2 Korente 2:14 - Mbeti ti Nzapa - Tënë so amu fini

¹⁴ E mu singila na Nzapa, ngbanga ti so na lege ti gango so e ga oko na Christ, lo yeke zia e lakue na ya ti molongo ti azo so atambula na peko ti Christ so aso benda awe. Tongaso, Nzapa ayeke sara titene azo ahinga Christ na ndo kue ndali ti e; ye ni ayeke tongana fion ti yombo so amu ndo kue.

2 Korente 2:14 ပူးပေါင်းရင်းမြစ်များ

Abia (Psaumes) 106:47

KOTA GBIA Nzapa ti e, mo soo e maa! Zi e na popo ti amara nde, mo bongbi e na ndo oko, tongaso fade e yeke sepela iri ti mo so ayeke nde si ayeke nzoni kue. Fade e yeke pika kate ti e, ngbanga ti so e yeke sepela mo.

Abia (Psaumes) 148:14

Israel, azo ti lo ayeke nduru na lo. Lo sara si ala mu li ti ala na nduzu, ala wara ngangu. Ndani laa, ala mu be ti ala na lo si ala yeke sepela lo! Aleluya!

B. ti abia 1:3

afun pendere ahon ayombo ti mo. Iri ti mo ayeke yombo so afun amu ndo kue, ndani laa amaseka-wali aye mo mingi so.

Ezekiel 20:41

Na peko ti so mbi yeke sara si ala sigigi na popo ti amara si mbi yeke mu ala na ya ti akodro so ala kangbi lani daa ti bongbi ala na ndo oko, mbi yeke yamba ala na nzoni be tongana sandaga so fion ni afun nzoni. Na lege ti ala, fade mbi yeke fa na le ti amara nde so mbi yeke nde si mbi yeke nzoni kue.

Jean 16:33

Mbi tene tënë so na ala titene ala duti na siriri na lege ti gango so ala ga oko na mbi. Na dunia so, fade ala yeke baa pasi, me ala gbu ngangu! Mbi hon dunia so na ngangu awe!”

Rome 1:8

Kozoni, mbi mu singila na Nzapa ti mbi ndali ti ala kue, na lege ti Jésus Christ, ngbanga ti so azo ti dunia kue ayeke tene tënë ti mabe ti ala.

Rome 15:19

na lege ti aye ti kpene nga na lege ti aye ti dongo be so Yingo-Vuru asara. Tongaso, ti londo na Jérusalem ngbii asi na sese ti Ilirii, mbi tambula ti fa Nzoni Tënë kue ti Christ na azo.

Rome 6:17

E mu singila na Nzapa: ando, ala yeke angbaa ti siokpari, me fadeso, ala yeda na be ti ala kue na taa-tënë so a fa na azo kue si ala, azo ti Rome, ala yeda nga na ni.

Rome 8:37

Me na ya ti aye so kue, e hon na ngangu ndali ti Jésus so aye e.

1 Korente 12:8

Yingo ayeke mu na mbeni zo tënë ti ndara si na mbeni zo, lo yeke mu tënë ti hingango ye;

1 Korente 15:37

Ye so mo yeke lu ayeke keke ti kobe ni pepe, me ayeke gi asenge le ni, le ti *ble wala mbeni le ti kobe nde.

1 Korente 15:57

Me e mu singila na Nzapa so ayeke sara titene, na lege ti Kota Gbia ti e Jésus Christ, e so benda!

2 Korente 1:11

Ala nga, ala yeke mu maboko na e na lege ti sambela ti ala. Tongaso, fade Nzapa ayeke ma sambela so azo mingi ayeke sambela ndali ti e si lo yeke sara ande nzoni be na e. Ndani laa azo mingi ayeke mu singila na lo ndali ti e.

2 Korente 8:16

E mu singila na Nzapa so azia na be ti Tite nzara ti sara na ala tongana ti so e nga, e yeke na nzara ti sara na ala.

2 Korente 9:15

E mu singila na Nzapa ndali ti nzoni ye so lo mu na e, mbeni ye ti lingbi na ni ayeke daa pepe!

Efeze 5:2

Ala sara ye na lege ti yengo tere tongana ti so Christ aye e si lo mu tere ti lo wani na Nzapa ndali ti e tongana *sandaga so fion ni afun nzoni si anzere na be ti Nzapa.

Efeze 5:20

Ala mu singila lakue na Nzapa Babâ ndali ti aye kue, na iri ti Kota Gbia ti e Jésus Christ.

Filipe 4:18

Na ndembe so, mbi wara aye so alingbi na mbi awe; mbi kiri mbi wara ahon ndoni. Mbi yeke na ye mingi na peko ti so Epafrodite aga na aye so ala tokua na mbi so. Aye so ala tokua so ayeke tongana yombo so afun nzoni, ayeke nga tongana *sandaga so Nzapa aye tënë ni si anzere na be ti lo.

Kolose 1:23

Me alingbi ala ngba na lege ti mabe, ala luti ngangu na ndö ni si ala kpengba. Na ndembe so ala ma Nzoni Tënë, ala wara lege ti zia be ti ala ti ku, ala zia lege ni, ala hon nde pepe. A fa Nzoni Tënë so na azo ti dunia kue si mbi Paul, mbi ga zo ti kua ti fango Nzoni Tënë ni.

Kolose 1:6

Nzoni Tënë asi na popo ti ala, azo ti Kolose. Na ndö ti dunia kue, Nzoni Tënë ni ayeke gue gi na nduzu si azo ayeke baa aye ti peko ni. Ye ni ayeke gi tongaso na popo ti ala, ti londo na ndembe so ala yamba Nzoni Tënë ni si ala hinga taa-tënë na ndö ti lege so Nzapa ayeke sara nzoni be na azo.

Kolose 2:15

Nzapa azi ngangu ti ayingo so ayeke na komandema; lo mu ala, lo fa ala polele na le ti azo, lo gboto ala tongana azo ti kanga na ya ti molongo ti azo so atambula na peko ti Molenge ti lo so aso benda awe.

1 Tesalonike 1:8

Biani, tënë ti Kota Gbia alondo na ndo ti ala si ague, asi na sese ti Masedoane na ti Akayi kue. Gi so oko pepe, so ala ma na be na Nzapa, sango ni angba gi na ando use so pepe, me amu ndo kue. Tongaso, e yeke kiri ti tene tënë na ndö ni pepe.

1 Tesalonike 3:9

Singila ti nyen laa e yeke mu ande na Nzapa ti e ndali ti ala alingbi na kota ngia so ala zia na be ti e na le ti lo so?

1 Timothée 2:8

Mbi ye si akoli asambela na ndo kue, na yorongo maboko ti ala na nduzu, maboko so ayeke *nzoni, na ngonzo na be ti ala pepe, na tënë ti papa pepe.

2 Timothée 2:2

Ye so mo ma na yanga ti mbi na le ti azo mingi, mo zia na maboko ti azo so alingbi ti bata ni mbirimbiri, ala so alingbi ti kiri ti fa ni na ambeni zo.

Aye so Nzapa afa 7:12

Ala tene: “Amen! Sepelango, gonda, ndara, singila, nengo, komandema na ngangu ayeke ti Nzapa ti e, kpu na kpu! Amen.”