2 Korente 6:9 - Mbeti ti Nzapa - Tënë so amu fini

⁹ azo abaa e tongana azo so ala hinga ala pepe, andaa ala hinga e kue; azo abaa e tongana azo so ayeke kui kuingo, andaa e ngba na fini; ala pika e, me ala fâ e pepe.

2 Korente 6:9 ပူးပေါင်းရင်းမြစ်များ

Awatokua 17:18

Ambeni wafango-ye so ayeke a-epikurien na astoisien ato nda ti tene tënë na lo. Ambeni atene: “Tënë ti nyen laa sakpa-tënë so ayeke tene so?” Ambeni atene: “Lo kpa zo ti fango tënë ti anzapa nde.” Ala tene tongaso, ngbanga ti so Paul ayeke tene tënë ti Jésus na tënë ti zingongo ti akuâ.

Awatokua 19:26

Fadeso, ye so asi, ala baa ni si ala ma nga tënë ni: koli so iri ti lo Paul ayeke tene, anzapa so azo ayeke leke ayeke anzapa oko pepe si lo sara kue titene azo mingi ayeda ti mu peko ti lo. Azo ti Efeze ge na ala ti sese ti Azii nga amu peko ti lo.

Awatokua 25:19

Ala yeke papa na popo ti ala gi na ndö ti tënë ti lege ti vorongo Nzapa ti ala wani nga na ndö ti mbeni koli so iri ti lo Jésus. Lo kui awe, me Paul atene lo yeke na fini.

Awatokua 25:26

Me mbi hinga mbirimbiri tënë so mbi lingbi ti su na mbeti ti tokua na kota gbia na ndö ti lo pepe. Ndani laa, mbi ga na lo na gbe ti ala, mbirimbiri na gbe ti mo, gbia Agripa si na peko ti gingo nda ti tënë ti lo, mbi hinga tënë so mbi lingbi ti su na mbeti.

Rome 15:19

na lege ti aye ti kpene nga na lege ti aye ti dongo be so Yingo-Vuru asara. Tongaso, ti londo na Jérusalem ngbii asi na sese ti Ilirii, mbi tambula ti fa Nzoni Tënë kue ti Christ na azo.

Rome 8:36

Tongana ti so Mbeti ti Nzapa atene: “Lakue, ti londo na ndaperere ngbii asi na lakui, azo ayeke gi e ti fâ e ndali ti mo; azo ayeke baa e tongana ataba so a yeke gue na ala na ndo ti fango ala.”

1 Korente 11:32

Me Kota Gbia afâ ngbanga ti e si lo pika e titene lo fâ ngbanga na li ti e tongana ti tanga ti azo ti dunia so pepe.

1 Korente 15:31

Lakue, kuâ ayeke gi mbi gingo, taa-tënë, a-ita! Taa-tënë, mbi yeke gonda tere ti mbi ndali ti ala, ala so e na ala e ga oko na *Kota Gbia ti e Jésus Christ awe.

1 Korente 4:9

Mbi baa ti mbi, mbi tene, Nzapa amu e *awatokua azia e ndangba ti azo kue. E yeke tongana azo so a fâ ngbanga ti kuâ na li ti ala awe: e ga ye ti ngia na le ti azo ti dunia kue, na le ti *a-ange nga na le ti azo.

2 Korente 11:6

Mbi hinga ti tene tënë nzoni pepe, so mbi hinga; me tongana ayeke tënë ti hingango ndo, so ayeke mbeni tënë nde: e fa ni na ala polele na ya ti aye kue.

2 Korente 4:2

E ke tënë ti aye ti kamene so azo ayeke sara na gbe mingo; e yeke sara ye ti handa na azo pepe, e yeke buba ya ti tënë ti Nzapa pepe. Me e yeke fa taa-tënë na azo, tongaso si na le ti Nzapa, azo kue azia be ti ala na ndö ti e.

2 Korente 5:11

E hinga lege ti kpengo mbeto ti *Kota Gbia awe, nilaa e yeke gi lege ti sara kue titene azo ayeda na tënë ti lo. Nzapa ahinga e nzoni mingi, mbi hinga, mbi tene, gbaa na be ti ala kâ, ala nga ahinga mbi nzoni mingi.