2 Korente 13:3 - Mbeti ti Nzapa - Tënë so amu fini

³ ngbanga ti so ala ye ti baa mbeni ye so afa atene, Christ laa ayeke tene tënë na lege ti mbi. Tongana Christ ayeke baa lege ti ala, lo yeke woko pepe, me lo yeke fa ngangu ti lo na popo ti ala.

2 Korente 13:3 ပူးပေါင်းရင်းမြစ်များ

Matthieu 10:20

Ala yeke tene ande tënë ti ala wani pepe; me fade Yingo ti Nzapa Babâ ti ala laa ayeke zia tënë ni na yanga ti ala ti tene.

Nzoni Tënë so Luc asu na mbeti 21:15

Biani, fade mbi wani, mbi yeke mu na ala tënë ti tenengo ni na ndara so awato ti ala alingbi pepe ti dekite na ni wala ti ke ni.

1 Korente 7:40

Me ti be ti mbi, tongana wali ni aduti gi lo oko, fade lo yeke duti na ngia mingi. Mbi nga, mbi hinga, mbi tene, mbi yeke na Yingo ti Nzapa.

2 Korente 10:1

Mbi Paul, mbi wani, mbi yeke hunda na ala mbeni ye na iri ti Christ, lo so lo yeke sara ye na nzoni be, me na ngangu pepe. Azo ayeke tene: tongana mbi yeke na popo ti ala, mbi yeke zo so ade mingi, me tongana mbi yeke yongoro na ala, mbi yeke so na ndö ti ala mingi.

2 Korente 10:4

Aye ti bira ti e alondo na zo ti sese so pepe, me ngangu ti aye ti bira ti e alondo na Nzapa si ayeke buba angangu gbagba ti bira. Atënë ti gbungo-li ti azo so ayeke na legeni pepe, e yeke buba ni.

2 Korente 12:12

Aye so afa atene, mbi yeke watokua ti Christ, ala baa ni na popo ti ala kâ awe: mbi kanga be ti mbi na ya ti aye kue; ala baa aye ti kpene, aye ti dongo be na aye so Nzapa asara ti fa ngangu ti lo.

2 Korente 2:10

Tongana ala zi tënë na li ti mbeni zo, mbi nga, mbi yeke zi tënë na li ti lo. Tongana mbi zi tënë na li ti zo – tongana ti so mbi wara lege ti sarango ni – mbi zi ni ndali ti ala, na le ti Christ.

2 Korente 2:6

Mara ti zo tongaso, azo mingi na popo ti ala ade ngbanga na li ti lo, so alingbi awe.

2 Korente 9:8

Nzapa ayeke na ngangu ti mu na ala mara ti anzoni ye kue ahon ndoni. Tongaso, ala yeke na ye lakue so alingbi na ala si ala yeke nga na mbeni na ndö ni ti sara na anzoni kua kue.