2 Korente 5:15 - Mbeti ti Nzapa - Tënë so amu fini

¹⁵ Lo kui ndali ti azo kue titene azo so angba na fini, ala ngba na fini ndali ti ala wani pepe, me ndali ti lo so lo kui si lo zingo na kuâ ndali ti ala.

2 Korente 5:15 ပူးပေါင်းရင်းမြစ်များ

2 Agbia 5:17

Naaman atene: “Ndali ti so mo ke awe, ayeke nzoni mo zia lege titene a mu na mbi, zo ti kua ti mo mbeni sese ti kodro so mbi gue na ni. Mbi yeke zia ni na ndö ti ambarata use titene ala yo ni. Biani, *sandaga so a yeke gbi ni kue na wâ wala sandaga ti beoko, mbi yeke kiri ti mu ni na ambeni nzapa nde pepe, gi na KOTA GBIA oko.

Ezekiel 16:6

Mbi hon nduru na tere ti mo si mbi baa mo na ndembe so mo yeke tirika tere ti mo na ya ti mene ti mo. Ataa so mene amu tere ti mo kue, mbi tene na mo: ‘Ngba na fini!’ Biani, mbi tene na mo: ‘Ngba na fini!’

Ezekiel 37:14

Mbi yeke zia yingo ti mbi na ya ti ala si ala kiri ti duti na fini. Mbi yeke zia ala na sese ti ala. Tongaso, fade ala yeke hinga atene, mbi laa mbi yeke KOTA GBIA; mbi tene tënë awe, mbi yeke sara ye ni. So tënë ti yanga ti mbi KOTA GBIA laa.”

Ezekiel 37:9

Tongaso KOTA GBIA atene na mbi: “Molenge ti zo, tene peko ti tënë ti yanga ti mbi na ndö ti pupu; tene peko ti tënë ti yanga ti mbi, mo tene: Tënë so Kota Gbia NZAPA atene ayeke so: ‘Pupu, londo na andangoro osio ti sese kue, mo ya na ndö ti akuâ so si ala kiri ti duti na fini!’ ”

Habakuk 2:4

Su tënë ni tongaso: ‘Zo so baba ahon ndö ti lo, fade lo yeke kui; me fade zo ti mbirimbiri ayeke na fini na lege ti batango tënë ti yanga ti Nzapa.’

Zakarii 10:9

Mbi kangbi lani ala na popo ti amara nde, me kâ, na yongoro ndo, ala yeke dabe ti ala na mbi; ala na amolenge ti ala ayeke duti kâ si na pekoni, ala yeke kiri.

Nzoni Tënë so Luc asu na mbeti 1:74

‘Mbi yeke zi ala na maboko ti awato ti ala titene ala voro mbi na mbeto pepe,

Jean 5:24

“Biani, mbi tene na ala taa-tënë: zo so ama tënë ti mbi si lo ma na be na lo so atokua mbi, lo yeke na fini so angba lakue lakue. A yeke fâ ngbanga na li ti lo pepe, me lo sigigi na ya ti kuâ awe si lo yeke na fini.

Jean 6:57

Babâ ti mbi so atokua mbi, lo yeke na fini; na lege ti lo laa mbi yeke na fini. Nilaa, zo so ate tere ti mbi, lo yeke ngba na fini na lege ti mbi.

Rome 12:1

A-ita, so Nzapa abaa mawa ti e ahon ndoni awe so, mbi hunda na ala mingi titene ala mu tere ti ala kue na Nzapa tongana *sandaga so ayeke na fini, sandaga so ayeke nde, ayeke nzoni kue si anzere na lo. So mbirimbiri lege ti vorongo Nzapa laa.

Rome 4:25

Lo so a mu lo ndali ti siokpari ti e, Nzapa azingo lo na kuâ ti sara si e ga azo ti mbirimbiri.

Rome 6:2

Oko pepe! E so e kui si e kangbi na siokpari awe so, fade e yeke ngba na ya ti siokpari tongana nyen?

Rome 6:6

E hinga so dutingo ti e ti kozo akui legeoko na Christ na ndö ti keke ti kroa awe. Tongaso sioni nzara ti be ti e akui nga si e kiri e duti na gbe ti ngbaa ti siokpari pepe.

Rome 8:10

Tongana Christ ayeke na be ti ala, Yingo ti lo ayeke sara si ala duti na fini, ngbanga ti so, na le ti Nzapa, ala ga azo ti mbirimbiri awe, ataa so tere ti ala aduti ti ku gi kuâ ndali ti siokpari.

