2 Korente 3:5 - Mbeti ti Nzapa - Tënë so amu fini

⁵ E baa tere ti e pepe, e tene, e lingbi ti sara kua ni na ngangu ti e wani, me e lingbi ti sara kua ni na ngangu so alondo na Nzapa.

2 Korente 3:5 ပူးပေါင်းရင်းမြစ်များ

Tongo nda ti aye 41:16

Joseph akiri tënë na Faraon, atene: “Ayeke mbi pepe. Me Nzapa laa ayeke kiri ande tënë na gbia Faraon titene lo duti na siriri.”

2 Mbai 30:12

Na sese ti Juda nga, Nzapa asara si be ti azo ni aga oko, ala yeda ti ma yanga so gbia na amakonzi ti lo amu, alingbi na tënë ti KOTA GBIA.

Nzoni Tënë so Luc asu na mbeti 21:15

Biani, fade mbi wani, mbi yeke mu na ala tënë ti tenengo ni na ndara so awato ti ala alingbi pepe ti dekite na ni wala ti ke ni.

Nzoni Tënë so Luc asu na mbeti 24:49

Ti mbi, fade mbi yeke tokua na ndö ti ala ye so Babâ ti mbi amu zendo ni. Ti ala, ala ngba na ya ti gbata ni ngbii ala wara ngangu so alondo na nduzu.”

Jean 15:5

Mbi yeke keke ti vinye, ala yeke amaboko ni. Zo so aduti oko na mbi si mbi duti oko na lo, fade lo yeke le mingi. Tongana ala duti nde na mbi, ala lingbi ti sara ye oko pepe.

Rome 15:18

Biani, mbi lingbi ti tene mbeni tënë nde pepe, gi tënë ti ye so Christ asara na lege ti mbi ti sara si azo ti amara nde ama yanga ti Nzapa. Lo sara ye ni na lege ti fango tënë nga na lege ti sarango ye ti mbi,

1 Korente 15:10

Me ndali ti nzoni be ti Nzapa, mbi ga zo so ala yeke baa lo laso so; nzoni be so Nzapa asara na mbi, peko ni angba senge pepe. Mbi sara kua ahon atanga ti awatokua kue, andaa mbi laa mbi sara kua ni pepe, me Nzapa so ayeke na mbi laa asara kua ni na lege ti nzoni be ti lo.

1 Korente 3:10

Na lege ti nzoni be so Nzapa asara na mbi, mbi sara kua tongana nzoni wakode ti sarango da; mbi leke gere ti da ni si mbeni zo nde asara da na ndö ni. Me ayeke nzoni zo oko oko asara hange na lege so lo yeke sara da na ndö ti gere ti da ni.

1 Korente 3:6

Mbi laa mbi lu ye, Apolos atuku ngu na ndö ni, me Nzapa asara si ye ni asigigi si amai.

2 Korente 12:9

Me lo tene na mbi: “Nzoni be so mbi sara na mo so alingbi awe. Na ndembe so zo ayeke na ngangu pepe, ngangu ti mbi alingbi ti sara ye kue.” Tongaso, mbi yeke gonda tere ti mbi, gi ngbanga ti so mbi yeke na ngangu pepe, tongaso si ngangu ti Christ aduti na ya ti tere ti mbi.

2 Korente 2:16

Ti azo so ayeke girisa, fion ti yombo ni ayeke fion ti kuâ so ayeke sara titene zo akui. Ti azo so ayeke soo kuâ, fion ni ayeke fion ti fini so ayeke mu fini na zo. Me zo wa laa alingbi ti sara mara ti kua so?

2 Korente 4:7

Ye so ayeke kota mosoro so alondo na Nzapa, me e so e yeke yo mosoro ni, e yeke tongana asenge ta ti sese. Tongaso si azo ahinga atene, kota ngangu so ahon angangu kue alondo na Nzapa, me na e pepe.

Filipe 2:13

Biani, Nzapa laa ayeke zia nzara ti sarango ye na be ti ala si lo yeke mu na ala lege ti sarango ni alingbi na ye so lo leke na be ti lo.

Filipe 4:13

Mbi lingbi ti sara aye so kue, ngbanga ti so Christ laa amu na mbi ngangu.

2 Timothée 2:2

Ye so mo ma na yanga ti mbi na le ti azo mingi, mo zia na maboko ti azo so alingbi ti bata ni mbirimbiri, ala so alingbi ti kiri ti fa ni na ambeni zo.

Jacques 1:17

Nzoni ye so kue zo ayeke wara gi senge senge na matabisi so kue ayeke nzoni alondo na yayu, na maboko ti Nzapa, lo so lo sara ye so kue ayeke su na le ti nduzu. Lo yeke sanze pepe, lo yeke yingi pepe si vukongo ndo ayeke na mbage ti lo oko pepe, tongana lo turne tere ti lo.