2 Korente 6:6 - Mbeti ti Nzapa - Tënë so amu fini

⁶ E fa nga so e yeke azo ti kua ti Nzapa na lege ti dutingo ti e na vuru be, na lege ti hingango ndo ti e, na lege ti kangango be ti e, na lege ti nzoni be ti e, na lege ti Yingo-Vuru, na lege ti taa yengo tere na popo ti e,

2 Korente 6:6 ပူးပေါင်းရင်းမြစ်များ

Ezekiel 33:31

Tongaso ala mingi aga si ala duti na dawa ti mo. Ala ma atënë ti mo, me ala sara ye alingbi na ni pepe. Ala yeke sara ye alingbi na ye so anzere na be ti ala, ala yeke gi gi ye so ala lingbi ti wara ye na peko ni.

Rome 12:9

Ala ye azo na be use pepe. Ala ke ye ti sioni na be ti ala oko, me ala mu tere ti ala kue na ye so ayeke nzoni.

Rome 15:19

na lege ti aye ti kpene nga na lege ti aye ti dongo be so Yingo-Vuru asara. Tongaso, ti londo na Jérusalem ngbii asi na sese ti Ilirii, mbi tambula ti fa Nzoni Tënë kue ti Christ na azo.

1 Korente 12:8

Yingo ayeke mu na mbeni zo tënë ti ndara si na mbeni zo, lo yeke mu tënë ti hingango ye;

1 Korente 13:4

Ndoye ayeke kanga be ti lo, lo yeke sara nzoni, lo yeke sara kota be pepe, lo yeke pika kate ti lo pepe, lo yeke sara baba pepe;

1 Korente 2:16

Tongana ti so Mbeti ti Nzapa atene: “Zo wa laa ahinga tënë ti be ti Kota Gbia? Zo wa laa alingbi ti fa ye na lo?” Ti e, tënë ti be ti Christ ayeke na be ti e.

1 Korente 2:4

Tënë ti mbi na fango ye ti mbi ayeke pepe tongana ti azo so ayeke mu atënë ti ndara ti zo ti woko na be ti amba ti ala, me atënë ti mbi ayeke ngangu ti Yingo ti Nzapa so ayeke woko be ti zo.

2 Korente 1:23

Mbi tene taa-tënë, Nzapa ayeke ma mbi. Tongana mbi tene mvene, ayeke nzoni Nzapa afâ mbi! Mbi zia lege ti kiringo na Korente, ngbanga ti so mbi ye ti sara pasi na ala pepe.

2 Korente 11:11

Mbi tene tënë so ngbanga ti nyen? Mbi tene tënë so, ngbanga ti so mbi ye ala pepe? Nzapa ahinga so mbi ye ala!

2 Korente 11:4

Biani, ala yeke kanga be ti ala titene mbeni zo ti kirikiri aga afa na ala mbeni Jésus nde na Jésus so e fa tënë ti lo na ala. Ala yeke lakue nduru ti yamba mbeni yingo nde na Yingo so ala wara kozoni, ala yeke yeda nga na mbeni nzoni tënë nde na Nzoni Tënë so ala ma kozoni!

2 Korente 11:6

Mbi hinga ti tene tënë nzoni pepe, so mbi hinga; me tongana ayeke tënë ti hingango ndo, so ayeke mbeni tënë nde: e fa ni na ala polele na ya ti aye kue.

2 Korente 12:15

Ti mbi, fade mbi yeke buba aye ti mbi kue si mbi yeke ka fini ti mbi ndali ti ala. Tongana mbi ye ala ahon ndoni, fade ala yeke ye mbi gi kete?

2 Korente 13:10

Ndani laa, so mbi de yongoro na ala, mbi yeke su mbeti so ti tokua na ala. Tongaso, tongana mbi si na popo ti ala, mbi yeke so na ndö ti ala pepe. *Kota Gbia amu na mbi ngangu ti sara si *Eglize ti ala akpengba, me ti buba Eglize ni pepe.

2 Korente 2:10

Tongana ala zi tënë na li ti mbeni zo, mbi nga, mbi yeke zi tënë na li ti lo. Tongana mbi zi tënë na li ti zo – tongana ti so mbi wara lege ti sarango ni – mbi zi ni ndali ti ala, na le ti Christ.

2 Korente 2:4

Biani, na ndembe so mbi su mbeti ti tokua na ala, be ti mbi ayeke na vundu, mbi yeke na siriri pepe, mbi yeke na ngu ti le na le ti mbi. Mbi su mbeti ni ti zia vundu na be ti ala pepe, me titene ala hinga atene, mbi ye ala ahon ndoni.

2 Korente 3:3

Biani, ye ni ayeke na hondengo ni pepe: ala yeke tongana mbeti so Christ asu ni si e gue na ni na azo. A su mbeti ni na ngu ti sungo na mbeti pepe, me a su ni na Yingo ti Nzapa, lo so lo yeke na fini; a su ni na ndö ti têne pepe, me na ndö ti be ti azo.

2 Korente 4:6

Nzapa so atene ando, atene: “Ayeke nzoni lumiere aza na ya ti vukongo ndo”, lo wani laa lo za na be ti e titene le ti e azi si e hinga gonda ti lo so ayeke za na ndö ti le ti Christ.

2 Korente 7:2

Ala leke ndo na be ti ala ndali ti e! E sara sioni na zo oko pepe, e buba lege ti dutingo ti zo oko pepe, e mu ye ti zo oko na mbana pepe.

