2 Korente 3:18 - Mbeti ti Nzapa - Tënë so amu fini

¹⁸ E so kue a zi bongo ni na le ti e awe, azo ayeke baa gonda ti Kota Gbia na ndö ti le ti e tongana ti so zo ayeke baa ye na ya ti tatara. Yingo ti Kota Gbia ayeke sara titene e ga nde, e kpa Kota Gbia si gonda ti e ayeke gue guengo lakue na nduzu.

2 Korente 3:18 ပူးပေါင်းရင်းမြစ်များ

Abia (Psaumes) 84:7

Tongana ala hon na popo-hoto ti Baka so ahole holengo, ala sara si ngu asigigi daa; akozo ngu-Nzapa asara si nzoni ye amu ndo ni kue.

Jean 1:14

Tënë ni aga zo si lo duti na popo ti e, nzoni be na taa-tënë ti lo ahon ndoni. E baa gonda ti lo, gonda so Babâ amu na oko Molenge ti lo.

Jean 12:41

Ésaïe atene ando tënë so, ngbanga ti so lo baa gonda ti Jésus si lo tene tënë ti lo.

Jean 17:22

Mbi sara si ala wara gonda tongana ti so mo sara si mbi wara gonda, tongaso si ala ga oko, tongana ti so mbi na mo, e yeke oko.

Jean 17:24

Babâ, mo laa mo mu ala na mbi. Mbi ye titene ala duti na mbi na ndo so mbi yeke daa si ala baa gonda so mo gonda na mbi, ngbanga ti so mo ye mbi kozo si dunia abaa gigi.

Rome 12:2

Ala mu lege ti dutingo ti azo ti dunia so pepe, me ala zia Nzapa asanze fini ti ala, lo mu na ala fini gbungo-li. Tongaso, fade ala lingbi ti hinga ye so Nzapa aye: ye so ayeke nzoni, ye so anzere na be ti lo, ye so ayeke nzoni kue.

Rome 13:14

Me ala yu *Kota Gbia Jésus Christ tongana ye ti bira. Ala zia lege pepe na be ti ala so ayeke pusu ala ti sara ye alingbi na asioni nzara ti lo.

Rome 8:29

Biani, azo so Nzapa asoro ala kozoni, lo leke na be ti lo kozoni ti sara si ala ga tongana Molenge ti lo, tongaso si Molenge ni aga yaya ti a-ita mingi.

Rome 8:4

Nzapa asara ye so titene e sara ye ti mbirimbiri so Ndia ahunda na e na ngangu ti sara; e so e yeke sara ye alingbi na asioni nzara ti be ti e mbeni pepe, me alingbi na ye so Yingo aye.

Rome 8:7

Azo so be ti ala ayeke gi na ndö ti asioni nzara ti be ti ala, ala yeke awato ti Nzapa; ala ke ti sara ye alingbi na Ndia ti Nzapa, ala lingbi nga ti sara ni oko pepe.

1 Korente 13:12

Ti fadeso, ye so e yeke baa ayeke tongana ye so zo ayeke baa na ya ti tatara; e yeke baa ye ni nzoni kue pepe. Me gbanda, e yeke baa Nzapa le na le. Ti fadeso, mbage ti hingango ye ti mbi atia; me gbanda, mbi yeke hinga ye kue tongana ti so Nzapa ahinga na mbi so.

1 Korente 15:49

Tongana ti so e kpa tere na lo so Nzapa amu sese asara na lo, fade e yeke kpa tere na lo so alondo na yayu si aga.

2 Korente 3:17

Andaa Kota Gbia ayeke Yingo; ndo so Yingo ti Kota Gbia ayeke daa, ye ti zingo zo na gbe ti ngbaa ayeke daa.

2 Korente 4:4

azo so ake ti ma na be. Sioni nzapa ti sese so akanga lege ti hingango ndo ti ala titene ala baa zango ti Nzoni Tënë pepe. Andaa Nzoni Tënë ni ayeke fa gonda ti Christ, lo so lo yeke limo ti Nzapa.

2 Korente 4:6

Nzapa so atene ando, atene: “Ayeke nzoni lumiere aza na ya ti vukongo ndo”, lo wani laa lo za na be ti e titene le ti e azi si e hinga gonda ti lo so ayeke za na ndö ti le ti Christ.

2 Korente 5:17

Tongaso, tongana mbeni zo aga oko na Christ, lo ga fini zo awe; ngbene ye ahon awe, fini ye asi.

Galasii 6:15

Ndani laa, ataa zo afâ ganza wala lo fâ ganza pepe, so ayeke senge. Kota ye ni ayeke so Nzapa asara si e ga afini zo!

Kolose 3:10

Ala yu fini dutingo ti zo awe tongana ti so zo ayeke yu fini bongo. Nzapa so asara ala si ala ga afini zo, lo yeke sara titene ala ngba lakue ti ga tongana lo, tongaso si ala yeke hinga lo mbirimbiri.

1 Timothée 1:11

Tënë so alingbi na Nzoni Tënë so Nzapa azia na maboko ti mbi; tënë ni ayeke tënë ti Nzapa, lo so alingbi na gonda si azo ayeke tene nzoni tënë ti lo.

Tite 3:5

lo soo e na kuâ. Mbeni ye ti nzoni so e wani, e sara na lege ti mbirimbiri ti e titene lo soo e ndali ni ayeke daa pepe, me lo soo e, ngbanga ti so lo baa mawa ti e. Lo soo e, lo sukula e na lege ti Yingo-Vuru so asara si e ga fini zo si e wara fini kode ti dutingo ni.

Jacques 1:23

Biani, zo so ama tënë ni si lo sara ye alingbi na ni pepe, lo yeke tongana zo so abaa le ti lo so a du lo na ni na ya ti tatara.

1 Jean 3:2

A-ita ti mbi so mbi ye ala mingi, fadeso e yeke amolenge ti Nzapa, me dutingo ti e ti gbanda angba na hondengo ni. Me e hinga, e tene, tongana Christ asi ande, e yeke ga tongana lo, ngbanga ti so e yeke baa taa lo wani.