2 Korente 12:9 - Mbeti ti Nzapa - Tënë so amu fini

⁹ Me lo tene na mbi: “Nzoni be so mbi sara na mo so alingbi awe. Na ndembe so zo ayeke na ngangu pepe, ngangu ti mbi alingbi ti sara ye kue.” Tongaso, mbi yeke gonda tere ti mbi, gi ngbanga ti so mbi yeke na ngangu pepe, tongaso si ngangu ti Christ aduti na ya ti tere ti mbi.

2 Korente 12:9 ပူးပေါင်းရင်းမြစ်များ

2 Agbia 2:15

Bongbi ti awayanga-Nzapa so ayeke na Jéricho aluti yongoro si ala baa Élisée na sarango ye ni; ala tene: “Yingo so ayeke lani na ndö ti Élie aga fadeso na ndö ti Élisée awe.” Ala gue, awara lo na lege, ala kuku akpo li ti ala na sese na dawa ti lo.

Abia (Psaumes) 8:2

*KOTA GBIA, Kota Gbia ti e, iri ti mo ayeke na gonda mingi na ndö ti sese kue! Pendere ti mo aza ahon pendere ti yayu!

Ésaïe 11:2

Fade yingo ti *KOTA GBIA ayeke duti na ndö ti lo: yingo ti ndara na ti hingango popo ti nzoni na sioni, yingo ti mungo wango na ti ngangu, yingo ti hingango ndo na ti kpengo mbeto ti KOTA GBIA.

Ésaïe 43:2

Tongana mo hon na ya ti kota ngu, fade mbi yeke na mo; tongana mo fâ *abale, abale ni ayeke mene mo pepe. Tongana mo hon na ya ti wâ, wâ ni ayeke gbi mo pepe, menga ti wâ ni ayeke ndu mo pepe.

Sofonii 3:17

KOTA GBIA, Nzapa ti mo ayeke na popo ti mo, lo yeke kpengba zo ti bira, lo yeke zo ti songo mo na kuâ. Tere ti lo anzere mingi ndali ti mo; na lege ti ndoye ti lo, lo yeke kiri ti bi tënë na li ti mo pepe. Lo yeke dodo, lo yeke dekongo na ngia ndali ti mo.

Matthieu 28:18

Jésus aga nduru na tere ti ala si lo tene na ala: “A mu na mbi ngangu kue na yayu nga na sese.

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Nzoni Tënë so Luc asu na mbeti 21:15

Biani, fade mbi wani, mbi yeke mu na ala tënë ti tenengo ni na ndara so awato ti ala alingbi pepe ti dekite na ni wala ti ke ni.

1 Korente 10:13

Aye ti tarango be so kue asi na ala ayeke aye so ayeke si na azo kue. Nzapa ayeke sara ye alingbi na tënë ti yanga ti lo: lo lingbi ti zia ala titene aye ti tarango be ahon ngangu ti ala pepe. Me tongana ye ti tarango be asi, fade Nzapa ayeke mu na ala ngangu titene ala kanga be ti ala daa, lo yeke mu nga na ala lege ti sigingo na ya ni.

1 Korente 15:10

Me ndali ti nzoni be ti Nzapa, mbi ga zo so ala yeke baa lo laso so; nzoni be so Nzapa asara na mbi, peko ni angba senge pepe. Mbi sara kua ahon atanga ti awatokua kue, andaa mbi laa mbi sara kua ni pepe, me Nzapa so ayeke na mbi laa asara kua ni na lege ti nzoni be ti lo.

1 Korente 2:3

Ndani laa, so lani mbi yeke na popo ti ala, ngangu atia mbi, mbeto asara mbi si tere ti mbi ado mingi.

1 Korente 2:5

Tongaso, mabe ti ala aluti na ndö ti ndara ti azo pepe, me na ndö ti ngangu ti Nzapa.

2 Korente 11:30

Tongana ayeke tënë ti gondango tere, mbi yeke gonda tere ti mbi, ngbanga ti so mbi yeke na ngangu pepe.

2 Korente 12:1

Alingbi mbi gonda tere ti mbi, ataa so zo alingbi ti wara ye daa pepe. Me mbi ye ti tene tënë ti aye so *Kota Gbia afa na mbi na ya ti mbeni ye tongana bango-li si lo sara titene mbi hinga ni.

2 Korente 12:10

Ndani laa mbi yeke duti na ngia na ndembe so mbi yeke na ngangu pepe, nga na ndembe so azo ayeke zonga mbi, wala aye ayeke gi mbi mbage na mbage, wala azo ayeke sara ngangu na mbi, wala mbi yeke na kpale mingi ndali ti Christ. Biani, na ndembe so mbi yeke na ngangu pepe, na ndembe so laa mbi yeke na ngangu.

2 Korente 12:15

Ti mbi, fade mbi yeke buba aye ti mbi kue si mbi yeke ka fini ti mbi ndali ti ala. Tongana mbi ye ala ahon ndoni, fade ala yeke ye mbi gi kete?

2 Korente 12:5

Fade mbi yeke gonda tere ti mbi ndali ti zo so; me ti mbi, fade mbi yeke gonda tere ti mbi, ngbanga ti so mbi yeke na ngangu pepe.

Efeze 3:16

Mbi hunda na lo titene lo mu ngangu na ala na lege ti Yingo ti lo alingbi na gonda ti lo so ayeke kota ahon ndoni, tongaso si be ti ala awara ngangu.

Filipe 4:13

Mbi lingbi ti sara aye so kue, ngbanga ti so Christ laa amu na mbi ngangu.

Kolose 1:11

Fade Nzapa ayeke sara titene ala kpengba mingi na lege ti ngangu ti lo so ayeke fa gonda ti lo. Tongaso, na ya ti aye ti ngangu kue, ala lingbi ti gbu ngangu, ala kanga be ti ala ti ku.

1 Timothée 1:14

Kota Gbia ti e Christ Jésus asara nzoni be na mbi ahon ndoni: lo mu na mbi mabe na ndoye so aga na lege so mbi ga oko na Jésus Christ.

Ahebro 11:34

ala mingo angangu wâ, ala kpe na maboko ti azo so aye ti fâ ala na yongoro zeme, ala kiri awara ngangu na peko ti kobela so asara ala; ala ga akpengba zo ti sarango bira, ala tumba aturugu ti akodro wande.

Ahebro 4:16

Tongaso, e gue nduru na tere ti mbata ti Gbia Nzapa na mbeto pepe, titene lo baa mawa ti e, lo sara nzoni be na e si lo mu na e maboko na ndembe so alingbi.

Josué 1:9

Mbi mu yanga na mo, mbi tene: gbu ngangu, mo sara ye ti koli! Zia mbeto asara mo pepe, zia mbeto ahon ndö ti mo pepe, ngbanga ti so mbi KOTA GBIA, Nzapa ti mo, fade mbi yeke na mo na ndo so kue mo yeke gue daa.”