2 Korente 6:16 - Mbeti ti Nzapa - Tënë so amu fini

¹⁶ Nyen laa abongbi da ti Nzapa na anzapa nde, nyen? E yeke tongana da ti Nzapa, lo so lo yeke na fini. Nzapa wani atene: “Fade mbi yeke duti na popo ti azo ni si mbi yeke tambula na popo ti ala; mbi yeke duti Nzapa ti ala si ala yeke duti azo ti mbi.”

2 Korente 6:16 ပူးပေါင်းရင်းမြစ်များ

1 Agbia 18:21

Élie ague nduru na azo ni kue si lo tene: “Lawa laa ala yeke zia ti gue mbage na mbage so? Tongana *KOTA GBIA laa ayeke Nzapa, ala mu peko ti lo. Tongana ayeke *Baal, ala mu peko ti lo.” Me mbeni zo na popo ti ala akiri tënë oko pepe.

Abia (Psaumes) 90:1

Sambela ti Moïse, zo ti Nzapa. Kota Gbia, ngu na ngu, mo yeke ndo so e yeke kpe daa ti bata tere ti e.

Sigingo 20:3

“Alingbi mo voro ambeni nzapa nde pepe, gi mbi oko.

Sigingo 23:13

“Aye so kue mbi mu yanga daa na ala so, ala sara ye alingbi na ni. Ala sambela ambeni nzapa nde pepe; ala di nga iri ti anzapa ni na yanga ti ala pepe.”

Sigingo 25:8

Fade azo ti Israel ayeke sara mbeni da so ayeke nde si ayeke nzoni kue ndali ti mbi titene mbi duti na popo ti ala.

Sigingo 29:45

Fade mbi yeke duti na popo ti azo ti Israel si mbi yeke duti Nzapa ti ala.

Sigingo 34:14

Fade ala yeke kuku akpo li ti ala na sese na gbe ti mbeni nzapa nde pepe, ngbanga ti so iri ti KOTA GBIA ayeke: ‘Lo so lo yeke sara mbanda’. Biani, mbi yeke Nzapa so mbi yeke sara mbanda.

Jérémie 24:7

Mbi yeke mu na ala be ti hinga so mbi yeke KOTA GBIA. Na be ti ala kue, fade ala yeke kiri na mbage ti mbi. Ala yeke duti azo ti mbi si mbi yeke duti Nzapa ti ala.

Jérémie 31:1

So tënë ti yanga ti *KOTA GBIA laa: “Na ngoi ni so, mbi yeke duti Nzapa ti asewa ti Israel kue; ala yeke duti azo ti mbi.”

Jérémie 31:33

So tënë ti yanga ti KOTA GBIA laa: Na peko ti alango ni so, mbuki so mbi na azo ti Israel e yeke sara ni ayeke so: mbi yeke su andia ti mbi taa na ya ti be ti ala, mbi yeke su ni na ndö ti be ti ala; mbi yeke duti Nzapa ti ala si ala yeke duti azo ti mbi.

Jérémie 32:38

Ala yeke kiri ti duti azo ti mbi si mbi yeke duti Nzapa ti ala.

Ezekiel 11:20

Tongaso, fade ala yeke sara ye alingbi na aye so mbi fa nga na atënë ti andia ti mbi. Fade ala yeke duti azo ti mbi si mbi yeke duti Nzapa ti ala.

Ezekiel 36:25

Mbi yeke tuku *nzoni ngu na ndö ti ala si ala ga *nzoni. Mbi yeke *sukula asioni ti ala kue, mbi yeke zi ayanda ti ala.

Ezekiel 36:28

Tongaso, fade ala yeke duti na sese so mbi mu ando na akotara ti ala; ala yeke duti azo ti mbi si mbi yeke duti Nzapa ti ala.

Ezekiel 43:7

Go ni atene na mbi: “*Molenge ti zo, ndo so ge so ayeke ndo ti mbata ti mbi ti gbia, ndo so mbi yeke zia gere ti mbi daa. Mbi yeke duti na ndo so lakue lakue na popo ti azo ti Israel. Iri ti mbi so ayeke nde si ayeke nzoni kue so, fade azo ti mara ti Israel na agbia ti ala ayeke kiri ti buba ni pepe na lege ti sarango ye ti ndumba ti ala wala na lege ti lungo akuâ ti agbia ti ala so akui so.

Ezekiel 43:9

Fadeso, ala zia sarango ye ti ndumba ti ala; ala zia akuâ ti agbia ti ala yongoro na tere ti mbi si mbi yeke duti na popo ti ala lakue lakue.

