2 Korente 3:4 - Mbeti ti Nzapa - Tënë so amu fini

⁴ E yeke tene tënë so, ngbanga ti so e zia be ti e kue na ndö ti Nzapa na lege ti Christ.

2 Korente 3:4 ပူးပေါင်းရင်းမြစ်များ

Sigingo 18:19

Fadeso, mo ma mbi si! Mbi ye ti mu na mo wango; ayeke nzoni Nzapa aduti na mo. Mo laa mo yeke luti na dawa ti Nzapa na iri ti azo; mo laa mo yeke mu tënë ti ala ti fa na Nzapa.

2 Korente 2:14

E mu singila na Nzapa, ngbanga ti so na lege ti gango so e ga oko na Christ, lo yeke zia e lakue na ya ti molongo ti azo so atambula na peko ti Christ so aso benda awe. Tongaso, Nzapa ayeke sara titene azo ahinga Christ na ndo kue ndali ti e; ye ni ayeke tongana fion ti yombo so amu ndo kue.

Efeze 3:12

Na lege so e ga oko na Jésus Christ si e ma na be na lo, e lingbi ti ga nduru na Nzapa na mbeto pepe.

Filipe 1:6

Mbi hinga biani mbi tene, Nzapa so ato nda ti sara nzoni kua na ya ti fini ti ala, fade lo yeke sara ni ngbii ahunzi na lango ti kiringo ti Jésus Christ.

1 Tesalonike 1:8

Biani, tënë ti Kota Gbia alondo na ndo ti ala si ague, asi na sese ti Masedoane na ti Akayi kue. Gi so oko pepe, so ala ma na be na Nzapa, sango ni angba gi na ando use so pepe, me amu ndo kue. Tongaso, e yeke kiri ti tene tënë na ndö ni pepe.