2 Korente 2:13 - Mbeti ti Nzapa - Tënë so amu fini

¹³ be ti mbi angba gi na nduzu, ngbanga ti so mbi baa ita ti mbi Tite pepe. Ndani laa mbi bara azo ni si mbi hon, mbi gue na sese ti Masedoane.

2 Korente 2:13 ပူးပေါင်းရင်းမြစ်များ

Daniel 6:19

Na pekoni, gbia akiri na yangbo ti lo na bi ni so. Lo ke ti te kobe. Lo hunda titene a ga na awali ti lo na tere ti lo pepe; lango agbu le ti lo nga pepe.

Marc 6:46

So lo zia lege na ala si ala gue awe, lo gue na li ti mbeni hoto ti sambela.

Awatokua 21:6

Na peko ti so e kue, e bara tere awe, e ko na ya ti mangboko; ti ala, ala kiri na ndo ti ala.

Rome 15:26

Biani, azo ti Christ ti Masedoane na ala ti Akayi aleke na be ti ala ti bi nginza ti tokua na azo ti Nzapa so ayeke na ya ti mawa.

2 Korente 12:18

Mbi tene tënë mingi na Tite si mbi tokua lo, lo na mbeni ita [so mbi tene tënë ti lo] so. So Tite ague so, lo te mbeni ye ti ala? E na lo kue, be ti e ayeke gi oko pepe? E na lo kue, sarango ye ti e ayeke gi oko pepe?

2 Korente 7:13

So laa asara si be ti e ade. Be ti e akiri aduti na ngia mingi ngbanga ti so Tite awara ngia. Lo wara ngia mingi ndali ti so, ala kue asara si be ti lo aduti na siriri.

2 Korente 7:14

Lani, mbi gonda tere ti mbi ndali ti ala na le ti lo, me kamene ni asara mbi pepe. Tongana ti so lakue e yeke tene na ala taa-tënë, gondango tere ti e ndali ti ala na le ti Tite aga nga taa-tënë awe.

2 Korente 8:16

E mu singila na Nzapa so azia na be ti Tite nzara ti sara na ala tongana ti so e nga, e yeke na nzara ti sara na ala.

2 Korente 8:23

Ti Tite, lo yeke zo so mbi na lo, e yeke tambula; lo yeke mba ti mbi so mbi na lo, e yeke sara kua ndali ti ala. Ti a-ita so lo na ala ayeke gue so, ala yeke azo so a-Eglize atokua ala, ala yeke sara kua ndali ti gonda ti Christ.

2 Korente 8:6

Ndani laa e mu wango mingi na Tite titene lo hunzi kua ti nzoni be so lo to nda ni na ndo ti ala, azo ti Eglize ti Korente.

Galasii 2:1

Ngu baleoko na osio na pekoni, mbi kiri mbi gue na Jérusalem, mbi na Barnabas; mbi mu nga Tite na tere ti mbi.

Galasii 2:3

Ataa Tite, mba ti mbi so mara ti lo ayeke greke, mbeni zo agbu lo na ngangu pepe titene lo fâ *ganza.

2 Timothée 4:10

Demas azia mbi, ahon awe, ngbanga ti so nzara ti aye ti gigi so agbu lo; lo gue na Tesalonike. Kresan ague na Galasii, Tite ague na Dalmasii.

Tite 1:4

Mbi tokua mbeti so na mo Tite so mo yeke taa molenge ti mbi na lege ti oko mabe so e yeke na ni. Ayeke nzoni Nzapa Babâ na Wasongo e, Jésus Christ asara nzoni be na mo si amu na mo siriri!