Osée 14:8

Azo ti mbi ayeke kiri ti duti na gbe ti de ti lo, ala yeke kiri ti lu ale ti *ble, ala yeke mai tongana keke ti vinye; sango ti ala ayeke mu ndo kue tongana ti pendere vin ti Liban.

Osée 2:23

Na lango ni so, fade mbi yeke sara ye so a hunda na mbi, so tënë ti yanga ti KOTA GBIA laa. Fade mbi yeke sara ye so le ti nduzu ayeke ku na mbage ti mbi si le ti nduzu ayeke sara ye so sese ayeke ku na mbage ti lo.

Awayango-sandaga 26:12

Mbi yeke tambula na popo ti ala; mbi yeke duti Nzapa ti ala si ala yeke duti azo ti mbi.

Sofonii 1:5

Fade mbi yeke hunzi azo so ayeke gue na li ti ada ti voro lâ, nze nga na atongoro, mbi yeke hunzi azo so ayeke voro mbi *KOTA GBIA si ala yeke deba na iri ti mbi, me na pekoni, ala yeke deba nga na iri ti yanda ti ala Milkom.

Zakarii 13:9

Fade mbi yeke mu ota mbage ti azo so angba na fini so, mbi yeke hon na ala na le ti wâ ti zi sioni ye na tere ti ala tongana ti so a yeke kporo wen ti nginza na ya ti wâ ti zi sioni ye na tere ni. Mbi yeke tara ala ti zi sioni ye na tere ti ala tongana ti so a yeke tara lôro na le ti wâ ti zi sioni ye na tere ni. Fade ala yeke iri mbi ti mu maboko na ala; ti mbi, mbi yeke ma ala. Mbi yeke tene: ‘Ala yeke azo ti mbi’, ala yeke tene: ‘KOTA GBIA ayeke Nzapa ti e.’ ”

Zakarii 8:8

Fade mbi yeke kiri na ala si ala yeke duti na Jérusalem. Ala yeke duti azo ti mbi si mbi yeke duti Nzapa ti ala. Mbi yeke sara komandema na ndö ti ala na lege ti batango tënë ti yanga ti mbi na fango ngbanga ti mbirimbiri.”

Matthieu 16:16

Simon Pierre akiri tënë: “Mo yeke *Mesii, Molenge ti Nzapa so ayeke na fini.”

Matthieu 6:24

“Zo oko alingbi ti sara kua na amakonzi use pepe, ngbanga ti so fade lo yeke ke mbeni oko si lo yeke ye mbeni; lo yeke ma yanga ti mbeni oko si lo yeke baa mbeni na le ti lo tongana senge zo. Ala lingbi ti sara kua na Nzapa nga na nginza legeoko pepe.”

Nzoni Tënë so Luc asu na mbeti 5:36

Jésus atene nga na ala mbeni toli, atene: “Zo alingbi ti suru yanga ti fini bongo ti fu na le ti ka ti ngbene bongo pepe. Tongaso pepe, fade fini bongo ni ayeke suru si nduru yanga ti fini bongo ni alingbi na ngbene bongo ni pepe.

Jean 14:23

Jésus akiri tënë na lo, atene: “Zo so aye mbi, fade lo yeke sara ye so mbi tene na lo. Babâ ti mbi ayeke ye lo si mbi na Babâ, e yeke ga ti duti na lo.

Jean 6:56

Zo so ate tere ti mbi si anyon mene ti mbi, zo so mbi na lo, e yeke duti oko laa.

Rome 8:11

Nzapa azingo Jésus na kuâ. Tongana Yingo ti Nzapa ayeke duti na be ti ala, fade Nzapa so azingo Jésus Christ na kuâ ayeke sara titene tere ti ala so ayeke kui kuingo so aduti na fini na lege ti Yingo ti lo so aduti na be ti ala.

Rome 8:9

Ti ala, ala yeke sara ye alingbi na asioni nzara ti be ti ala pepe, me ala yeke sara ye alingbi na ye so Yingo aye, ngbanga ti so Yingo ti Nzapa ayeke duti na be ti ala. Tongana zo ayeke na Yingo ti Christ pepe, lo yeke zo ti Christ pepe.

Rome 9:26

Na ndo so a tene ando na ala, atene: ‘ala yeke azo ti mbi pepe’, gi na ndo ni so laa a yeke iri ala amolenge ti Nzapa so ayeke na fini.”

