2 Korente 4:18 - Mbeti ti Nzapa - Tënë so amu fini

¹⁸ Ye so le ti zo ayeke baa, ni laa e yeke gi pepe, me e yeke gi ye so le ti zo ayeke baa ni pepe. Ye so le ti zo ayeke baa ayeke gi ndali ti kete ngoi, me ye so le ti zo ayeke baa pepe, ni laa ayeke ngba lakue lakue.

2 Korente 4:18 ပူးပေါင်းရင်းမြစ်များ

Matthieu 25:46

Fade asioni zo so ayeke gue na ngbanga so angba lakue lakue si azo ti mbirimbiri ayeke gue ti duti na fini so angba lakue lakue.”

2 Korente 5:7

– E yeke duti na fini na lege ti mabe, me na lege ti ye so e yeke baa pepe –.

2 Tesalonike 2:16

Nzapa Babâ ti e aye e. Na lege ti nzoni be ti lo, lo mu ngangu na be ti e si angba lakue lakue, lo mu na e nzoni ye so e zia be ti e daa ti ku. E hunda na lo nga na Kota Gbia ti e Jésus Christ

Ahebro 11:1

Mabe ayeke sara titene ye so zo azia be ti lo ti ku ni, lo hinga lo tene, lo wara ni awe. Mabe ayeke sara nga titene ye so le ti zo abaa pepe, lo hinga lo tene, ye ni ayeke daa biani.

Ahebro 11:13

Azo so kue angba na lege ti mabe si ala kui. Aye so Nzapa amu zendo ni, ala wara ni pepe, me ala ngba yongoro, ala baa ni bango si ala bara ni. Ala hinga biani atene, ala yeke awande, azo ti lege senge na ndö ti sese so.

Ahebro 9:11

Me Christ aga awe, lo yeke kota wayango-sandaga so ayeke mu na e anzoni ye so ayeke daa awe. Lo li na ya ti da ti bongo so ayeke kota ye mingi si ayeke nzoni kue ahon ti so azo aleke na ndö ti sese so. Maboko ti zo laa asara da ni pepe, so ti tene da so ayeke da ti ndö ti dunia so pepe.

1 Jean 2:25

Ye so Christ amu zendo ti mu na e ayeke fini so angba lakue lakue.