2 Korente 3:2 - Mbeti ti Nzapa - Tënë so amu fini

² Ala laa ayeke mbeti ti e, mbeti so a su ni na ndö ti be ti e titene azo kue ahinga si ala diko ni.

2 Korente 3:2 ပူးပေါင်းရင်းမြစ်များ

Rome 1:8

Kozoni, mbi mu singila na Nzapa ti mbi ndali ti ala kue, na lege ti Jésus Christ, ngbanga ti so azo ti dunia kue ayeke tene tënë ti mabe ti ala.

1 Korente 3:10

Na lege ti nzoni be so Nzapa asara na mbi, mbi sara kua tongana nzoni wakode ti sarango da; mbi leke gere ti da ni si mbeni zo nde asara da na ndö ni. Me ayeke nzoni zo oko oko asara hange na lege so lo yeke sara da na ndö ti gere ti da ni.

2 Korente 11:11

Mbi tene tënë so ngbanga ti nyen? Mbi tene tënë so, ngbanga ti so mbi ye ala pepe? Nzapa ahinga so mbi ye ala!

2 Korente 12:15

Ti mbi, fade mbi yeke buba aye ti mbi kue si mbi yeke ka fini ti mbi ndali ti ala. Tongana mbi ye ala ahon ndoni, fade ala yeke ye mbi gi kete?

2 Korente 3:1

E yeke kiri ti tene nzoni tënë na iri ti e wani? Wala e yeke mu ambeti so atene nzoni tënë na ndö ti e tongana ti so ambeni zo ayeke sara so? E mu ambeti ni ti gue na ni na ala, wala e mu ni na maboko ti ala?

2 Korente 7:3

Mbi yeke tene tënë so ti fâ ngbanga na li ti ala pepe. Biani, mbi tene na ala kozoni, mbi tene: ataa e ngba na fini wala e kui, e ye ala mingi.

Filipe 1:7

So ayeke na legeni titene be ti mbi angba na ndö ti ala, ngbanga ti so tënë ti ala agbu be ti mbi mingi. Biani, ala kue awara nga aye so Nzapa amu na mbi na lege ti nzoni be ti lo, ataa fadeso mbi yeke na da ti kanga, wala na ngoi so mbi yeke lani na da ti kanga pepe si mbi yeke gbu koko ti Nzoni Tënë titene azo ama na be na ni na be ti ala kue.

1 Tesalonike 1:8

Biani, tënë ti Kota Gbia alondo na ndo ti ala si ague, asi na sese ti Masedoane na ti Akayi kue. Gi so oko pepe, so ala ma na be na Nzapa, sango ni angba gi na ando use so pepe, me amu ndo kue. Tongaso, e yeke kiri ti tene tënë na ndö ni pepe.