2 Korente 6:11 - Mbeti ti Nzapa - Tënë so amu fini

¹¹ A-ita azo ti Korente, e tene tënë na ala polele awe, e zi be ti e kue na ala.

2 Korente 6:11 ပူးပေါင်းရင်းမြစ်များ

Mbeti ti Job 32:20

Ala zia mbi, mbi tene tënë si mbi wu pupu. Mbi ye ti zi yanga ti mbi si mbi kiri tënë.

Abia (Psaumes) 119:32

Mbi yeke kpe loro na lege so atënë ti ndia ti mo afa, ngbanga ti so mo sara si be ti mbi ade.

Abia (Psaumes) 51:15

Fade mbi yeke fa lege ti mo na azo so ake ndia ti mo si azo ti sarango siokpari ayeke kiri na mbage ti mo.

Ésaïe 60:5

Tongana mo baa ala, mo yeke wara ngia mingi, be ti mo ayeke do si ayeke si singo na ngia. Biani, fade a yeke mu anzoni ye ti kota ngu-ingo ti ga na ni na mo; amosoro ti amara nde ayeke ga ngbii ti si mo.

Ezekiel 33:22

Na lakui, kozoni si zo so asi, maboko ti KOTA GBIA ayeke na ndö ti mbi. Na ndade ni, na ndaperere, tongana zo ni asi, andaa Nzapa azi yanga ti mbi awe, mbi yeke buburu mbeni pepe.

Habakuk 2:5

Biani, mosoro ayeke handa zo handango: zo ti baba ayeke duti kpoo pepe, lo yeke zi yanga ti lo kota tongana ndo ti akuâ; lo yeke tongana kuâ so nzara ti lo ayeke hunzi pepe. Lo bongbi amara kue na tere ti lo, lo zia azo kue na gbe ti komandema ti lo.

Awatokua 18:1

Na pekoni, Paul alondo na Athènes si lo gue na Korente.

Awatokua 18:8

Krispus, makonzi ti da ti sambelango Nzapa ni ama na be na *Kota Gbia, lo na azo ti sewa ti lo kue. Ambeni zo ti Korente mingi ama tënë so Paul afa, ala ma na be si ala wara bateme.

2 Korente 12:15

Ti mbi, fade mbi yeke buba aye ti mbi kue si mbi yeke ka fini ti mbi ndali ti ala. Tongana mbi ye ala ahon ndoni, fade ala yeke ye mbi gi kete?

2 Korente 2:4

Biani, na ndembe so mbi su mbeti ti tokua na ala, be ti mbi ayeke na vundu, mbi yeke na siriri pepe, mbi yeke na ngu ti le na le ti mbi. Mbi su mbeti ni ti zia vundu na be ti ala pepe, me titene ala hinga atene, mbi ye ala ahon ndoni.

Galasii 3:1

Ala azo ti Galasii, so buba ti nyen? Zo wa laa aturne li ti ala, zo wa? Andaa, a fa na ala polele tënë ti kuâ ti Christ na ndö ti keke ti kroa!

Galasii 4:12

A-ita, mbi gbu gere ti ala, ala ga tongana mbi, tongana ti so mbi nga, mbi ga lani tongana ala. Lani ala sara sioni oko na mbi pepe.

Efeze 6:19

Ala sambela nga ndali ti mbi titene Nzapa azia tënë ti lo na yanga ti mbi si mbi fa Nzoni Tënë na azo na mbeto pepe; Nzoni Tënë so angba fade na hondengo ni.

Efeze 6:8

Ayeke nzoni ala hinga atene, tongana mbeni zo asara nzoni kua, fade Kota Gbia ayeke futa lo, ataa zo ni ayeke ngbaa wala lo yeke ngbaa pepe.

Filipe 1:8

Na le ti Nzapa, mbi ye ala kue na be ti mbi oko tongana ti so Jésus Christ aye na ala.

Filipe 4:15

Ala azo ti *Eglize ti Filipe, ala wani ahinga atene, na ndembe so mbi londo lani na Masedoane, na ngoi so a to nda ti fango Nzoni Tënë, gi ala oko laa amu na mbi maboko, ala mu ye na mbi na peko ti ye so mbi mu na ala; mbeni Eglize nde asara tongaso pepe.

Aye so Nzapa afa 22:12

Jésus atene: “Baa, mbi yeke ga fafadeso! Mbi yeke ga na futa ti mbi ti kangbi na zo oko oko alingbi na ye so lo sara.

1 Samuel 2:1

Anne asambela, atene: “Ndali ti *KOTA GBIA, be ti mbi ayeke na ngia mingi; ndali ti KOTA GBIA, kamene ahon na le ti mbi. Mbi lingbi ti zi yanga na awato ti mbi. Be ti mbi anzere mingi ndali ti so mo soo mbi awe.