2 Korente 5:11 - Mbeti ti Nzapa - Tënë so amu fini

¹¹ E hinga lege ti kpengo mbeto ti *Kota Gbia awe, nilaa e yeke gi lege ti sara kue titene azo ayeda na tënë ti lo. Nzapa ahinga e nzoni mingi, mbi hinga, mbi tene, gbaa na be ti ala kâ, ala nga ahinga mbi nzoni mingi.

2 Korente 5:11 ပူးပေါင်းရင်းမြစ်များ

Tongo nda ti aye 35:5

Na pekoni, ala londo, ahon. Nzapa asara si kota mbeto agbu azo ti agbata so ayeke nduru na ala. Tongaso zo oko atumba peko ti amolenge ti Jacob pepe.

Mbeti ti Job 18:11

Mbage na mbage kue, kota mbeto agbu lo; mbeto ni ayeke mu peko ti lo na ndo so kue lo yeke gue daa.

Mbeti ti Job 31:23

Biani, mbeto titene Nzapa atokua kpale na ndö ti mbi asara mbi mingi; nilaa mbi sara ni pepe. Mbi kpa ti luti na dawa ti gonda ti lo ti sara mara ti ye tongaso?

Mbeti ti Job 6:4

Biani, Nzapa so ngangu ti lo ahon angangu kue akpo mbi na ale ti kokora ti lo; sioni yoro ti yanga ti ale ti kokora ni alinda na ya ti tere ti mbi. Aye so Nzapa ayeke tokua ti zia mbeto na be ti azo aleke tere ti tiri bira na mbi.

Abia (Psaumes) 73:19

Gi hio tongaso, ye kue abuba awe! Ti ala ahunzi awe, mbeto afâ ala awe!

Abia (Psaumes) 76:7

Nzapa ti Jacob, tongana mo suku na ala, azo ti kpengo na mbarata nga na ambarata ni aluti kpoo.

Abia (Psaumes) 90:11

Zo wa laa alingbi ti hinga ngangu ti ngonzo ti mo? Zo so akpe mbeto ti mo laa ahinga ngonzo ti mo nzoni mingi!

Ésaïe 19:16

Na lango ni so, azo ti Ezipte ayeke ga tongana awali; ala yeke do na mbeto na ndembe so *KOTA GBIA so ayeke na ndö ti dunia kue ayeke yoro maboko ti lo ti be le na ala.

Ésaïe 33:14

Na *Sion, azo ti siokpari ado na mbeto, tere ti azo ti sioni ado. Ala yeke hunda tere ti ala, atene: “Wâ so ayeke gbi ye kue so, zo wa na popo ti e alingbi ande ti luti na tere ni, zo wa? Zo wa na popo ti e alingbi ti luti na tere ti kota wâ so ayeke gbi lakue lakue so zo wa?”

Nahum 1:6

Tongana lo sara ngonzo, zo wa laa ayeke luti na le ti lo, zo wa? Tongana ngonzo ti lo alondo tongana wâ, zo wa laa ayeke ngba na fini, zo wa? Ngonzo ti lo ayeke gbi ye kue tongana ti so kota wâ ayeke gbi ye kue; ya ti akota têne ayeke suru na dawa ti lo.

Matthieu 10:28

Azo so ayeke fâ tere ti zo, ala sara mbeto ti ala pepe; azo ni alingbi ti fâ yingo ti zo pepe. Me ayeke nzoni ala kpe mbeto ti Nzapa so alingbi ti sara si tere ti zo na yingo ti lo kue abuba na ndo so wâ ayeke gbi daa lakue.

Matthieu 25:46

Fade asioni zo so ayeke gue na ngbanga so angba lakue lakue si azo ti mbirimbiri ayeke gue ti duti na fini so angba lakue lakue.”

Nzoni Tënë so Luc asu na mbeti 12:5

Me mbi ye ti fa na ala lo so ala lingbi ti kpe mbeto ti lo. Ayeke nzoni ala kpe mbeto ti Nzapa so, tongana lo fâ zo awe, lo yeke na ngangu ti bi zo ni na ndo so wâ ayeke gbi daa lakue. Biani, mbi tene na ala: lo laa ala lingbi ti kpe mbeto ti lo.

