2 Korente 3:6 - Mbeti ti Nzapa - Tënë so amu fini

⁶ Lo laa lo sara si e ga azo so alingbi ti sara kua ti fini *mbuki so alondo na ndia so a su ni sungo pepe, me so alondo na Yingo-Vuru. Ndia so a su ni sungo ayeke gue na zo na kuâ, me Yingo ayeke mu fini na zo.

2 Korente 3:6 ပူးပေါင်းရင်းမြစ်များ

Jérémie 31:31

“Mbeni lango ayeke ga so mbi na azo ti Israel nga na azo ti Juda, e yeke sara fini *mbuki; so tënë ti yanga ti KOTA GBIA laa.

Matthieu 13:52

Lo tene na ala: “So ti tene, wafango-ndia so ahinga ye na ndö ti *Kodro-gbia ti yayu awe, lo yeke tongana mbeni wa ti da so ayeke mu afini mosoro na angbene ni kue na ya ti gogoro ti lo ti sigigi na ni.”

Matthieu 26:28

ngbanga ti so ayeke mene ti mbi, mene so abongbi azo na Nzapa na ya ti *mbuki; mene so atuku ndali ti gba ti azo titene azi siokpari ti ala.

Marc 14:24

Jésus atene na ala: “So ayeke mene ti mbi, mene so abongbi azo na Nzapa na ya ti *mbuki; mene so atuku ndali ti gba ti azo.

Nzoni Tënë so Luc asu na mbeti 22:20

So ala te kobe ni awe, lo mu nga kopo ti vin si lo tene: “Kopo so ayeke fini *mbuki na lege ti mene ti mbi, mene so atuku ndali ti ala.

Jean 5:21

Tongana ti so Babâ ayeke zingo akuâ si lo yeke mu na ala fini, Molenge nga ayeke mu fini na zo so be ti lo aye.

Jean 6:63

Yingo ti Nzapa laa ayeke mu fini na zo; zo alingbi ti wara fini na ngangu ti lo wani pepe. Atënë so mbi tene na ala ayeke tënë ti Yingo na tënë ti fini.

Rome 1:5

Na lege ti lo, Nzapa asara nzoni be na mbi si mbi ga watokua ndali ti iri ti Christ, ti sara si azo ti dunia kue ama na be na Jésus Christ si ala sara ye alingbi na tënë ti lo.

Rome 3:20

Ndani laa, tongana zo asara ye kue alingbi na Ndia, so laa ayeke sara si lo ga mbirimbiri na le ti Nzapa pepe. Andaa Ndia ayeke mu gi lege na zo ti hinga so lo sara siokpari awe.

Rome 4:15

Biani, Ndia ayeke sara si Nzapa asara ngonzo; me ndo so Ndia ayeke daa pepe, tënë ti kengo Ndia ayeke nga daa pepe.

Rome 4:17

Biani, Mbeti ti Nzapa atene: “Mbi sara si mo ga kotara ti gba ti amara.” Na le ti Nzapa, lo yeke taa kotara ti e ndali ti mabe ti lo. Nzapa so ayeke mu fini na akuâ, na lege ti tënë ti yanga ti lo, ye so ayeke daa pepe, lo sara si ye ni abaa gigi.

Rome 7:6

Me fadeso, e sigigi na gbe ti Ndia awe, e yeke azo so akui awe ti sigigi na ya ti kanga ti Ndia si e yeke sara na Nzapa na fini kode so Yingo amu na e. E yeke kiri ti sara na Nzapa na ngbene kode pepe so Ndia ti Moïse amu na e.

Rome 8:2

Biani, *Ndia ti Yingo ayeke mu fini na zo na lege ti gango so zo ni aga oko na Jésus Christ. Ndia ti Yingo ni azi mbi na gbe ti ndia ti siokpari nga na ti kuâ awe.

1 Korente 11:25

Na peko ti tengo kobe, lo mu kopo si lo kiri lo sara gi tongaso, lo tene: “Kopo so ayeke fini *mbuki na lege ti mene ti mbi. Lakue tongana ala yeke nyon ni, ala sara ye so ti dabe ti ala na mbi.”

1 Korente 12:28

Tongaso, lege so Nzapa azia azo na ya ti *Eglize laa: kozoni, lo zia *awatokua; use ni, lo zia awayanga-Nzapa; ota ni, lo zia awafango-ye; na pekoni, lo zia azo so lo mu na ala matabisi ti sarango aye ti kpene, ti kaingo kobela, ti mungo maboko na amba ti ala, ti dutingo na li ti amba ti ala, ti tenengo tënë na ayanga nde nde so ala hinga ni pepe.

1 Korente 15:45

Ndani laa Mbeti ti Nzapa atene: “Adam so ayeke kozo zo, aga zo so ayeke na fini”; me Christ so ayeke nga Adam ti ndani, ayeke Yingo so ayeke mu fini na zo.

1 Korente 3:10

Na lege ti nzoni be so Nzapa asara na mbi, mbi sara kua tongana nzoni wakode ti sarango da; mbi leke gere ti da ni si mbeni zo nde asara da na ndö ni. Me ayeke nzoni zo oko oko asara hange na lege so lo yeke sara da na ndö ti gere ti da ni.

