2 Korente 4:12 - Mbeti ti Nzapa - Tënë so amu fini

¹² Tongaso, kuâ ayeke sara kua na ya ti tere ti e, fini ayeke sara kua na ya ti tere ti ala.

2 Korente 4:12 ပူးပေါင်းရင်းမြစ်များ

Awatokua 20:24

Me mbi baa so fini ti mbi ayeke senge ye na le ti mbi. Ye so mbi yeke gi lege ni, ayeke ti hunzi kua ti mbi, ti sara ye so kue Kota Gbia Jésus amu na mbi ti sara, so ti tene kua ti fango Nzoni Tënë ti nzoni be ti Nzapa na azo.

1 Korente 4:10

Ndali ti Christ, e ga azo so li ti ala ayeke daa pepe, me ti ala, ala ga azo ti ndara na lege ti gango so ala ga oko na Christ. E yeke ti e na ngangu pepe, me ti ala, ala yeke na ngangu. Azo ayeke ne ala, me ti e, azo ayeke baa e tongana ambumbuse zo.

2 Korente 12:15

Ti mbi, fade mbi yeke buba aye ti mbi kue si mbi yeke ka fini ti mbi ndali ti ala. Tongana mbi ye ala ahon ndoni, fade ala yeke ye mbi gi kete?

2 Korente 13:9

Lakue, be ti e ayeke na ngia tongana e yeke na ngangu pepe si ala yeke ti ala na ngangu. Ye so e yeke sambela ndali ni ayeke titene ala ga nzoni kue.

2 Korente 4:11

Biani, e so e de na fini, azo ayeke ka e na kuâ lakue ndali ti Jésus, tongaso si azo abaa nga Jésus so ayeke na fini na ya ti tere ti e so ayeke kui ande kuingo so.

2 Korente 4:13

Mbeti ti Nzapa atene: “Mbi yeke tene tënë, ngbanga ti so mbi ma na be.” Tënë ti be ti e ayeke oko na ti zo so atene tënë so, nilaa e nga, e ma na be si e yeke tene tënë so.

Filipe 2:17

Mabe ti ala asara si ala yeke mu *sandaga na Nzapa. Mbi hinga pepe, tongana a fâ mbi si mene ti mbi atuku, fade ayeke ga tongana sandaga na ndö ti so ala yeke mu. Tongana ye ni ayeke tongaso, be ti mbi ayeke nzere si mbi na ala kue, e yeke na ngia.

Filipe 2:30

ngbanga ti so angba kete lo kui ndali ti kua ti Christ. Lo ka tere ti lo titene lo ga lo sara na mbi ye so ala wani alingbi fade ti sara ndali ti mbi.

1 Jean 3:16

Ndoye ayeke nyen? Ye so e yeke hinga ndoye na ni ayeke so: Jésus Christ aka fini ti lo ndali ti e. Tongaso e nga, alingbi e ka fini ti e ndali ti a-ita ti e.