2 Korente 3:7 - Mbeti ti Nzapa - Tënë so amu fini

⁷ A de atënë ti ndia na ndö ti atêne si gonda ti Nzapa aza ahon ndoni na ndembe ni so. Ndali ti zango ti gonda ni, azo ti Israel alingbi ti baa le ti Moïse pepe, ataa so gonda ni ayeke gi ndali ti kete ngoi. Tongana ndia so ayeke gue na zo na kuâ asara si lo wara gonda ahon ndoni,

2 Korente 3:7 ပူးပေါင်းရင်းမြစ်များ

Tongo nda ti aye 3:21

KOTA GBIA Nzapa aleke abongo na poro ti nyama ndali ti Adam na wali ti lo si lo yu na ala.

Néhémie 9:13

Mo londo na yayu, mo zu na ndö ti hoto ti Sinai; ngbene ye na yayu kâ, mo tene tënë na ala, mo mu na ala atënë ti yanga ti mo so ayeke mbirimbiri, andia so ayeke na lege ti taa-tënë, andia na ambela so ayeke nzoni mingi.

Abia (Psaumes) 119:174

KOTA GBIA, nzara ti be ti mbi ayeke titene mo soo mbi; ndia ti mo anzere na mbi mingi.

Abia (Psaumes) 119:97

Mbi ye ndia ti mo mingi! Mbi yeke gbu li ti mbi daa lakue.

Sigingo 24:12

KOTA GBIA atene na Moïse: “Ma na li ti hoto na mbage ti mbi, mo duti na ndo so. Mbi yeke mu na mo akpangbara têne so mbi su atënë ti *Ndia na le ni titene mo fa na azo ti Israel.”

Sigingo 31:18

So KOTA GBIA ahunzi ti tene tënë na Moïse na li ti hoto ti Sinai, lo mu na lo atêne use so lo wani, lo su atënë ti ndia na le ni.

Sigingo 32:19

So Moïse aga nduru na bâbâ ni awe, lo baa bagara so azo ni aleke na dodo so ala yeke do. Ngonzo ti lo alondo tongana wâ si atêne so ayeke na maboko ti lo, lo bo ya ni na sese na gbe ti hoto ni si ya ti atêne ni afâ.

Sigingo 34:1

KOTA GBIA atene na Moïse: “Mo leke akpangbara têne use tongana ti kozoni so. Fade mbi yeke su na le ni gi atënë so ayeke lani na le ti akozo têne so mo fâ ya ni so.

Awatokua 6:15

Le ti azo ti Kota Bongbi ti Fango Ngbanga kue atuku gi na ndö ti Étienne. Ala baa so le ti lo aga tongana ti mbeni *ange.

Rome 10:4

Biani, Christ asara si *Ndia ti Moïse asi na nda ni, tongaso si azo so kue ama na be, ala ga mbirimbiri na le ti Nzapa.

Rome 4:15

Biani, Ndia ayeke sara si Nzapa asara ngonzo; me ndo so Ndia ayeke daa pepe, tënë ti kengo Ndia ayeke nga daa pepe.

Rome 5:20

Ndia aga ti sara si sioni awu mingi; me ndo so siokpari awu daa mingi, nzoni be ti Nzapa awu ahon ndoni.

Rome 7:10

si mbi kui ti mbi: tënë ti Ndia so ayeke fade ye ti mungo fini na zo, akiri aga ye so ayeke gue na mbi na kuâ.

Rome 7:22

Nilaa na ya ti be ti mbi kâ, Ndia ti Nzapa laa anzere na mbi.

Rome 7:5

Biani, so ando e ngba ti sara ye so be ti e wani aye, asioni nzara ti be ti e awara ngangu na lege ti Ndia si ala yeke sara kua na ya ti tere ti e ti gue na e na kuâ.

1 Korente 13:10

me tongana ye so ayeke nzoni kue ayeke si ande, ye so mbage ni atia ayeke hunzi.

2 Korente 3:3

Biani, ye ni ayeke na hondengo ni pepe: ala yeke tongana mbeti so Christ asu ni si e gue na ni na azo. A su mbeti ni na ngu ti sungo na mbeti pepe, me a su ni na Yingo ti Nzapa, lo so lo yeke na fini; a su ni na ndö ti têne pepe, me na ndö ti be ti azo.

2 Korente 3:6

Lo laa lo sara si e ga azo so alingbi ti sara kua ti fini *mbuki so alondo na ndia so a su ni sungo pepe, me so alondo na Yingo-Vuru. Ndia so a su ni sungo ayeke gue na zo na kuâ, me Yingo ayeke mu fini na zo.

2 Korente 3:8

fade kua so Yingo ayeke sara, gonda ni ayeke kiri ti hon gonda ti ndia mingi!

Galasii 3:10

Me azo so azia be ti ala gi na ndö ti sarango aye alingbi na Ndia, deba ti Nzapa ayeke na li ti ala. Biani, Mbeti ti Nzapa atene: “Deba aga na li ti zo so asara ye pepe alingbi na atënë kue ti ya ti mbeti ti Ndia!”

Galasii 3:21

So ti tene *Ndia ake tënë ti azendo ti Nzapa? Oko pepe! Tongana mbeni ndia alingbi fade ti mu fini na zo, ka azo aga mbirimbiri biani na le ti Nzapa na lege ti ndia awe.

Ndia ti fani use ni 4:13

Lo sara si ala hinga tënë ti *mbuki ti lo. Lo mu yanga na ala titene ala bata mbuki ni na sarango ye alingbi na Andia baleoko so lo su na ndö ti akpangbara têne use.

Ndia ti fani use ni 4:8

Aye so ndia afa nga na atënë ti ndia so mbi zia na gbe ti ala laso ayeke mbirimbiri. Mbeni kota mara nde ayeke daa so aye so ndia ti lo afa nga na atënë ti ndia ti lo ayeke mbirimbiri tongana ti e so?

Ndia ti fani use ni 5:22

So ayeke atënë so KOTA GBIA atene na ala na kota go, na ya ti wâ, na ya ti guru ti wâ nga na ya ti ngbongboro mbinda. Lo tene atënë ni na ala so kue abongbi na gbe ti hoto; lo zia mbeni tënë nde na ndö ni pepe. Na pekoni, lo su atënë ni na le ti akpangbara têne use si lo mu ni na mbi.

Ndia ti fani use ni 9:15

Tongaso mbi londo na li ti hoto ni, mbi zu; andaa hoto ni kue gi wâ. Akpangbara têne use so a su atënë ti mbuki na le ni ayeke na maboko ti mbi.

Ahebro 12:18

Lani so ala ga nduru na Nzapa, ala ga nduru pepe na tere ti hoto so zo alingbi ti ndu ni na maboko, so ti tene hoto ti Sinai: na ndö ti hoto ni, wâ so ayeke gbi, ndo so avuko pitipiti, kota pupu so aya ngangu ayeke daa.

Ahebro 3:3

Biani, zo so asara da, azo ayeke ne lo ahon da ni wani, nilaa, alingbi azo agonda Jésus ahon ti so ala gonda Moïse so.

Ahebro 9:4

Na ndo ni so, gbalaka ti zongo dukani ayeke daa so ala leke ni na lôro. Sanduku ti mbuki so ala leke tere ni kue na lôro ayeke nga daa. Ta ti lôro so *mane ayeke na ya ni, keke ti Aaron so akongo asigigi na tere ni nga na akpangbara têne so a su atënë ti mbuki na ndö ni ayeke na ya ti sanduku ni.