2 Korente 6:14 - Mbeti ti Nzapa - Tënë so amu fini

¹⁴ Azo so ama na be pepe, ala bongbi oko na ala ti sara kua pepe. Ye ti mbirimbiri na ye ti sioni ayeke bongbi oko tongana nyen? Zango ndo na vukongo ndo ayeke duti na ndo oko?

2 Korente 6:14 ပူးပေါင်းရင်းမြစ်များ

Tongo nda ti aye 24:3

Mbi ye titene mo deba yanga ti mo na iri ti KOTA GBIA, Nzapa ti yayu na ti sese. Tene na mbi, mo tene, mo yeke mu ande mbeni wali na popo ti amolenge-wali ti azo ti Kanaan so mbi yeke duti na popo ti ala so, ti mu na molenge ti mbi pepe.

1 Agbia 18:21

Élie ague nduru na azo ni kue si lo tene: “Lawa laa ala yeke zia ti gue mbage na mbage so? Tongana *KOTA GBIA laa ayeke Nzapa, ala mu peko ti lo. Tongana ayeke *Baal, ala mu peko ti lo.” Me mbeni zo na popo ti ala akiri tënë oko pepe.

2 Mbai 19:2

Zo ti bango nda ti aye Yehu, molenge ti Hanani, aga awara gbia Yosafat na lege si atene na lo: “Mo mu maboko na sioni zo tongaso ngbanga ti nyen? Azo so be ti ala ake *KOTA GBIA so, mo ye ala ngbanga ti nyen? Ndali ti ye so mo sara so, KOTA GBIA ayeke sara ngonzo na tere ti mo.

Esdras 10:19

Ala deba yanga ti ala ti tumba awali ti ala; ala deba yanga ti ala nga ti mu koli-taba na *sandaga titene Nzapa azi siokpari ti ala.

Abia (Psaumes) 106:35

Ala bongbi na azo ti amara nde si ala manda lege ti sarango ye ti azo ni.

Abia (Psaumes) 119:63

Mbi yeke sara songo na amba ti mbi so kue akpe mbeto ti mo, ala so asara ye alingbi na andia ti mo.

Abia (Psaumes) 16:3

Na ya ti kodro so, anzapa nde nde ayeke daa, mbi yeke ne ando ala mingi, me ti fadeso, mbi tene:

Sigingo 34:16

Tongana ala mu awali ti kodro ni ti ga awali ti amolenge ti ala, fade awali ni ayeke kpe na peko ti anzapa ti ala si ala yeke handa amolenge ti ala, azo ti Israel ti kpe nga na peko ti anzapa ti awali ni.

Amato 22:24

Zo so be ti lo gi wâ wâ, mo na lo asara kamarade pepe; zo so ayeke na ngonzo ti wâ mingi, mo na lo afono pepe.

Amato 29:27

Be ti azo ti mbirimbiri ake azo ti kirikiri mingi; be ti azo ti sioni ake azo so sarango ye ti ala ayeke na legeni.

Awayango-sandaga 19:19

“Alingbi ala bata andia ti mbi so: Ala zia mara ti anyama ti ala use nde nde abongbi koli na wali pepe. Alingbi ala lu mara ti ale ti kobe use nde nde na yaka ti ala pepe. Abongo so a sara na mara ti akamba use nde nde, ala yu ni pepe.

Malashii 2:11

Azo ti Juda asara ye so ayeke nde na tënë ti mbuki ni. Na Jérusalem nga na kodro ti Israel kue, ala sara ye ti sioni mingi. Biani, ndo so a zia ni nde ndali ti KOTA GBIA si lo ye tënë ni mingi so, ala sara si aga buba ye na lege ti mungo ambeni wali so ayeke voro anzapa nde.

Malashii 2:15

Mbeni zo so li ti lo ayeke daa kete asara mara ti ye tongaso pepe. Gi mbeni zo oko si asara ando ni; me lo sara ni ngbanga ti nyen? Lo sara ni ngbanga ti so lo yeke gi ti wara molenge so Nzapa atene tënë ti mungo lo na lo so. Ala sara hange! Ala bata fini ti ala. Zo oko abuba lege ti mbuki ti lo na wali ti lo ti maseka pepe!

Jean 7:7

Azo ti dunia alingbi ti ke ala pepe; me azo ni ake mbi, ngbanga ti so mbi tene tënë na ndö ti ala, mbi tene: aye so ala ayeke sara ayeke sioni.

Awatokua 4:23

Na peko ti so a zi ala awe, Pierre na Jean akiri na popo ti amba ti ala si ala fa peko ti tënë so akota wayango-sandaga na *akangba atene na ala.

1 Korente 10:21

Ala lingbi ti nyon ye na ya ti kopo ti Kota Gbia nga na ya ti kopo ti asioni yingo legeoko pepe; ala lingbi ti te kobe ti Kota Gbia na kobe ti asioni yingo legeoko pepe.

1 Korente 15:33

Ala handa tere ti ala pepe. “Mo mu peko ti zo ti sioni, mo yeke ga zo ti sioni.”

1 Korente 5:9

Na ya ti mbeti so mbi tokua na ala kozoni, mbi tene: “Azo so ayeke gi wali wala koli kirikiri so, ala sara songo na ala pepe.”

1 Korente 6:6

Mbeni zo ti Christ ague na mba ti lo na ngbanga, lo gue na lo na gbe ti azo so ama na be pepe!

1 Korente 7:39

Wali so amu koli ayeke ngba na koli ti lo na ngoi so kue koli ni ayeke na fini. Tongana koli ni akui awe, lo lingbi ti mu mbeni koli nde senge tongana ti so be ti lo aye; gi ye oko, ayeke nzoni koli ni ayeke zo ti Christ.

Filipe 2:15

Tongaso, fade ala yeke duti azo so tënë ayeke na li ti ala pepe, azo so ayeke nzoni kue, amolenge ti Nzapa so ayeke sioni pepe na popo ti azo ti fadeso so ayeke sioni si ayeke sara kirikiri. Na popo ti azo ni, ala yeke duti tongana wâ so ayeke za na dunia so.

Jacques 4:4

Ala so ado lege ti Nzapa azia so! Ala hinga pepe? Zo so aye tënë ti aye ti dunia so, andaa lo ke Nzapa awe; zo so aye tënë ti aye ti dunia so, andaa lo ga wato ti Nzapa awe.