2 Korente 13:9 - Mbeti ti Nzapa - Tënë so amu fini

⁹ Lakue, be ti e ayeke na ngia tongana e yeke na ngangu pepe si ala yeke ti ala na ngangu. Ye so e yeke sambela ndali ni ayeke titene ala ga nzoni kue.

2 Korente 13:9 ပူးပေါင်းရင်းမြစ်များ

Rome 15:2

E oko oko kue, e gi ti sara ye so anzere na amba ti e ndali ti nzoni ti ala, tongaso si ala kpengba na lege ti mabe.

1 Korente 1:10

A-ita, mbi hunda na ala mingi na iri ti *Kota Gbia ti e Jésus Christ titene ala kue ama tere si kangbi aduti na popo ti ala pepe; ala duti gi tongana zo oko, tënë ti be ti ala nga na bango ndo ti ala ague gi oko.

1 Korente 2:3

Ndani laa, so lani mbi yeke na popo ti ala, ngangu atia mbi, mbeto asara mbi si tere ti mbi ado mingi.

1 Korente 4:10

Ndali ti Christ, e ga azo so li ti ala ayeke daa pepe, me ti ala, ala ga azo ti ndara na lege ti gango so ala ga oko na Christ. E yeke ti e na ngangu pepe, me ti ala, ala yeke na ngangu. Azo ayeke ne ala, me ti e, azo ayeke baa e tongana ambumbuse zo.

2 Korente 11:30

Tongana ayeke tënë ti gondango tere, mbi yeke gonda tere ti mbi, ngbanga ti so mbi yeke na ngangu pepe.

2 Korente 13:11

Ti hunzi na ni, a-ita, ala duti na ngia! Ala gi lege ti ga nzoni kue, ala mu wango ti kpengba na amba ti ala, ala ma tere na popo ti ala, ala duti na siriri si Nzapa so aye zo si ayeke mu siriri na zo, fade lo yeke duti na ala.

2 Korente 13:4

Biani, a fâ lo na ndö ti keke ti kroa ndali ti so lo yeke na ngangu pepe, me fadeso, lo yeke na fini na lege ti ngangu ti Nzapa. Ndali ti so e ga oko na lo, e nga, e yeke na ngangu pepe, me fade e yeke fa na ala so, e yeke na fini na lege ti ngangu ti Nzapa.

2 Korente 4:12

Tongaso, kuâ ayeke sara kua na ya ti tere ti e, fini ayeke sara kua na ya ti tere ti ala.

2 Korente 7:1

A-ita ti mbi so mbi ye ala mingi, azendo so kue ayeke ndali ti e. Tongaso, e *sukula sioni so kue ayeke na tere ti e nga na be ti e. Na lege ti kpengo mbeto ti Nzapa, e gi lege ti mu tere ti e kue na lo.

Kolose 1:28

Tënë ti lo laa e yeke fa na azo. E yeke mu wango na azo kue si e yeke fa na ala ye na lege ti ndara kue, tongaso si zo oko oko na lege ti gango so lo ga oko na Christ aga kangba na lege ti Yingo.

Kolose 4:12

Epafras so ayeke mbeni zo ti ala abara ala; lo yeke zo ti kua ti Jésus Christ, lo ngba ti tiri bira na lege ti sambela ndali ti ala. Lo yeke hunda na Nzapa titene ala luti ngangu, ala ga kangba na lege ti Yingo si ala yeke lakue nduru ti sara ye so kue be ti Nzapa aye.

1 Tesalonike 3:10

Bi na lâ, e yeke hunda mingi na Nzapa titene lo sara si e kiri e baa le ti ala si na lege ti e, ala yeke wara aye so atia mabe ti ala.

2 Timothée 3:17

si zo ti Nzapa akpengba, lo wara anzoni ye so kue alingbi titene lo sara na nzoni kua.

Ahebro 12:23

A-ita, ala ga nduru na bongbi ti akozo molenge ti Nzapa awe, ala so a su iri ti ala na mbeti kâ na yayu. Ala ga nduru na Nzapa awe, lo so lo yeke fâ ngbanga ti azo kue. Ala ga nduru awe na ayingo ti azo ti mbirimbiri so aga nzoni kue so.

Ahebro 13:21

Ayeke nzoni Nzapa asara si ala ga azo so alingbi ti sara ye so kue ayeke nzoni nga na ye so be ti lo aye! Ayeke nzoni, na lege ti Jésus Christ, Nzapa asara si e sara ye so anzere na be ti lo! Gonda ayeke ti lo kpu na kpu! Amen.

Ahebro 6:1

Tongaso, alingbi e zia lege ti akozo tënë so e manda ando na ndö ti Christ, e hon fadeso ti manda akpengba tënë so alingbi na akangba, e kiri na ndö ti akozo kota tënë ni pepe. Akozo tënë ni ayeke so: tënë ti ziango ngbene lege ti sarango abuba ye, tënë ti mango na be na Nzapa,

1 Pierre 5:10

Pasi so ala yeke baa so ayeke ndali ti kete ngoi. Me Nzapa so ayeke sara nzoni be mingi na azo, lo iri ala titene ala li na ya ti gonda ti lo so ayeke ngba lakue lakue, ngbanga ti so ala ga oko na Christ awe. Tongaso, lo yeke sara titene ala ga nzoni kue, ala kpengba, ala wara ngangu si mbeni ye ayingi ala pepe.