2 Korente 7:8 - Mbeti ti Nzapa - Tënë so amu fini

⁸ Biani, mbeti so mbi tokua lani na ala azia vundu na be ti ala, me be ti mbi aso daa pepe. Mbi baa so mbeti ni azia vundu na be ti ala na ya ti kete ngoi si be ti mbi aso lani daa,

2 Korente 7:8 ပူးပေါင်းရင်းမြစ်များ

Abia ti demango tere 3:32

Tongana lo zia vundu na be ti zo, fade lo yeke baa mawa ti zo ni, ngbanga ti so ndoye ti lo ayeke kota.

Jean 16:6

Me vundu agbu be ti ala ngbanga ti tënë so mbi tene na ala so.

Jean 21:17

Jésus akiri ahunda lo ti fani ota ni, atene: “Simon, molenge ti Jean, mo ye mbi?” Vundu asara Pierre, ngbanga ti so Jésus ahunda lo fani ota, atene: “Mo ye mbi?” Tongaso lo tene na Jésus: “Kota Gbia, mo hinga ye kue, mo hinga so mbi ye mo!” Jésus atene na lo: “Bata ataba ti mbi.

2 Korente 7:11

Ala baa aye so vundu so Nzapa ayeda na ni asara na popo ti ala laa: ala baa lege ti akua hio! Ala fa peko ti tënë so ayeke na li ti ala! Ngonzo agbu ala na bango ye ti sioni! Mbeto ayeke na be ti ala! Ala yeke na nzara mingi ti baa mbi! Ala yeke na nzara ti sara kua! Ala fâ ngbanga na li ti azo so asara sioni! Na lege ti aye so kue, ala fa atene, tënë ayeke na li ti ala pepe.

2 Korente 7:12

Ndali ti zo so asara sioni na mba ti lo wala lo so mba ti lo asara sioni na lo laa mbi su mbeti so na ala pepe; me mbi su ni ti fa na le ti Nzapa so, ala yeke azo so ayeke baa lege ti e hio.

2 Korente 7:6

Me Nzapa so ayeke de be ti azo so be ti ala awoko kue, lo sara si gango ti Tite ade be ti e.

2 Korente 7:7

Be ti e ade gi ndali ti gango ti lo oko pepe, me be ti e ade nga ndali ti so ala mu ngangu na be ti lo. Lo tene na e, lo tene, ala yeke na nzara mingi ti baa mbi, ala yeke toto mbi mingi, ala yeke na nzara ti gbu koko ti mbi. So mbi ma tënë ni, be ti mbi akiri asi na ngia ahon ndoni.

2 Korente 7:9

me fadeso be ti mbi anzere. Be ti mbi anzere ndali ti vundu ti ala pepe, me ngbanga ti so vundu ti ala ni asara si ala zia ngbene lege ti sarango ye ti ala. Vundu ti ala ni, Nzapa laa ayeda na ni. Tongaso, e sara ye ti sioni oko na ala pepe.

Aye so Nzapa afa 3:19

Azo so kue mbi ye ala, mbi yeke pika ala si mbi yeke kiri ala na nzoni lege. Zia be ti mo kue na sarango kua, zia sioni lege ti sarango ye ti mo!