1 Korente 3:5

Apolos ayeke zo wa? Paul ayeke zo wa? Ala yeke gi azo ti kua so Nzapa amu ala ti sara si ala, azo ti Korente ama na be. Zo oko oko na popo ti azo ti kua ni asara gi ye so *Kota Gbia amu na lo ti sarango ni.

2 Korente 11:23

Ala yeke azo ti kua ti Christ? So nzoni, me mbi hon ala! – Mbi yeke tene tënë so tongana zo so mbeni ye asara li ti lo –. Mbi sara kua mbi hon ala kue, mbi sara kanga, mbi hon ala kue, azo apika mbi, mara ni use pepe, lege mingi, mbi kui kue.

2 Korente 3:14

Me lege ti hingango ndo ti ala akanga ando! Ndani laa, ti londo na ndembe ni so ngbii asi laso, tongana ala yeke diko mbeti ti Kozo Mbuki, bongo ni angba ti kanga le ti ala; a de azi bongo ni so pepe. A yeke zi bongo ni gi na le ti zo so aga oko na Christ.

2 Korente 3:3

Biani, ye ni ayeke na hondengo ni pepe: ala yeke tongana mbeti so Christ asu ni si e gue na ni na azo. A su mbeti ni na ngu ti sungo na mbeti pepe, me a su ni na Yingo ti Nzapa, lo so lo yeke na fini; a su ni na ndö ti têne pepe, me na ndö ti be ti azo.

2 Korente 3:7

A de atënë ti ndia na ndö ti atêne si gonda ti Nzapa aza ahon ndoni na ndembe ni so. Ndali ti zango ti gonda ni, azo ti Israel alingbi ti baa le ti Moïse pepe, ataa so gonda ni ayeke gi ndali ti kete ngoi. Tongana ndia so ayeke gue na zo na kuâ asara si lo wara gonda ahon ndoni,

2 Korente 3:9

Tongana kua ti ndia so ayeke fâ fade ngbanga na li ti azo ayeke na gonda mingi, fade kua ti Yingo so ayeke sara si azo aga mbirimbiri na le ti Nzapa ayeke na gonda mingi ahon ndoni!

Galasii 3:21

So ti tene *Ndia ake tënë ti azendo ti Nzapa? Oko pepe! Tongana mbeni ndia alingbi fade ti mu fini na zo, ka azo aga mbirimbiri biani na le ti Nzapa na lege ti ndia awe.

Efeze 2:1

Ando na le ti Nzapa, ala yeke azo so akui awe ndali ti asioni ye na asiokpari so ala sara.

Efeze 2:5

Ataa so na le ti Nzapa e yeke ando azo so akui awe ngbanga ti sioni ti e, lo kiri lo mu na e fini legeoko na Christ. Ndali ti nzoni be ti Nzapa si ala soo kuâ.

Efeze 3:7

Na lege ti nzoni be ti Nzapa, lo sara si mbi ga zo ti kua ti fango Nzoni Tënë. Nzapa asara ye so na lege ti ngangu ti lo.

Ndia ti fani use ni 27:26

‘Deba aga na ndö ti zo so ayeke baa atënë ti ndia ti Nzapa tongana senge ye si lo yeke sara ye alingbi na ni pepe!’ Fade azo kue ayeke kiri tënë, atene: ‘Amen!’ ”

1 Timothée 4:6

Tongana mo fa atënë so kue na a-ita, azo ti Christ, fade mo yeke ga nzoni zo ti kua ti Jésus Christ. So afa atene, mo yeke kpengba na lege ti atënë ti mabe nga na lege ti nzoni fango ye so mo yeda ti mu peko ni.

2 Timothée 1:11

Ndali ti fango Nzoni Tënë so laa Nzapa azia mbi *watokua na zo ti fango nda ti tënë ti lo na azo.

Ahebro 12:24

Ala ga nduru na Jésus awe, lo so lo leke tënë ti fini *mbuki; ala ga nduru awe na mene ti Jésus so atuku ndali ti azo si ayeke tene nzoni tënë ahon mene ti Abel.

Ahebro 13:20

Nzapa so ayeke mu siriri na zo, lo sara si *Kota Gbia ti e Jésus so lo yeke kota wabatango-taba, alondo na popo ti akuâ asigigi. Ndali ti mene ti lo so lo mu na *sandaga, e na Nzapa, e sara *mbuki so ayeke ngba lakue lakue.

Ahebro 7:22

Ndani laa, ndali ti Jésus, e hinga biani so, e yeke li na ya ti *mbuki so ayeke nzoni ahon ti kozoni.

Ahebro 8:13

So Nzapa atene tënë ti fini mbuki so, lo sara si kozo mbuki ni aga ngbene ye. E hinga so, ye so aga ngbene ye si aga gbagbara ni, aga nduru ti hon awe.

1 Pierre 3:18

Biani, Christ wani akui fani oko biani biani ndali ti siokpari ti azo; lo so lo yeke mbirimbiri, lo kui ndali ti azo ti kirikiri titene lo gue na ala na le ti Nzapa. Azo afâ gi tere ti lo ti zo, me Nzapa akiri na lo na fini na lege ti Yingo-Vuru.

1 Jean 1:1

Ye so ayeke ando daa ngbene ye na tongo nda ni, ye so e ma tënë ni na mê ti e, ye so e baa ni na le ti e, ye so e baa ni mbirimbiri si e ndu na maboko ti e, ye ni ayeke Tënë so ayeke mu fini na zo.