Galasii 3:2

Mbi ye titene ala kiri tënë na mbi na ndö ti tënë oko so si: ala wara Yingo ti Nzapa ndali ti so ala sara ye alingbi na *Ndia wala na lege ti Nzoni Tënë so ala ma si ala ma na be na ni?

Galasii 3:5

Nzapa ayeke mu na ala Yingo ti lo si lo yeke sara aye ti kpene na popo ti ala! Lo yeke sara aye so kue ndali ti so ala sara ye alingbi na Ndia wala ndali ti so ala ma Nzoni Tënë si ala ma na be na ni?

Galasii 5:22

Me ye so Yingo ti Nzapa ayeke du ayeke so: ndoye, ngia, siriri, kangango be, nzoni be, sarango nzoni na azo, mabe,

Efeze 3:4

Tongana ala diko mbeti so, fade ala lingbi ti hinga biani atene, mbi hinga nda ti tënë ti Christ so angba na hondengo ni.

Efeze 4:2

Ala baa tere ti ala tongana akota zo pepe, ala sara ye na amba ti ala na ngangu pepe, ala kanga be ti ala. Na lege ti ndoye, ala kanga be ti ala na amba ti ala.

Efeze 4:32

Ala sara nzoni na popo ti ala, ala baa mawa ti amba ti ala; ala zi tënë na li ti amba ti ala na popo ti ala tongana ti so Nzapa azi tënë na li ti ala, ngbanga ti gango so ala ga oko na Christ.

Kolose 1:27

Nzapa aye si ala hinga mosoro na gonda so lo leke na hondengo ni ndali ti azo so ayeke azuife pepe. Ye so lo leke ayeke so: Christ ayeke na be ti ala si ala zia be ti ala ti ku titene ala duti ande na ya ti gonda ti lo.

Kolose 2:3

Nzapa ahonde amosoro kue ti ndara na ti hingango ndo na ya ti Christ.

Kolose 3:12

Nzapa asoro ala, ala ga azo ti lo si lo ye ala. Tongaso, alingbi ala baa mawa ti azo, ala sara nzoni be na azo, ala baa tere ti ala tongana akota zo pepe, ala sara ngangu na azo pepe, ala kanga be ti ala ti ku.

1 Tesalonike 2:10

Ye so e sara, ala hinga ni awe, Nzapa nga ahinga ni awe: dutingo ti e na popo ti ala so ama na be ayeke nzoni kue, ayeke mbirimbiri, tënë oko ayeke na li ti e pepe.

1 Timothée 4:12

Mo zia mbeni zo abaa mo tongana molenge pepe; me mo ga tapande ti azo so ama na be na lege ti tenengo tënë ti mo, sarango ye ti mo, ndoye ti mo, mabe ti mo na vurungo be ti mo.

1 Timothée 5:2

mo mu wango na ambakoro-wali tongana amama ti mo, mo mu nga wango na amaseka-wali tongana a-ita ti mo ti wali, mo mu wango ni na vuru be.

2 Timothée 3:10

Me ti mo, mo mu lani peko ti mbi na lege ti aye so: fango ye ti mbi, dutingo ti mbi, aye so mbi leke na be ti mbi ti sarango ni, mabe ti mbi, kangango be ti mbi ti ku ye, ndoye ti mbi, kangango be ti mbi

2 Timothée 4:2

mo fa tënë ti Nzapa na azo, wala ndembe ni laa wala ndembe ni laa pepe, mo ngba gi daa. Mo fa sioni ti azo na le ti ala, mo suku na ala, mo mu wango na ala; be ti mo awoko na lege ni pepe, mo ngba na nzara ti fango ye na ala.

Tite 2:7

ala sara tongaso na ya ti aye kue. Mo nga, mo duti tapande na lege ti sarango anzoni ye: mo fa ye na azo na legeni mbirimbiri, mo ne tere ti mo.

Jacques 3:17

Me ndara so alondo na yayu, kozoni asara si zo aduti na vurungo be, na pekoni, asara si zo aduti na siriri, zo asara ye na ngangu pepe, zo ama tere na mba ti lo, zo asara nzoni be mingi na mba ti lo si lo sara nga anzoni ye. Ndara ti yayu ayeke mu mbage ti mbeni zo pepe si zo so ayeke na ni, tënë ti yanga ti lo ayeke nde pepe na sarango ye ti lo.

1 Pierre 1:12

Nzapa afa na ala atene, tënë ni ayeke ndali ti ala wani pepe, me ayeke ndali ti ala, a-ita. Tënë ni laa azo ti fango Nzoni Tënë ayeke fa ni na ala, na lege ti Yingo-Vuru so alondo na yayu si aga. Tënë ni, *a-ange wani ayeke na nzara ti hinga ni.

1 Pierre 1:22

So ala yeda ti sara ye alingbi na taa-tënë, ala sukula be ti ala awe ti ye a-ita ti ala na be oko. Ala ye tere na popo ti ala na vurungo be, ala zia lege ni pepe.

1 Jean 3:18

Amolenge ti mbi, e ye tere gi na lege ti tënë ti yanga pepe; me e ye tere na lege ti aye so e yeke sara nga na lege ti taa-tënë.

Awafango-ngbanga 16:15

Dalila atene na lo: “Mo tene mo ye mbi; ngbanga ti nyen laa mo mu be ti mo kue na mbi pepe so? Mo handa mbi fani ota, mo ke ti fa na mbi ndo so kota ngangu ti mo alondo daa.”