Rome 8:2

Biani, *Ndia ti Yingo ayeke mu fini na zo na lege ti gango so zo ni aga oko na Jésus Christ. Ndia ti Yingo ni azi mbi na gbe ti ndia ti siokpari nga na ti kuâ awe.

Rome 8:6

Asioni nzara ti be ti zo ayeke gue na lo na kuâ; me zo so be ti lo ayeke gi na ndö ti ye so Yingo aye, fade lo yeke duti na fini nga na siriri.

1 Korente 10:33

Ala sara ye tongana mbi: mbi yeke gi lege ti sara kue titene mbi ga nzoni na le ti azo kue. Mbi yeke gi gi nzoni ti mbi wani pepe, me mbi yeke gi nzoni ti azo mingi si ala soo kuâ.

2 Korente 12:10

Ndani laa mbi yeke duti na ngia na ndembe so mbi yeke na ngangu pepe, nga na ndembe so azo ayeke zonga mbi, wala aye ayeke gi mbi mbage na mbage, wala azo ayeke sara ngangu na mbi, wala mbi yeke na kpale mingi ndali ti Christ. Biani, na ndembe so mbi yeke na ngangu pepe, na ndembe so laa mbi yeke na ngangu.

2 Korente 3:6

Lo laa lo sara si e ga azo so alingbi ti sara kua ti fini *mbuki so alondo na ndia so a su ni sungo pepe, me so alondo na Yingo-Vuru. Ndia so a su ni sungo ayeke gue na zo na kuâ, me Yingo ayeke mu fini na zo.

2 Korente 5:16

Ndani laa, ti fadeso, e yeke kiri ti baa zo oko na le ti e na bango ndo ti zo pepe. Ataa so e baa Christ ando na le ti e na bango ndo ti zo, ti fadeso e yeke kiri ti baa lo tongaso pepe.

Galasii 5:25

Yingo laa asara si e duti na fini, nilaa ayeke nzoni e mu lege na lo ti fa lege na fini ti e.

Efeze 4:17

Tongaso, na iri ti *Kota Gbia, mbi yeke tene tënë so biani na ala: ala kiri asara ye tongana ti azo ti amara nde pepe, ngbanga ti so atënë ti be ti azo ti amara nde ayeke buba ye.

Efeze 5:14

ngbanga ti so ye so a fa ni na gigi polele aga ye so ayeke na ya ti lumiere. Ndani laa, a tene: “Mo zingo, mo so mo yeke lango. Mo londo na popo ti akuâ, fade Christ aza lumiere ti lo na ndö ti mo.”

Kolose 2:12

So ala wara bateme, a lu ala na Christ awe si a zingo ala na kuâ legeoko na lo, ngbanga ti so ala ma na be na ngangu ti Nzapa so azingo lo na kuâ.

Kolose 3:1

So ala na Christ azingo na kuâ awe, ala gi lege ti wara aye so ayeke na yayu, ndo so Christ aduti na tere ti Nzapa na mbage ti maboko ti lo ti koli.

Kolose 3:17

Atënë so kue ala yeke tene, wala aye so kue ala yeke sara, ala sara ni na iri ti *Kota Gbia Jésus, ala mu singila na Nzapa Babâ na lege ti lo.

Kolose 3:23

Ataa kua ni ayeke tongana nyen, ala sara ni na be ti ala kue, ngbanga ti so kua ni ayeke gi ndali ti azo pepe, me ndali ti Kota Gbia.

1 Tesalonike 5:10

so akui ndali ti e, tongaso si, ataa e ngba na fini wala e kui, e duti na fini oko na lo.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

1 Pierre 4:6

Ndani laa a fa nga ando Nzoni Tënë na azo so akui awe. A fâ ngbanga ti ala alingbi na ye so ala sara tongana ti azo kue. Fadeso, na lege ti Yingo, ala lingbi ti duti na fini tongana ti Nzapa.

1 Jean 4:9

Lege so Nzapa afa yengo so lo ye na e ayeke so: lo tokua oko Molenge ti lo na dunia so titene e duti na fini na lege ti lo.

Aye so Nzapa afa 1:18

lo so lo yeke na fini. Mbi kui ando, me mo baa, mbi yeke na fini kpu na kpu. Mbi yeke na ngangu na ndö ti kuâ nga na ndö ti ndo ti akuâ.