2 Korente 5:3 - Mbeti ti Nzapa - Tënë so amu fini

³ Kota ye ni ayeke titene bongo aduti na tere ti e si tere ti e ni angba senge pepe.

2 Korente 5:3 ပူးပေါင်းရင်းမြစ်များ

Sigingo 32:25

Moïse abaa atene, Aaron azia azo ni ti sara ye ti be ti ala; tongaso si ala lingbi ti ga ye ti ngia na le ti awato ti ala.

2 Korente 5:2

E yeke dema si e yeke gi lege ngangu ti yu mbeni bongo ni, so ti tene da ti e so ayeke na yayu.

2 Korente 5:4

Biani, na ngoi so kue e yeke na ya ti da ti bongo so, so ti tene na ya ti tere ti e ti zo, e yeke dema na gbe ti mbeni nengo kungba. E ye ti zia tere ti e ti zo so pepe, me e ye titene a yu bongo ti yayu na ndö ti tere ni so, tongaso si fini amene ye so ayeke kui so.

Aye so Nzapa afa 16:15

Kota Gbia atene: “Baa, mbi yeke ga tongana zo ti nzi! Ti lo nzoni, zo so alango pepe si lo bata bongo ti lo na tere ti lo. Tongaso, fade lo yeke tambula na tere ti lo senge pepe, kamene ayeke sara lo na le ti azo pepe.”

Aye so Nzapa afa 3:18

Ndani laa mbi yeke mu wango na mo titene mo vo lôro so a kporo ni na wâ si a zi asioni ye kue daa so; vo ni na maboko ti mbi si mo ga zo ti mosoro. Vo nga abongo na maboko ti mbi titene mo yu si azo abaa tere ti mo so ayeke senge so pepe. Vo yoro ti le na maboko ti mbi, mo zia na le ti mo si mo kiri mo baa ndo nzoni.