2 Korente 8:10 - Mbeti ti Nzapa - Tënë so amu fini

¹⁰ Mbi ye ti fa na ala tënë ti be ti mbi na ndö ti tënë so: ye so ayeke nzoni ndali ti ala ayeke so, na ngu so ahon, ala yeke akozo zo so aleke na be ti ala ti mu ye si ala yeke nga akozo zo so amu ye ni.

2 Korente 8:10 ပူးပေါင်းရင်းမြစ်များ

Amato 19:17

Zo so abaa mawa ti wayere, andaa boon laa zo ni asara na KOTA GBIA; fade KOTA GBIA ayeke kiri peko ni na lo.

Matthieu 10:42

Mbi tene na ala taa-tënë: zo so amu ngu ti nyongo ni na mbeni senge zo oko so ndali ti so lo yeke disiple ti mbi, ataa ayeke kete kopo ti ngu ti de, fade lo yeke wara nzoni ye na peko ni.”

Jean 11:50

Ala gbu li ti ala si! Ayeke nzoni zo oko akui ndali ti azo ni si a buba mara ni kue pepe.”

Jean 16:7

Andaa mbi tene na ala taa-tënë: ayeke nzoni titene mbi gue. Biani, tongana mbi gue pepe, Wagbungo-koko ayeke ga ande na tere ti ala pepe. Tongana mbi gue, fade mbi yeke tokua lo na ala.

Jean 18:14

Andaa Kaife laa amu lani wango na amakonzi ti azuife, atene: “Ayeke nzoni zo oko akui ndali ti azo ni.”

1 Korente 10:23

Ambeni zo ayeke tene: “A mu na zo lege ti sara ye kue”. Taa-tënë, me ye kue laa ayeke sara nzoni na zo pepe. “A mu na zo lege ti sara ye kue”, me ye kue laa asara si Eglize amai pepe.

1 Korente 16:2

Na layenga, fade zo oko oko ayeke mu mbeni nginza, lo zia ni nde na da ti lo alingbi na ye so lo wara. Tongaso, ala to nda ti bongbi nginza ni kozoni si mbi si.

1 Korente 6:12

Ambeni zo ayeke tene: “A mu na mbi lege ti sara ye kue.” Taa-tënë, me ye kue laa ayeke sara nzoni na zo pepe. “A mu na mbi lege ti sara ye kue”, me mbi ye ti ga ngbaa ti mbeni ye oko pepe.

1 Korente 7:25

Ti ala so ade ti mu koli wala wali pepe, *Kota Gbia amu na mbi yanga na ndö ti ala pepe; me mbi yeke fa tënë ti be ti mbi tongana ti zo so ala lingbi ti zia be ti ala na ndö ti tënë ti lo, ngbanga ti so Kota Gbia asara nzoni be na mbi.

1 Korente 7:40

Me ti be ti mbi, tongana wali ni aduti gi lo oko, fade lo yeke duti na ngia mingi. Mbi nga, mbi hinga, mbi tene, mbi yeke na Yingo ti Nzapa.

2 Korente 12:1

Alingbi mbi gonda tere ti mbi, ataa so zo alingbi ti wara ye daa pepe. Me mbi ye ti tene tënë ti aye so *Kota Gbia afa na mbi na ya ti mbeni ye tongana bango-li si lo sara titene mbi hinga ni.

2 Korente 8:6

Ndani laa e mu wango mingi na Tite titene lo hunzi kua ti nzoni be so lo to nda ni na ndo ti ala, azo ti Eglize ti Korente.

2 Korente 8:8

Mbi yeke tene tënë so ti mu yanga na ala pepe; me mbi yeke tene na ala tënë ti azo ti ambeni Eglize so nzara ti kua ayeke na be ti ala. Mbi yeke sara so ti baa wala ala azo ti Korente, ala ye amba ti ala biani.

2 Korente 9:2

Mbi hinga nzara ti be ti ala si mbi gonda tere ti mbi ndali ti ala na le ti azo ti Masedoane, mbi tene: “Azo ti Akayi aleke ye ti ala kue na ngu so ahon so awe.” Nilaa nzara ti sarango nzoni ye ti ala azia nga nzara na be ti azo ti ambeni *Eglize mingi.

Filipe 4:17

Mbi yeke tumba peko ti ye ti azo pepe; me ye so mbi yeke gi ayeke titene azo ni awara nzoni mingi na lege ti kua so ala yeke sara.

Ahebro 13:16

Ala girisa ti sara nzoni be na azo pepe, ala girisa ti mu maboko na amba ti ala na popo ti ala pepe; amara ti asandaga tongaso laa anzere na be ti Nzapa.