungo be. Zo so ayeke na li ti bongbi, alingbi lo mu be ti lo kue na kua ni. Zo so ayeke mu maboko na azo ti mawa, alingbi lo sara ni na nzerengo be.

1 Korente 1:5

Biani, na lege ti gango so ala ga oko na Christ, Nzapa amu na ala anzoni ye kue gbani gbani, so ti tene anzoni lege kue ti tenengo tënë na ti hingango ndo.

2 Korente 1:11

Ala nga, ala yeke mu maboko na e na lege ti sambela ti ala. Tongaso, fade Nzapa ayeke ma sambela so azo mingi ayeke sambela ndali ti e si lo yeke sara ande nzoni be na e. Ndani laa azo mingi ayeke mu singila na lo ndali ti e.

2 Korente 4:15

Aye so kue ayeke si na e ndali ti ala titene azo so Nzapa asara nzoni be na ala, wungo ti ala ayeke gue gi na nduzu, tongaso si gba ti azo amu singila na lo si ala gonda lo.

2 Korente 8:16

E mu singila na Nzapa so azia na be ti Tite nzara ti sara na ala tongana ti so e nga, e yeke na nzara ti sara na ala.

2 Korente 8:19

Gi so oko pepe, me azo ti a-Eglize asoro lo titene e na lo, e tambula ti gue na aye so ala mu na nzoni be. Kua so e yeke sara, e yeke sara ni ti gonda na *Kota Gbia wani; e yeke sara nga ni ti fa nzara ti be ti e.

2 Korente 9:12

Ye so ala bongbi so ayeke gi ndali ti mungo maboko na azo ti Nzapa so ye atia ala so pepe, me ayeke nga ti sara si azo mingi amu singila na Nzapa ndali ni.