2 Korente 5:19 - Mbeti ti Nzapa - Tënë so amu fini

¹⁹ Biani, Nzapa laa asara si songo akiri na popo ti lo na azo na lege ti Christ. Lo kanga le ti lo na ndö ti asiokpari ti azo, lo zia tënë ti lekengo songo na yanga ti e ti tene ni na azo.

2 Korente 5:19 ပူးပေါင်းရင်းမြစ်များ

Ésaïe 43:25

Me mbi, gi mbi oko, mbi wani laa mbi yeke zi siokpari na li ti mo; fade mbi yeke kiri ti dabe ti mbi na sioni ti mo pepe.

Ésaïe 44:22

Asioni ti mo, mbi mbo ni tongana mbinda ti le ti nduzu; asiokpari ti mo, mbi zi ni tongana mbinda so ayeke hon hongo. Kiri na mbi, ngbanga ti so mbi soo mo awe.”

Wungo ti azo 9:16

Ye ni ayeke sara gi tongaso lakue; so ti tene, mbinda ni amu ndö ti da ni kue si na bi, ayeke za zango tongana wâ.

Matthieu 1:23

“Baa, fade maseka-wali so ade ti hinga koli pepe ayeke mu ngo, lo yeke du molenge-koli; fade a yeke di iri ti lo Emmanuel.” – Nda ti iri so atene: “Nzapa ayeke na e”. –

Jean 14:20

Na lango ni so, fade ala yeke hinga atene, mbi na Babâ, e yeke oko, mbi na ala nga, e yeke oko.

Jean 17:23

Mbi ga oko na ala, tongana ti so mbi na mo, e yeke oko si ala ga oko biani, tongaso si azo ti dunia ahinga atene, mo laa mo tokua mbi, tongaso si ala hinga nga atene, mo ye ala tongana ti so mo ye mbi.

Rome 11:15

So Nzapa apusu azuife yamba so, ni laa asara si songo akiri na popo ti azo ti dunia na Nzapa. Tongana Nzapa akiri ande na azuife na tere ti lo, fade ye ni ayeke duti tongana nyen? Ye ni ayeke duti tongana ti azo so akui si akiri na fini!

1 Korente 13:5

lo yeke sara ye ti kamene pepe, lo yeke gi gi nzoni ti lo wani pepe, lo yeke sara ngonzo hio hio pepe, lo yeke bata zo na be pepe;

Kolose 2:9

Biani, Nzapa aduti kue kue kue na ya ti tere ti Christ so aga zo.

1 Timothée 3:16

Biani, tënë ti mabe so a sigigi na nda ni awe ayeke kota tënë mingi, tënë ni ayeke so: Christ amu tere ti zo si lo fa tere ti lo na azo, Yingo-Vuru afa atene, lo yeke zo ti mbirimbiri, *a-ange abaa lo. A fa tënë ti lo na azo ti amara nde, azo ti dunia ama na be na lo si lo gue na yayu na ya ti gonda.

1 Jean 4:10

Nda ti tënë ti ndoye ayeke so: e laa e ye Nzapa pepe, me Nzapa laa aye e si lo tokua Molenge ti lo ti mu tere ti lo na *sandaga ti zi asiokpari ti e.