2 Korente 7:5 - Mbeti ti Nzapa - Tënë so amu fini

⁵ Biani, na ngoi so e si na Masedoane, e wara lege ti wu tere ti e pepe, me e baa amara ti pasi kue: azo atiri na e, mbeto ayeke na ya ti e.

2 Korente 7:5 ပူးပေါင်းရင်းမြစ်များ

Tongo nda ti aye 8:9

Me mbipa ni ague, awara mbeni ndo ti luti daa pepe. Lo kiri na tere ti Noe na ya ti mangboko ni, ngbanga ti so ngu ni amu ndö ti sese kue. Noe ayoro maboko ti lo, lo mu mbipa ni si lo kiri na lo na ya ti mangboko ni.

Mbeti ti Job 18:11

Mbage na mbage kue, kota mbeto agbu lo; mbeto ni ayeke mu peko ti lo na ndo so kue lo yeke gue daa.

Ésaïe 33:12

Wâ ayeke gbi amara nde si ala yeke ga gi mburu ti wâ. Wâ ayeke gbi ala tongana aki so a fâ ni si a tuku na le ti wâ.

Jérémie 20:10

Mbi yeke ma gi sioni tënë ti gba ti azo. Ala yeke di iri ti mbi: “Mbeto-mbage-na-mbage-kue”. Ambeni ayeke tene: “Ala gue na lo na ngbanga ma!” Ambeni ayeke tene ti ala: “Een, e yeke gue na lo!” Ataa amba ti mbi so mbi na ala e ye tere mingi, ala yeke ku ti baa wala mbi yeke girisa lege. Ala yeke tene na be ti ala, atene: “Tongana lo ti fade na ya ti handa ti lo wani, ka anzere mingi. Tongaso si fade e gbu lo si e kiri na lo peko ti sioni so lo sara na e”.

Jérémie 45:3

Mo tene: ‘So mawa na mbi! Mbi baa pasi kozoni awe, me KOTA GBIA akiri azia mbeni vundu na ndö ni! Mbi woko kue awe na peko ti dema ti mbi; mbi wara lege ti wu tere pepe!’

Jérémie 6:25

Ala sigigi ti gue na yaka pepe, ala fono na ndö ti alege pepe, ngbanga ti so wato ayeke kâ si lo yeke fâ azo; mbeto ayeke mbage na mbage kue.”

Jérémie 8:18

Vundu ti be ti mbi ahon ndoni, yoro ni ayeke daa pepe; na ya ti be ti mbi kâ, mbi yeke baa pasi mingi.

Awatokua 20:1

So wusuwusu ni akai awe, Paul airi adisiple si lo tene tënë na ala ti mu ngangu na be ti ala. Na pekoni, lo bara ala si lo mu lege ti gue na Masedoane.

Rome 15:26

Biani, azo ti Christ ti Masedoane na ala ti Akayi aleke na be ti ala ti bi nginza ti tokua na azo ti Nzapa so ayeke na ya ti mawa.

1 Korente 15:31

Lakue, kuâ ayeke gi mbi gingo, taa-tënë, a-ita! Taa-tënë, mbi yeke gonda tere ti mbi ndali ti ala, ala so e na ala e ga oko na *Kota Gbia ti e Jésus Christ awe.

1 Korente 16:5

Mbi yeke hon na mbage ti sese ti Masedoane ti si na ala kâ; mbi yeke fâ ya ti sese ti Masedoane ti hon.

2 Korente 2:13

be ti mbi angba gi na nduzu, ngbanga ti so mbi baa ita ti mbi Tite pepe. Ndani laa mbi bara azo ni si mbi hon, mbi gue na sese ti Masedoane.

2 Korente 2:3

Nda ti mbeni mbeti so mbi tokua na ala so ayeke so: na singo ti mbi na popo ti ala, mbi ye titene azo so alingbi fade ti zia ngia na be ti mbi, ala ga azo ti zia vundu na be ti mbi pepe. Ti ala, mbi hinga na be ti mbi, mbi tene, ngia so ayeke na be ti mbi so ayeke nga na be ti ala kue.

2 Korente 2:9

Biani, nda ni so mbi tokua lani mbeti na ala ayeke so: mbi ye ti tara be ti ala ti hinga wala ala yeke sara ye so kue mbi hunda na ala.

Galasii 4:11

Mbeto ti ye so ala yeke sara so agbu mbi; so ti tene aye so kue mbi sara ngbanga ti ala so, peko ni ayeke ngba gi senge senge?

Ndia ti fani use ni 32:25

Na ndö ti alege, amolenge ti ala ayeke kui kuâ ti yongoro zeme, na ya ti da, azo ayeke kui na mbeto. Azo kue ayeke kui, ataa amaseka-koli na amaseka-wali, ataa amolenge so angba ti nyon me na ambakoro.’

1 Tesalonike 3:5

Ndani laa, so mbi lingbi ti kanga be ti mbi ti ku ngbii pepe, mbi tokua Timothée titene lo gue, lo hinga tënë na ndö ti mabe ti ala. Mbeto agbu mbi si mbi hunda tere ti mbi, mbi tene: wala Zabolo ahanda ala si akua so kue e sara so aga gi senge senge?