2 Korente 7:9 - Mbeti ti Nzapa - Tënë so amu fini

⁹ me fadeso be ti mbi anzere. Be ti mbi anzere ndali ti vundu ti ala pepe, me ngbanga ti so vundu ti ala ni asara si ala zia ngbene lege ti sarango ye ti ala. Vundu ti ala ni, Nzapa laa ayeda na ni. Tongaso, e sara ye ti sioni oko na ala pepe.

2 Korente 7:9 ပူးပေါင်းရင်းမြစ်များ

Abia (Psaumes) 38:18

Baa, mbi ga nduru ti ti awe, pasi ti mbi ayeke hunzi laoko pepe.

Zo ti bongbingo azo 7:3

Vundu ayeke nzoni ahon hengo ngia. Ataa so le ti zo ayeke na vundu, be ti lo alingbi ti duti na ngia.

Zakarii 12:10

Mbi yeke sara titene yingo ti sarango ye ti nzoni na yingo ti sambelango mbi aga na ndö ti *ahale ti David nga na ndö ti azo ti gbata ti Jérusalem. Fade ala yeke baa ndo na mbage ti mbi, lo so ala kpo lo so. Ala yeke toto kuâ ti lo tongana ti so a yeke toto kuâ ti oko molenge-koli. Ala yeke toto lo ngangu mingi tongana ti so a yeke toto kuâ ti kozo molenge.

Matthieu 3:8

Ala sara ye so afa atene, ala zia ngbene lege ti sarango ye ti ala awe!

Nzoni Tënë so Luc asu na mbeti 15:10

Ndani laa mbi tene na ala: ngia ayeke na popo ti *a-ange ti Nzapa, ndali ti zo ti siokpari oko so azia ngbene lege ti sarango ye ti lo.”

Nzoni Tënë so Luc asu na mbeti 15:32

Me ayeke fade nzoni titene e sara matanga, e sara ngia, ngbanga ti so ita ti mo so akui awe si lo kiri na fini; lo girisa si e kiri e wara lo.’ ”

Nzoni Tënë so Luc asu na mbeti 15:7

Mbi tene na ala: ngia ayeke tongaso na yayu ndali ti zo ti siokpari oko so azia ngbene lege ti sarango ye ti lo; ngia so ahon ngia ndali ti azo ti mbirimbiri balegumbaya na gumbaya so nzara ti zia ngbene lege ti sarango ye ti ala ayeke sara ala pepe.”

Awatokua 20:21

Mbi iri azuife na azo ti amara nde titene ala zia ngbene lege ti sarango ye ti ala, ala kiri na Nzapa si ala ma na be na Kota Gbia ti e Jésus.

2 Korente 1:12

Ye so e yeke gonda tere ti e daa ayeke so: be ti e afa na e atene, dutingo ti e na dunia so, e duti na vuru be nga na be so sioni oko ayeke daa pepe. E duti tongaso mbirimbiri na mbage ti ala na lege ti ndara ti azo pepe, me na lege ti nzoni be ti Nzapa.

2 Korente 2:16

Ti azo so ayeke girisa, fion ti yombo ni ayeke fion ti kuâ so ayeke sara titene zo akui. Ti azo so ayeke soo kuâ, fion ni ayeke fion ti fini so ayeke mu fini na zo. Me zo wa laa alingbi ti sara mara ti kua so?

2 Korente 7:8

Biani, mbeti so mbi tokua lani na ala azia vundu na be ti ala, me be ti mbi aso daa pepe. Mbi baa so mbeti ni azia vundu na be ti ala na ya ti kete ngoi si be ti mbi aso lani daa,