2 Korente 6:17 - Mbeti ti Nzapa - Tënë so amu fini

¹⁷ Ndani laa *Kota Gbia Nzapa atene: “Ala sigigi na popo ti azo ni, ala duti yongoro! Ala ndu mbeni ye ti *sioni oko pepe, tongaso, fade mbi yeke yamba ala.”

2 Korente 6:17 ပူးပေါင်းရင်းမြစ်များ

Esdras 10:11

Fadeso, na le ti KOTA GBIA, Nzapa ti akotara ti ala, ala hinga sioni ti ala, ala sara ye so be ti lo aye. Ala kangbi na azo ti kodro ni nga na awali ti ala so ayeke awande.”

Esdras 6:21

Tongaso, azo ti Israel so alondo na kodro wande akiri, ala kue ate kobe ti Pake legeoko na azo so angba na kodro, ala so azia lani lege ti sarango ye ti akotara ti amara nde ti sese ni so aga *sioni so. Azo ni abongbi oko na a-ita ti ala, atanga ti azuife ti voro *KOTA GBIA Nzapa ti Israel.

Amato 9:6

Ala zia lege ti azo so le ti ala ahan pepe so si fade ala duti na fini! Ala mu lege so ala lingbi ti wara hingango ye daa!”

Ésaïe 52:11

Ala so ayeke yo akungba so a zia nde ndali ti kua ti *KOTA GBIA, ala hon, ala hon, ala londo na Babilone, ala hon! Ye so ayeke sioni, ala ndu ni pepe. Ala bata tere ti ala *nzoni na sigingo ti ala.

Jérémie 15:17

Mbi duti pepe na ya ti bongbi ti azo ti hengo ndo titene mbi na ala, e sara ngia. Me mo gbu mbi na ngangu awe si mbi duti gi mbi oko yamba, ngbanga ti so mo sara si be ti mbi aso ahon ndoni.

Jérémie 51:6

Ala azo, ala sigigi na ya ti Babilone, ala kpe ahon! Ayeke nzoni zo oko oko asoo fini ti lo; tongaso si ala kui ndali ti sioni ti lo pepe. Biani, ndembe titene KOTA GBIA akiri na kodro ni peko ti sioni ti lo alingbi awe. Lo futa kodro ni alingbi na ye so lo sara.

Wungo ti azo 16:21

“Ala londo na popo ti azo ni ahon, mbi yeke hunzi ala kue fafadeso.”

Wungo ti azo 16:26

Lo tene na azo ti Israel, lo tene: “Ala hon yongoro na tere ti ada ti bongo ti azo ti sioni so; ala mu mbeni ye ti azo ni so oko pepe, ngbanga ti ala kui ndali ti siokpari ti azo ni.”

Awatokua 2:40

Pierre atene ambeni tënë mingi, lo mu wango na ala titene tënë ni ali be ti ala si amu ngangu na be ti ala; lo tene: “Azo ti fadeso ayeke asioni zo; ayeke nzoni ala sigigi na popo ti ala si ala soo kuâ.”

Rome 15:7

Tongaso, ala yamba tere na popo ti ala, tongana ti so Christ ayamba ala ndali ti gonda ti Nzapa.

2 Korente 7:1

A-ita ti mbi so mbi ye ala mingi, azendo so kue ayeke ndali ti e. Tongaso, e *sukula sioni so kue ayeke na tere ti e nga na be ti e. Na lege ti kpengo mbeto ti Nzapa, e gi lege ti mu tere ti e kue na lo.

Ndia ti fani use ni 14:6

Ala lingbi ti te ambeni nyama so ya ti sokoto ti gere ti ala akangbi use si ala kiri ayeke te ya ti kobe so ala te kozoni awe.

Aye so Nzapa afa 18:4

Mbi kiri mbi ma mbeni go so alondo na yayu, atene: “Ala sigigi! Azo ti mbi, ala sigigi na ya ti gbata so, tongaso si ala bongbi na lo ti sara asiokpari ti lo pepe, tongaso si aye ti sioni so a leke ndali ti lo so asi na ala pepe.