2 Korente 7:13 - Mbeti ti Nzapa - Tënë so amu fini

¹³ So laa asara si be ti e ade. Be ti e akiri aduti na ngia mingi ngbanga ti so Tite awara ngia. Lo wara ngia mingi ndali ti so, ala kue asara si be ti lo aduti na siriri.

2 Korente 7:13 ပူးပေါင်းရင်းမြစ်များ

Rome 12:15

Ala sara ngia na azo so ayeke na ngia, ala toto na azo so ayeke toto.

Rome 15:32

Tongaso, tongana Nzapa ayeda, fade mbi lingbi ti si na ala kâ na ngia si mbi duti na popo ti ala ti wu tere ti mbi kete.

1 Korente 12:26

Tongana mbeni mbage ti tere oko ayeke baa pasi, atanga ni kue ayeke baa pasi legeoko na lo. Tongana a ne mbeni mbage ti tere oko, fade ayeke ne nga atanga ni kue.

1 Korente 16:13

Le ti ala akpengba, ala gbu ngangu na lege ti mabe, ala duti tongana akoli, ala kpengba!

1 Korente 16:18

ngbanga ti so a-ita ota so asara si be ti mbi na ti ala so angba kâ ade. Ala gi ti hinga nzoni ye so azo tongaso ayeke sara!

2 Korente 2:13

be ti mbi angba gi na nduzu, ngbanga ti so mbi baa ita ti mbi Tite pepe. Ndani laa mbi bara azo ni si mbi hon, mbi gue na sese ti Masedoane.

2 Korente 2:3

Nda ti mbeni mbeti so mbi tokua na ala so ayeke so: na singo ti mbi na popo ti ala, mbi ye titene azo so alingbi fade ti zia ngia na be ti mbi, ala ga azo ti zia vundu na be ti mbi pepe. Ti ala, mbi hinga na be ti mbi, mbi tene, ngia so ayeke na be ti mbi so ayeke nga na be ti ala kue.

2 Korente 7:14

Lani, mbi gonda tere ti mbi ndali ti ala na le ti lo, me kamene ni asara mbi pepe. Tongana ti so lakue e yeke tene na ala taa-tënë, gondango tere ti e ndali ti ala na le ti Tite aga nga taa-tënë awe.

2 Korente 7:15

Tongana lo kiri lo dabe ti lo na lege so ala ma yanga ti lo si ala yamba lo na mbeto na be ti ala nga na dongo tere, be ti lo akiri aye ala mingi.

2 Korente 7:6

Me Nzapa so ayeke de be ti azo so be ti ala awoko kue, lo sara si gango ti Tite ade be ti e.

Filipe 2:28

Ndani laa, mbi tokua lo hio na ala si na bango lo, ala kiri awara ngia, tongaso si be ti mbi ade kete.

2 Timothée 1:16

Ayeke nzoni *Kota Gbia asara nzoni be ti lo na azo ti sewa ti Onezifore, ngbanga ti so fani mingi, lo mu ngangu na be ti mbi. Kamene ti so mbi yeke na da ti kanga asara lo pepe;

Philémon 1:20

Biani, ita, sara ye so na mbi, ngbanga ti so mo ga oko na *Kota Gbia awe. Ndali ti so mo yeke ita ti mbi, zo ti Christ, sara titene be ti mbi awara ngangu.

Philémon 1:7

Ita ti mbi, so mbi ma tënë ti yengo so mo ye na azo, ngia asi be ti mbi si be ti mbi ade. Ye so mo sara so amu ngangu na be ti azo ti Nzapa.

1 Pierre 3:8

Ti hunzi na tënë ti mbi, alingbi ala kue tënë ti be ti ala aduti gi oko; ala baa mawa ti amba ti ala, ala ye tere na popo ti ala tongana a-ita, ala sara nzoni na amba ti ala, ala baa tere ti ala tongana akota zo pepe.