2 Korente 8:18 - Mbeti ti Nzapa - Tënë so amu fini

¹⁸ E tokua nga ita so azo ti *a-Eglize kue ayeke tene nzoni tënë ti lo ndali ti kua so lo sara ndali ti Nzoni Tënë; e tokua lo titene lo na Tite ague.

2 Korente 8:18 ပူးပေါင်းရင်းမြစ်များ

Rome 16:4

Angba kete ala wara kuâ ndali ti mbi na ndembe so ala ye ti soo mbi na kuâ. Gi mbi oko laa mbi yeke mu singila na ala pepe, me a-Eglize kue ti amara nde.

1 Korente 16:3

Tongana mbi si kâ, fade mbi yeke sara mbeti, mbi mu na azo so ala soro ala so si mbi yeke tokua ala na Jérusalem na aye so ala bongbi so.

1 Korente 4:17

Ndali ti tënë so, mbi tokua Timothée na ala, molenge ti mbi so mbi ye lo mingi, lo ngba lakue ti mu lege ti Kota Gbia. Fade lo yeke dabe ti ala na lege so mbi mu peko ti Christ na peko ti so mbi ga oko na lo; lo yeke dabe ti ala na aye so mbi yeke fa ni na ndo kue, na ya ti *a-Eglize kue.

1 Korente 7:17

Ti tanga ti azo ni, alingbi zo oko oko angba na lege ti dutingo ti lo so *Kota Gbia amu na lo, alingbi lo ngba na lege ti dutingo ti lo ni na ndembe so Nzapa airi lo. Ye so mbi yeke mu yanga daa na *a-Eglize kue laa.

2 Korente 12:18

Mbi tene tënë mingi na Tite si mbi tokua lo, lo na mbeni ita [so mbi tene tënë ti lo] so. So Tite ague so, lo te mbeni ye ti ala? E na lo kue, be ti e ayeke gi oko pepe? E na lo kue, sarango ye ti e ayeke gi oko pepe?

2 Korente 2:12

Mbi si na gbata ti Troas ti fa Nzoni Tënë ti Christ, me ataa so *Kota Gbia azi lege kota na mbi titene mbi sara kua,

2 Korente 8:19

Gi so oko pepe, me azo ti a-Eglize asoro lo titene e na lo, e tambula ti gue na aye so ala mu na nzoni be. Kua so e yeke sara, e yeke sara ni ti gonda na *Kota Gbia wani; e yeke sara nga ni ti fa nzara ti be ti e.