2 Korente 5:6 - Mbeti ti Nzapa - Tënë so amu fini

⁶ Tongaso be ti e awoko laoko pepe. E hinga, e tene, na ngoi so kue e ngba na ya ti tere so, e yeke duti yongoro na *Kota Gbia.

2 Korente 5:6 ပူးပေါင်းရင်းမြစ်များ

1 Mbai 29:15

Biani, na le ti mo, e yeke awande, e yeke agene tongana akotara ti e. Fini ti e na ndö ti sese so ayeke tongana gbe ti de so ayeke hon hongo, mbeni ye titene e zia be ti e ti ku ayeke daa pepe.

Abia (Psaumes) 119:19

Mbi yeke wande na sese so, honde atënë ti ndia ti mo na mbi pepe.

Abia (Psaumes) 39:12

Tongana mo ye ti kiri zo na nzoni lege, mo yeke pika lo ndali ti sioni ti lo. Mo yeke buba ye so lo ye mingi tongana ti so ngusu ayeke buba ye. Biani, zo ayeke gi pupu senge! Luti kete

Amato 14:26

Zo so ayeke kpe mbeto ti KOTA GBIA, sioni ye oko ayeke si na lo pepe; KOTA GBIA ayeke ndo ti batango tere ti amolenge ti lo.

Ésaïe 30:15

Biani, Kota Gbia NZAPA ti Israel, lo so lo yeke nde si lo yeke nzoni kue, tënë so lo tene ayeke so: Ala lingbi ti soo kuâ gi tongana ala kiri na mbi si ala duti kpoo. Ala yeke wara ngangu gi tongana ala duti kpoo si ala zia be ti ala na ndö ti mbi. Me ala ye pepe.

Ésaïe 36:4

Makonzi ti aturugu ti batango gbia ti Asirii atene na ala: “Ala gue, atene na Ezekias, atene: Tënë so kota gbia, gbia ti Asirii atene ayeke so: ‘So ziango be ti nyen laa mo zia na ndö ti ye so!

2 Korente 5:1

Biani, na ndö ti sese so, tere ti e ti zo akpa da ti bongo so ayeke buba mbeni lâ; me e hinga, e tene, na yayu, e yeke na da so ayeke ngba lakue lakue. Nzapa laa asara ni, maboko ti zo laa asara ni pepe.

2 Korente 5:8

Be ti e awoko oko pepe, e ye mingi ti zia tere so e yeke na ni so ti gue ti duti na tere ti Kota Gbia.

Ahebro 10:35

Tongaso, be ti ala so ala zia na ndö ti Nzapa, ala girisa ni pepe, fade ala yeke wara kota ye na peko ni.

Ahebro 11:13

Azo so kue angba na lege ti mabe si ala kui. Aye so Nzapa amu zendo ni, ala wara ni pepe, me ala ngba yongoro, ala baa ni bango si ala bara ni. Ala hinga biani atene, ala yeke awande, azo ti lege senge na ndö ti sese so.

Ahebro 13:14

Biani, ge na ndö ti sese so, mbeni kodro so ayeke ngba lakue lakue titene e duti daa ayeke pepe, me e yeke gi lege ti kodro so e yeke duti daa gbanda.

1 Pierre 5:1

Fadeso mbi yeke mu wango na *akangba ti *Eglize so ayeke na popo ti ala. Mbi nga, mbi yeke kangba tongana ala. Mbi baa na le ti mbi pasi so Christ abaa ando; legeoko na ala, fade mbi yeke li na ya ti gonda so ayeke si.

Aye so Nzapa afa 1:9

Mbi Jean, ita ti ala, mbi na ala kue, e yeke na ya ti ye ti ngangu. Na lege ti gango so e ga oko na Jésus, e yeke kanga be ti e na ya ti ye ti ngangu ni si mbi na ala, e yeke azo ti *Kodro-gbia ti Nzapa. A bi mbi na ya ti zoa ti Patmos ndali ti tënë ti Nzapa so mbi fa nga ndali ti taa-tënë so Jésus afa.