2 Korente 4:9 - Mbeti ti Nzapa - Tënë so amu fini

⁹ azo atumba peko ti e, me ala wara e pepe; azo akinda e, me ala fâ e pepe.

2 Korente 4:9 ပူးပေါင်းရင်းမြစ်များ

Mbeti ti Job 22:29

Tongana ambeni zo awoko, mo lingbi ti tene na ala: “Ala londo!” Biani, azo so asara tere ti ala kete, Nzapa ayeke soo ala.

Abia (Psaumes) 129:2

“So mbi de molenge ngbii asi fadeso, azo asara ngangu na mbi fani mingi”; me ala hon ndö ti mbi pepe.

Abia (Psaumes) 22:1

Bia ti David; bia so ayeke ndali ti makonzi-bia. A he ni na go ti bia so iri ni “Tagba ti ndaperere”.

Abia (Psaumes) 37:28

Biani, KOTA GBIA aye sarango ye ti mbirimbiri, lo yeke zia azo ti lo pepe. Lo yeke bata ala lakue; me ti ahale ti azo ti sioni, lo yeke bi ala na gigi.

Abia (Psaumes) 42:11

Azo ti kengo mbi ayeke zonga mbi; ala yeke hunda mbi lakue, atene: “Nzapa ti mo ni ayeke na ndo wa?” Atënë ti ala ni aye ti fâ ya ti abio ti mbi kue.

Abia (Psaumes) 42:5

Na vundu na be, mbi dabe ti mbi na ngoi so mbi yeke na li ti molongo ti azo so ayeke gue na kota da ti Nzapa. Mbi yeke tambula na popo ti gba ti azo so ayeke he bia na ngia, ala yeke dekongo na Nzapa ti gonda lo.

Abia (Psaumes) 9:10

KOTA GBIA ayeke tongana ngangu gbagba so ayeke bata azo so a sara ngangu na ala; lo yeke tongana ngangu gbagba so ayeke bata azo na ngoi ti aye ti ngangu.

Amato 24:16

Biani, zo ti mbirimbiri alingbi ti ti fani mbarambara, me fade lo yeke londo. Azo ti sioni ayeke ti ti ala biani biani na ya ti kpale.

Ésaïe 43:2

Tongana mo hon na ya ti kota ngu, fade mbi yeke na mo; tongana mo fâ *abale, abale ni ayeke mene mo pepe. Tongana mo hon na ya ti wâ, wâ ni ayeke gbi mo pepe, menga ti wâ ni ayeke ndu mo pepe.

Ésaïe 62:4

Azo ayeke kiri ti iri mo pepe, “Gbata so azo ado azia”, azo ayeke kiri ti di iri ti kodro ti mo pepe, “Sese so aga ngonda awe”. Me azo ayeke di iri ti mo, “Wali so mbi yeke wara ngia na lege ti lo”, azo ayeke di iri ti sese ti mo, “Wali ti koli”. Biani, fade KOTA GBIA ayeke wara ngia na lege ti mo si sese ti mo ayeke ga wali ti koli.

Mishe 7:8

Mo, wato ti mbi, mo he mbi pepe. Tongana mbi ti, fade mbi yeke londo; tongana mbi duti na ya ti vukongo ndo, *KOTA GBIA ayeke lumiere ti mbi.

Habakuk 3:17

Biani, akeke ti fige akiri ale pepe, akeke ti *vinye akiri adu alengo ni pepe, akeke ti olive akiri adu alengo ni pepe, ayaka akiri amu kobe ti tengo ni na azo pepe. Na ya ti gbagba, ataba ayeke daa mbeni pepe, na ya ti gbagba ti batango abagara, abagara ayeke daa mbeni pepe.

Jean 15:20

Ala dabe ti ala na tënë so mbi tene na ala: ‘Zo ti kua ayeke kota ahon makonzi ti lo pepe.’ Fade azo ayeke sara ngangu na ala tongana ti so azo ni asara ngangu na mbi. Tongana azo ni asara fade ye alingbi na tënë ti mbi, ka ala sara nga ye alingbi na tënë ti ala.

Rome 8:35

Zo wa laa alingbi ti kangbi e na ndoye ti Christ? Pasi, wala mbeto, wala aye ti ngangu, wala nzara, wala dutingo na ye pepe, wala ye ti sioni so ayeke hara e wala kuâ?

2 Korente 7:6

Me Nzapa so ayeke de be ti azo so be ti ala awoko kue, lo sara si gango ti Tite ade be ti e.

2 Timothée 3:12

Biani, azo so kue aga oko na Jésus Christ si ala gbu tënë ti Nzapa mingi, fade a yeke sara ngangu na ala.

Ahebro 13:5

Na lege ti sarango ye ti ala, alingbi nzara ti nginza ahon ndö ti ala pepe, me ala zia be ti ala gi na ye so ala yeke na ni, ngbanga ti so Nzapa wani atene: “Fade mbi yeke do mo ti zia mo pepe, mbi yeke zia mo oko pepe.”