1 Korente 10:21

Ala lingbi ti nyon ye na ya ti kopo ti Kota Gbia nga na ya ti kopo ti asioni yingo legeoko pepe; ala lingbi ti te kobe ti Kota Gbia na kobe ti asioni yingo legeoko pepe.

1 Korente 6:19

Ala hinga pepe atene, tere ti ala ayeke da so Yingo-Vuru ayeke duti daa? Yingo-Vuru so alondo na Nzapa si ayeke na ya ti ala. Ala yeke duti gi ndali ti ala wani pepe.

Efeze 2:20

Ala yeke da so Nzapa asara; gere ti da ni ayeke *awatokua na awayanga-Nzapa si Jésus Christ wani ayeke ngangu têne ti gere ti da ni.

Efeze 2:22

Na lege ti gango so ala ga oko na lo, a mu ala na atanga ni kue ti sara na da so Yingo ti Nzapa wani ayeke duti daa.

Efeze 3:17

Mbi hunda titene Christ aduti na be ti ala na lege ti mabe! Ayeke nzoni sarango ye ti ala kue aluti na ndö ti ndoye tongana ti so gere ti keke ali sese wala tongana ti so da aluti ngangu na ndö ti gere ni.

Ndia ti fani use ni 5:7

“Alingbi mo voro ambeni nzapa nde pepe, gi mbi oko.

1 Timothée 3:15

Me tongana mbi si hio pepe, mbi ye mo hinga lege ti duti na popo ti azo ti Nzapa, so ti tene na popo ti azo ti *Eglize ti Nzapa, lo so lo yeke na fini. Eglize ni ayeke ya taa-tënë na nduzu si ayeke gbu ni ngangu.

2 Timothée 1:14

Nzoni ye so Nzapa azia na maboko ti mo, mo bata ni nzoni na lege ti Yingo-Vuru so ayeke na ya ti e.

Ahebro 3:6

Ti Christ, lo sara kua ni na legeni tongana Molenge ti Nzapa, lo yeke na komandema na ndö ti da ti Babâ ti lo. E laa e yeke da ni tongana e ngba ti zia be ti e na ndö ti ye so e yeke ku ni si e gonda tere ti e daa.

Ahebro 8:10

Kota Gbia atene: Baa, mbuki so mbi na azo ti Israel, e yeke sara ni ayeke so: Na peko ti alango ni so, mbi yeke mu andia ti mbi na ala, mbi yeke su ni na ya ti li ti ala nga na ndö ti be ti ala. Mbi yeke duti Nzapa ti ala si ala yeke duti azo ti mbi.

Jacques 4:5

Tënë so Mbeti ti Nzapa atene: “Yingo so Nzapa azia na ya ti e, lo ye ni ngangu mingi”, ala baa ni tongana senge senge tënë pepe.

1 Pierre 2:5

Ala nga, ala yeke tongana atêne so ayeke na fini. Ala sara si Nzapa amu ala ti sara na da so ayeke ti Yingo. Tongaso, fade bongbi ti ala ayeke ga bongbi ti awayango-sandaga so ayeke nde si ayeke nzoni kue, ala yeke mu na lo asandaga so Yingo afa na ala ti mungo ni si ayeke nzere na be ti Nzapa na lege ti Jésus Christ.

1 Jean 4:12

Zo oko ade ti baa Nzapa pepe. Tongana e ye tere na popo ti e, Nzapa ayeke na e; so afa nga atene, na be ti e ndoye ti lo alingbi kue.

1 Jean 4:15

Zo so atene na yanga ti lo atene, Jésus ayeke Molenge ti Nzapa, lo na Nzapa angba ti duti oko biani.

Aye so Nzapa afa 2:1

“Su mbeti so, mo tokua na *ange so ayeke na li ti *Eglize ti gbata ti Efeze: “Baa, lo so lo gbu atongoro mbarambara na maboko ti lo ti koli si ayeke tambula na popo ti agere ti lamba mbarambara so a sara ni na lôro, atene:

Aye so Nzapa afa 21:3

Mbi ma mbeni kota go so alondo na mbage ti mbata ti gbia ni, atene: “Fadeso, da so Nzapa aduti daa asi na popo ti azo awe! Lo yeke sara kodro na ala, ala yeke duti amara ti lo. Lo wani, lo yeke duti na ala, lo yeke duti Nzapa ti ala.

Aye so Nzapa afa 21:7

Zo so aso benda, fade mbi yeke mu aye so na lo; mbi yeke duti Nzapa ti lo si lo yeke duti molenge ti mbi.