2 Korente 5:10 - Mbeti ti Nzapa - Tënë so amu fini

¹⁰ Biani, fade e kue, e yeke si na le ti ngbanga ti Christ titene zo oko oko awara ye ti peko ti aye so lo sara na ngoi so lo yeke na fini na ndö ti sese so: nzoni ni wala sioni ni.

2 Korente 5:10 ပူးပေါင်းရင်းမြစ်များ

Tongo nda ti aye 18:25

Titene mo bongbi azo ti mbirimbiri na azo ti sioni kue ti fâ ala, so alingbi na mo pepe. So ti fa atene, zo ti mbirimbiri na zo ti sioni kue gi legeoko? Sarango ye tongaso alingbi na mo pepe! Lo so ayeke fâ ngbanga na ndö ti azo ti dunia kue, lo lingbi ti fâ ngbanga ti kirikiri tongana nyen?”

1 Agbia 8:32

mo so mo yeke na yayu kâ, ayeke nzoni mo ma zo ni; mo sara ye, mo fâ ngbanga ti azo ti kua ti mo titene zo so asara sioni, mo fâ ngbanga na ndö ti lo si sioni ti lo akiri na li ti lo wani; zo so asara sioni pepe, mo sara na lo alingbi na mbirimbiri ti lo.

1 Agbia 8:39

mo so mo yeke na yayu, na ndo so mo yeke duti daa, ma sambela ti ala, mo zi siokpari na li ti ala, mo sara mbeni ye; mo sara na zo oko oko alingbi na sarango ye ti lo, ngbanga ti so mo hinga tënë ti be ti lo. Biani, gi mo oko laa mo hinga tënë ti be ti azo kue.

Mbeti ti Job 34:11

Me lo yeke futa zo alingbi na ye so zo ni asara; lo yeke sara na zo oko oko alingbi na lege ti dutingo ti lo.

Abia (Psaumes) 62:12

Fani mingi mbi ma Nzapa atene: “Ngangu ayeke ti mbi Nzapa.”

Abia (Psaumes) 98:9

na dawa ti KOTA GBIA! Biani, lo yeke ga ti fâ ngbanga ti azo ti sese so. Fade lo yeke fâ ngbanga ti azo ti dunia so mbirimbiri, lo yeke fâ ngbanga ti azo na legeni.

Zo ti bongbingo azo 11:9

Maseka-koli, na ngoi so mo de maseka, mo sara ngia biani. Ayeke nzoni be ti mo aduti na ngia na ngoi ti maseka ti mo. Sara ye so be ti mo aye; sara ye so le ti mo abaa. Me ayeke nzoni mo hinga, mo tene, Nzapa ayeke iri ande mo na ngbanga ndali ti aye oko oko so mo sara.

Zo ti bongbingo azo 12:14

Biani, aye so kue zo ayeke sara, ataa na hondengo ni, nzoni ni wala sioni ni, fade Nzapa ayeke iri zo na ngbanga.

Ezekiel 18:30

Ndani laa, ala azo ti Israel, fade mbi yeke fâ ngbanga na li ti zo oko oko alingbi na lege ti sarango ye ti lo; so tënë ti yanga ti mbi, Kota Gbia NZAPA laa. Ala zia ngbene lege ti sarango ye ti ala, ala zia lege ti asioni ye so kue ala yeke sara. Tongaso si ye so ayeke sara titene ala ti, aduti daa mbeni pepe.

Matthieu 16:27

Biani, *Molenge ti Zo ayeke ga ande na *a-ange ti lo na ya ti gonda ti Babâ ti lo. Fade lo yeke futa zo oko oko alingbi na sarango ye ti lo.

Awatokua 10:42

Jésus amu na e yanga ti fa tënë na azo, ti fa nga peko ti ye so e hinga: Nzapa asoro Jésus ti fâ ngbanga ti azo so ayeke na fini na ti ala so akui awe.

Awatokua 17:31

Lo leke mbeni lango awe so lo yeke fâ ande ngbanga na li ti azo kue na legeni. Lo soro wafango-ngbanga ni awe, lo fa zo ni na azo kue na lege ti so lo zingo lo na kuâ.”

Rome 2:16

Ye so ayeke sigigi polele na lango ti fango ngbanga laa. Tongana ti so Nzoni Tënë so mbi yeke fa atene tënë ni, na lango ni so, fade Nzapa ayeke fâ ngbanga ti ye so kue azo ayeke sara na hondengo ni, na lege ti Jésus Christ.

Rome 6:19

Mbi yeke mu tapande ti dutingo ti azo ndali ti so hingango ndo ti ala ayeke ngangu. Ando, ala mu tere ti ala na ngbaa ti sara na aye ti kamene na aye ti kirikiri, aye so asara si ala ke yanga ti Nzapa. Legeoko nga, fadeso, alingbi ala mu nga tere ti ala na ngbaa ti sara aye ti mbirimbiri, so ayeke sara si fini ti ala aduti nde ndali ti Nzapa.

1 Korente 4:5

Ndani laa, alingbi ala fâ ngbanga na li ti zo kozo pepe si ngoi ni alingbi, ala ku Kota Gbia aga si. Ye so angba na hondengo ni na ya ti vukongo ndo, fade lo yeke fa ni na gigi polele; aye so azo aleke na be ti ala ti sarango ni, fade lo sigigi na nda ni. Tongaso, Nzapa ayeke gonda zo oko oko alingbi na kua so lo sara.

2 Korente 7:3

Mbi yeke tene tënë so ti fâ ngbanga na li ti ala pepe. Biani, mbi tene na ala kozoni, mbi tene: ataa e ngba na fini wala e kui, e ye ala mingi.

Efeze 6:8

Ayeke nzoni ala hinga atene, tongana mbeni zo asara nzoni kua, fade Kota Gbia ayeke futa lo, ataa zo ni ayeke ngbaa wala lo yeke ngbaa pepe.

Ahebro 9:27

A diko na zo kue ti kui gi fani oko, na pekoni, Nzapa ayeke fâ ngbanga na li ti lo.

1 Pierre 4:5

Me fade azo ni ayeke luti na le ti Nzapa ti fa peko ti aye so ala sara, Nzapa so ayeke nduru ti fâ ngbanga ti azo so ade na fini na ala so akui awe.

Aye so Nzapa afa 2:23

Fade mbi yeke fâ azo so kue ayeke mu peko ti wali ni. Na pekoni, a-Eglize kue ayeke hinga atene, mbi yeke lo so lo hinga tënë so ayeke na ya ti be ti zo nga na nzara ti be ti zo. Fade mbi yeke futa zo oko oko alingbi na ye so lo sara.

Aye so Nzapa afa 22:12

Jésus atene: “Baa, mbi yeke ga fafadeso! Mbi yeke ga na futa ti mbi ti kangbi na zo oko oko alingbi na ye so lo sara.

1 Samuel 2:10

Azo so alondo ti tiri na KOTA GBIA, fade lo yeke kungbi ya ti ala. Na nduzu kâ, lo yeke tokua bekpa ti sungba na ndö ti ala. Fade KOTA GBIA ayeke fâ ngbanga ti azo ti sese kue. Lo yeke mu ngangu na zo so lo zia lo gbia; zo so KOTA GBIA asoro lo ti ga gbia, fade lo sara si lo wara ngangu mingi.”

1 Samuel 2:3

Ala azo, ala ngba ti diko atënë ti baba ti ala pepe; ala zia atënë ti mbana so ayeke sigigi na yanga ti ala. KOTA GBIA ayeke Nzapa so ahinga ye kue; lo laa lo yeke fâ ngbanga ti aye so kue azo ayeke sara.