2 Korente 6:3 - Mbeti ti Nzapa - Tënë so amu fini

³ E ye titene azo awara mbeni sioni tënë ti tene na ndö ti kua ti e pepe, nilaa e sara kue titene mbeni zo ati ndali ti e pepe.

2 Korente 6:3 ပူးပေါင်းရင်းမြစ်များ

Matthieu 17:27

Me e ye titene be ti azo so aso na e pepe. Tongaso mo gue kâ na kota ngu, mo bi yango. Tongana mo gboto kozo susu, mo zi yanga ti lo, fade mo yeke wara le ti nginza daa so alingbi titene mo futa na lapo ti mbi, na ti mo kue.”

Matthieu 18:6

“Zo so asara si oko ti akete molenge so ama na be na mbi ati na ya ti siokpari, ayeke nzoni a kanga kota têne na go ti lo si a bi lo na gbe ti kota ngu-ingo.

Awatokua 19:27

Ye so lo yeke tene alingbi ti buba gi iri ti kua ti e pepe, me alingbi ti sara si da ti Artemis, kota nzapa-wali aga nga buba ye na le ti azo si gonda ti lo ahunzi; Artemis so azo ti Azii na ti dunia kue ayeke voro lo so.”

Rome 14:13

Tongaso, alingbi e zia ti kasa amba ti e. Me ye so ala lingbi ti leke na be ti ala ayeke so: ala zia na dawa ti ita ti ala pepe mbeni ye so lo lingbi ti pika gere ti lo daa ti ti na ya ti siokpari wala mbeni ye so alingbi ti pusu lo ti sara sioni ye.

1 Korente 9:12

So ambeni zo alingbi ti hunda ye so na ala, ka ti e ni, e lingbi ti hunda ye ahon ti azo ni so pepe? Me e sara tongaso pepe. Ataa aye so kue ayeke si na e, e yeke kanga be ti e, ngbanga ti so e ke ti sara mbeni ye so alingbi ti kanga lege na Nzoni Tënë ti Christ.

1 Korente 9:22

Tongana mbi yeke na popo ti azo so mabe ti ala akpengba pepe, mbi yeke sara ye tongana zo so mabe ti lo akpengba pepe. Mbi sara tongaso ti wara azo so mabe ti ala akpengba pepe. Tongana mbi yeke na popo ti azo kue, mbi yeke sara ye tongana azo kue titene mbi sara kue ti soo ambeni na popo ti ala.

2 Korente 1:12

Ye so e yeke gonda tere ti e daa ayeke so: be ti e afa na e atene, dutingo ti e na dunia so, e duti na vuru be nga na be so sioni oko ayeke daa pepe. E duti tongaso mbirimbiri na mbage ti ala na lege ti ndara ti azo pepe, me na lege ti nzoni be ti Nzapa.

2 Korente 8:20

E yeke sara kue titene azo akasa e pepe ndali ti lege so e yeke sara ye na kota nginza so a zia na maboko ti e.