2 Korente 7:10 - Mbeti ti Nzapa - Tënë so amu fini

¹⁰ Vundu so Nzapa ayeda na ni ayeke sara titene zo azia ngbene lege ti sarango ye ti lo si lo lingbi ti soo kuâ. Mara ti vundu so, be ti zo alingbi ti so daa pepe. Me vundu so asara si zo azia ngbene lege ti sarango ye ti lo pepe, ni laa ayeke gue na zo na kuâ.

2 Korente 7:10 ပူးပေါင်းရင်းမြစ်များ

Tongo nda ti aye 30:1

So Rachel abaa atene lo yeke du molenge na Jacob pepe, lo sara kota be na tere ti ita ti lo. Rachel atene na Jacob: “Mu na mbi amolenge, tongaso pepe mbi yeke kui.”

2 Samuel 12:13

David atene na Natan: “Mbi sara siokpari so ake KOTA GBIA awe.” Natan akiri tënë na David, atene: “KOTA GBIA azi siokpari na li ti mo awe; mo yeke kui pepe.

2 Samuel 13:4

Yonadab ahunda Amnon, atene: “Molenge ti gbia, ngbanga ti nyen laa lakue na ndaperere tere ti mo anzere pepe so? Mo lingbi ti tene na mbi nda ni pepe?” Amnon akiri tënë na lo: “Mbi sara nzara ti Tamar mingi, ita ti Absalom ti wali so ayeke nga ita ti mbi.”

2 Samuel 17:23

So Ahitofel abaa so azo ake ti ma wango ti lo, lo mu lele ti lo, lo ko na ndö ni si lo kiri na gbata ti lo. Lo leke tënë ti aye ti da ti lo, na pekoni, lo kanga kamba na go ti lo si lo kui. A lu lo na ya ti du ti kuâ ti babâ ti lo.

1 Agbia 21:4

Akab akiri na da, na sukungo ngbangba nga na ngonzo, ngbanga ti tënë so Nabot, zo ti gbata ti Yizreel atene na lo so: “Yaka ti *vinye so akotara ti mbi azia na mbi si aga ti mbi so, fade mbi yeke mu ni na mo pepe.” Lo gue, lo lango na ndö ti gbogbo ti lo, lo zia le ti lo na mbage ti dere ti da si lo ke ti te kobe.

Abia (Psaumes) 38:18

Baa, mbi ga nduru ti ti awe, pasi ti mbi ayeke hunzi laoko pepe.

Amato 15:13

Be ti zo so ayeke na ngia asara si le ti lo ayeke na ngia; me tongana zo ayeke na vundu, be ti lo awoko kue.

Amato 15:15

Ti zo ti mawa, alango kue ayeke sioni; me zo so gigi anzere na lo, lo yeke na ya ti matanga lakue.

Amato 17:22

Be ti zo so ayeke na ngia asara si kobela ti lo akai; me be ti zo so ayeke na vundu asara si ngangu atia lo.

Amato 18:14

Zo so nzara ti be ti lo ayeke ti ngba na fini, fade lo yeke hon ndö ti kobela so ayeke sara lo. Me tongana be ti lo awoko, zo wa laa ayeke kiri ti mu ngangu na lo, zo wa?

Zo ti bongbingo azo 7:3

Vundu ayeke nzoni ahon hengo ngia. Ataa so le ti zo ayeke na vundu, be ti lo alingbi ti duti na ngia.

Jérémie 31:9

Azo ni ayeke kiri na toto na yanga ti ala. So mbi yeke ga na ala, ala yeke dema tere ti ala; mbi yeke gue na ala na ndo so gba ti ngu ayeke sua daa, mbi yeke sara titene ala hon na lege so ayeke mbirimbiri, ndo so ala lingbi pepe ti pika gere ti ala ti ti. Biani, mbi yeke tongana babâ ti Israel, Efraim ayeke kozo molenge ti mbi.”

Ezekiel 7:16

Azo so ayeke ngba na fini ayeke kpe ti gue na li ti ahoto. Tongana ti so *ambipa ti apopo-hoto so ayeke dema, zo oko oko ayeke dema ndali ti sioni ti lo.

Jonas 3:10

Nzapa abaa aye so kue azo ti Ninive asara ti fa atene, ala zia sioni lege ti sarango ye ti ala awe. Tongaso sioni ye so Nzapa atene tënë ti sarango ni na ala so, lo zia ti sarango ni.

Jonas 3:8

Azo na anyama ayu bongo ti mua, ala sambela Nzapa ngangu. Zo oko oko azia sioni lege ti sarango ye ti lo na aye ti ngangu so lo yeke sara na azo.

Jonas 4:9

Nzapa atene na Jonas: “So mo yeke sara ngonzo ndali ti keke so, ayeke na legeni laa?” Jonas akiri tënë: “Een, ayeke na legeni so mbi sara ngonzo ngbii si mbi ye ti kui so.”

Matthieu 26:75

Pierre adabe ti lo na tënë so Jésus atene lani na lo, atene: “Kozo titene koli-kondo atoto, fade mo yeke bere tënë ti mbi fani ota.” Lo sigigi si lo toto ngangu mingi.

Nzoni Tënë so Luc asu na mbeti 15:10

Ndani laa mbi tene na ala: ngia ayeke na popo ti *a-ange ti Nzapa, ndali ti zo ti siokpari oko so azia ngbene lege ti sarango ye ti lo.”

Nzoni Tënë so Luc asu na mbeti 18:13

Me zo ti rongo nginza ti lapo angba ti lo yongoro kâ; lo mu nga le ti lo na nduzu pepe. Me lo zia maboko ti lo na ndö ti go ti lo, lo tene: ‘Nzapa, baa mawa ti mbi, mbi so mbi yeke zo ti siokpari so.’

Awatokua 11:18

So ala ma tënë so, be ti ala ade si ala gonda Nzapa, atene: “Nzapa amu nga lege na azo ti amara nde ti zia ngbene lege ti sarango ye ti ala si ala wara fini!”

Awatokua 3:19

Tongaso, ala zia ngbene lege ti sarango ye ti ala, ala kiri na lege ti Nzapa, tongaso si lo zi siokpari ti ala.

2 Korente 12:21

Mbeto asara nga mbi titene tongana mbi kiri mbi si na ala kâ, Nzapa azia kamene na le ti mbi na dawa ti ala. Mbi hinga pepe, fade mbi yeke toto ndali ti azo mingi na popo ti ala so angba ti sara siokpari tongana ti ando; ala ngba na lege ti sarango aye ti sioni, aye ti kamene na aye ti ndumba.

2 Korente 7:9

me fadeso be ti mbi anzere. Be ti mbi anzere ndali ti vundu ti ala pepe, me ngbanga ti so vundu ti ala ni asara si ala zia ngbene lege ti sarango ye ti ala. Vundu ti ala ni, Nzapa laa ayeda na ni. Tongaso, e sara ye ti sioni oko na ala pepe.

Ahebro 12:17

Ala hinga so, na pekoni, Ezau aye titene babâ ti lo asara tufa na ndö ti lo titene lo wara aye ti peko ti babâ ti lo, me a gbanzi lo na ni. Lo gi lege ngangu ti sanze ye so lo sara so, me lo ha gbaa, ataa so lo toto na ngu ti le.

1 Samuel 30:6

Be ti David afun kue, ngbanga ti azo aye ti bo lo na têne ti fâ lo. Be ti zo oko oko aso mingi ndali ti amolenge ti lo ti koli na ti wali. Me David awara ngangu ndali ti *KOTA GBIA, Nzapa ti lo.