Nzoni Tënë so Luc asu na mbeti 16:31

Abraham atene: ‘So ala ma Moïse na awayanga-Nzapa pepe so, tongana mbeni zo azingo na kuâ si ague, atene tënë na ala, ala lingbi ti yeda nga pepe.’ ”

Awatokua 13:43

So azo akangbi na peko ti bongbi ni awe, azuife mingi na ambeni zo ti amara nde so ayeke bata ndia ti Moïse amu peko ti Paul na Barnabas. Paul na Barnabas ayeke tene tënë na azo ni si ala yeke mu wango na ala titene ala ngba lakue ti zia be ti ala na ndö ti nzoni be ti Nzapa.

Awatokua 18:13

ala tene: “Koli so ayeke gi lege ti handa azo titene ala voro Nzapa na mbeni lege so *Ndia ti e ake ni!”

Awatokua 18:4

Lakue na *lango ti wungo tere, lo yeke mu tënë na ya ti da ti sambelango Nzapa si lo yeke gi lege ngangu titene azuife na agreke ayeda na tënë ti lo.

Awatokua 19:26

Fadeso, ye so asi, ala baa ni si ala ma nga tënë ni: koli so iri ti lo Paul ayeke tene, anzapa so azo ayeke leke ayeke anzapa oko pepe si lo sara kue titene azo mingi ayeda ti mu peko ti lo. Azo ti Efeze ge na ala ti sese ti Azii nga amu peko ti lo.

Awatokua 26:26

Gbia Agripa ahinga tënë na ndö ti aye so kue. Ndani laa mbi lingbi ti tene tënë ni na lo na mbeto pepe, ngbanga ti so ye ni asi lani na hondengo ni pepe.

Awatokua 28:23

Ala na Paul afa mbeni lango si na lango ni so, ala ga mingi awara lo na ndo so lo yeke lango daa. Ti londo na ndaperere ngbii asi na lakui, Paul afa tënë: lo fa ye so lo hinga na ndö ti *Kodro-gbia ti Nzapa si lo yeke gi lege kue titene ala yeda na tënë ti Jésus. Lo mu *Ndia ti Moïse na ambeti ti awayanga-Nzapa si lo yeke fa na tënë ni.

2 Korente 2:17

Azo mingi ayeke mu tënë ti Nzapa ti de buze na ni; e yeke tongana ala pepe. Ti e, Nzapa laa atokua e, nilaa na lege ti gango so e ga oko na Christ, e yeke tene taa-tënë na le ti Nzapa.

2 Korente 5:20

Tongaso, e yeke sara kua ti lembe na iri ti Christ; Nzapa wani laa airi ala na lege ti e: e voro ala na iri ti Christ, ala yeda titene songo akiri na popo ti ala na Nzapa.

2 Korente 6:1

So e na Nzapa e yeke sara kua oko so, e voro ala, e tene: “Nzoni be so Nzapa asara na ala, ala zia ni angba senge pepe.”

Galasii 1:10

Mbi yeke gi lege fadeso titene azo agonda mbi? Oko pepe, mbi ye titene Nzapa laa agonda mbi. Mbi yeke gi ti ga nzoni na le ti azo? Tongana mbi yeke gi fade titene azo agonda mbi, andaa mbi yeke zo ti kua ti Christ pepe.

Efeze 5:21

Ala ma yanga na popo ti ala ndali ti mbeto ti Christ so ayeke na be ti ala.

Ahebro 10:31

Titene zo ati na gbe ti ngbanga ti Nzapa so ayeke na fini, so ayeke ye ti ngangu mingi!

Ahebro 12:29

Biani, Nzapa ti e ayeke tongana mbeni wâ so ayeke gbi ye kue.

Jude 1:23

Ti azo so ayeke gue na le ti wâ, ala gboto ala na ya ti wâ ni ti soo ala. Ti ambeni zo ni, ala baa mawa ti ala, me ala sara ni na mbeto. Ataa bongo ti azo ni, ala ndu ni pepe, ngbanga ti so aye ti sioni ti azo ni agbu tere ni kue.

Aye so Nzapa afa 20:15

Tongana a wara iri ti mbeni zo na ya ti mbeti ni pepe, so ti tene mbeti so a su iri ti azo so ayeke na taa fini daa, a yeke bi lo na le ti kota wâ ni.