2 Korente 2:1 - Mbeti ti Nzapa - Tënë so amu fini

¹ Ndani laa, mbi leke na be ti mbi ti kiri ti si na popo ti ala pepe, ngbanga ti so mbi ye fade ti zia vundu na be ti ala pepe.

2 Korente 2:1 ပူးပေါင်းရင်းမြစ်များ

Awatokua 11:29

Tongaso adisiple aleke na be ti ala titene zo oko oko amu ye alingbi na ngangu ti lo ti mu maboko na a-ita, azo ti Christ, so ayeke na Judée.

Awatokua 15:2

Paul na Barnabas ake tënë ti azo ni si papa alondo na popo ti ala ngangu mingi. Tongaso azo ti *Eglize ni abaa so, ayeke nzoni titene Paul na Barnabas na ambeni zo ague na Jérusalem ti baa *awatokua na *akangba ndali ti tënë ni.

Awatokua 15:37

Barnabas aye titene ala mu Jean, so mbeni iri ti lo ayeke Marc na tere ti ala,

1 Korente 2:2

Biani, so mbi yeke na popo ti ala, mbi ye ti hinga mbeni ye nde pepe, gi Jésus Christ oko, Jésus Christ so a fâ lo na ndö ti keke ti kroa.

1 Korente 4:21

Ala ye nyen? Ala ye mbi mu fimbo si mbi ga na ni na tere ti ala? Wala ala ye mbi sara ngangu na ala pepe, ti fa na ala so mbi ye ala?

1 Korente 5:3

Ti mbi, ataa so mbi yeke na popo ti ala pepe, na lege ti yingo, mbi yeke na popo ti ala. Tongaso mbi fâ ngbanga na li ti zo so asara mara ti ye ti sioni so awe, mbi sara ni tongana zo so ayeke na popo ti ala.

2 Korente 1:23

Mbi tene taa-tënë, Nzapa ayeke ma mbi. Tongana mbi tene mvene, ayeke nzoni Nzapa afâ mbi! Mbi zia lege ti kiringo na Korente, ngbanga ti so mbi ye ti sara pasi na ala pepe.

2 Korente 13:10

Ndani laa, so mbi de yongoro na ala, mbi yeke su mbeti so ti tokua na ala. Tongaso, tongana mbi si na popo ti ala, mbi yeke so na ndö ti ala pepe. *Kota Gbia amu na mbi ngangu ti sara si *Eglize ti ala akpengba, me ti buba Eglize ni pepe.

2 Korente 2:4

Biani, na ndembe so mbi su mbeti ti tokua na ala, be ti mbi ayeke na vundu, mbi yeke na siriri pepe, mbi yeke na ngu ti le na le ti mbi. Mbi su mbeti ni ti zia vundu na be ti ala pepe, me titene ala hinga atene, mbi ye ala ahon ndoni.

Tite 3:12

Tongana mbi tokua Artemas wala Tishike na mo, mo gi lege ngangu ti ga ti wara mbi na gbata ti Nikopolis. Mbi leke be ti mbi ti ngba kâ na ngoi ti de.